സ്വര്‍ണ വിലയില്‍ മാറ്റമില്ല; പവന് 23,000 രൂപ

കൊച്ചി: സംസ്ഥാനത്ത് സ്വര്‍ണ വില മാറ്റമില്ലാതെ തുടരുന്നു. പവന് 23,000 രൂപയിലാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 2,875 രൂപയിലാണ് വ്യാപാരം നടക്കുന്നത്.

കഴിഞ്ഞ ദിവസങ്ങളില്‍ സ്വര്‍ണ വില കുത്തനെ വര്‍ധിച്ചിരുന്നു. ദീപാവലി ദിവസം പവന് 23,720 രൂപയിലായിരുന്നു വ്യാപാരം നടന്നത്. തുടര്‍ന്ന് സ്വര്‍ണ വില കുറയുകയും ചെയ്തിരുന്നു. 22,920 രൂപ വരെ ഈ മാസം സ്വര്‍ണ വില എത്തിയിരുന്നു. ഈ മാസത്തെ ഏറ്റവും കുറഞ്ഞ നിരക്കായിരുന്നു ഇത്. തുടര്‍ന്നാണ് സ്വര്‍ണ വില വീണ്ടും 23,000 രൂപയിലെത്തിയത്.

അതേസമയം വെള്ളി വിലയില്‍ വര്‍ധനവും രേഖപ്പെടുത്തിയിട്ടുണ്ട്. ഗ്രാമിന് 41.35 എന്ന നിരക്കിലാണ് വെള്ളി വ്യാപാരം നടക്കുന്നത്. ഒരു കിലോയ്ക്ക് 40,350 രൂപയിലാണ് വ്യാപാരം പുരോഗമിക്കുന്നത്. കഴിഞ്ഞ ദിവസങ്ങളിലും വെള്ളി വിലയിൽ വ്യതിയാനം നേരിട്ടിരുന്നു.