Gold Rate in Kerala: സ്വര്‍ണ വിലയില്‍ മാറ്റമില്ല; പവന് 22,920 രൂപ

കൊച്ചി: സംസ്ഥാനത്ത് സ്വര്‍ണ വില മാറ്റമില്ലാതെ തുടരുന്നു. പവന് 22,920 രൂപയിലാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 2,865 രൂപയിലാണ് വ്യാപാരം നടക്കുന്നത്. ഇന്നലെ സ്വര്‍ണ വിലയിൽ 80 രൂപ വര്‍ധിച്ചിരുന്നു. ഈ വിലയിലാ് ഇന്നും വ്യാപാരം പുരോഗമിക്കുന്നത്. ഈ മാസത്തെ ഏറ്റവും കുറഞ്ഞ നിരക്കിലാണ് ഇന്ന് വ്യാപാരം പുരോഗമിക്കുന്നത്.

ഈ മാസം ആദ്യം സ്വര്‍ണ വില കുത്തനെ വര്‍ധിച്ചിരുന്നു.തുടര്‍ന്ന് ദീപാവലി ദിവസം പവന് 23,720 രൂപയിലായിരുന്നു വ്യാപാരം നടന്നത്. തുടര്‍ന്ന് സ്വര്‍ണ വില നിരന്തരം കുറയുകയും ചെയ്തിരുന്നു. 22,920 രൂപ വരെ ഈ മാസം സ്വര്‍ണ വില എത്തിയിരുന്നു.

അതേസമയം വെള്ളി വിലയില്‍ ഇടിവും രേഖപ്പെടുത്തിയിട്ടുണ്ട്. ഗ്രാമിന് 41.10 എന്ന നിരക്കിലാണ് വെള്ളി വ്യാപാരം നടക്കുന്നത്. ഒരു കിലോയ്ക്ക് 40,100 രൂപയിലാണ് വ്യാപാരം പുരോഗമിക്കുന്നത്. കഴിഞ്ഞ ദിവസങ്ങളിലും വെള്ളി വിലയിൽ വ്യതിയാനം നേരിട്ടിരുന്നു.