Gold Rate in Kerala: സ്വർണം, വെള്ളി വിലയിൽ ഇന്നും മാറ്റമില്ല

തിരുവനന്തപുരം: സംസ്ഥാനത്ത് സ്വര്‍ണ വിലയിൽ മാറ്റമില്ല. പവന് 23,720 രൂപ എന്ന നിരക്കിലാണ് വ്യപാരം പുരോഗമിക്കുന്നത്. ഗ്രാമിന് 2,965 രൂപ എന്ന നിരക്കിലാണ് വ്യാപാരം നടക്കുന്നത്. കഴിഞ്ഞ ദിവസവും പവന് 23,720 രൂപ എന്ന നിരക്കിലാണ് വ്യാപാരം നടന്നത്. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിക്കുന്നത്. ഈ മാസം ആദ്യ ദിനത്തിൽ സ്വര്‍ണ വിലയിൽ വര്‍ധനവ് രേഖപ്പെടുത്തിയിരുന്നു. എന്നാൽ അടുത്ത ദിവസം നേരിയ കുറവ് അനുഭവപ്പെടുന്നുണ്ടായിരുന്നു. ഈ മാസത്തെ ഏറ്റവും കുറഞ്ഞ നിരക്ക് 23,480 രൂപയാണ്.

ഈ മാസത്തെ ഏറ്റവും ഉയർന്ന സ്വർണ നിരക്കായ 23920 രൂപ രേഖപ്പെടുത്തിയത് ഒമ്പതാം തീയതിയായിരുന്നു. അതെസമയം,വെള്ളി വിലയും മാറ്റമില്ലാതെ തുടരുകയാണ്. ഗ്രാമിന് ഇന്നലത്തെ വിലയായ 40.86 എന്ന നിരക്കിലാണ് ഇന്നും വ്യാപാരം നടക്കുന്നത്. ഒരു കിലോ വെള്ളിക്ക് 40,863 എന്ന നിരക്കിലാണ് വ്യാപാരം പുരോഗമിക്കുന്നത്.