Gold Rate in Kerala: സ്വര്‍ണ വിലയിൽ വൻ വര്‍ധനവ്; പവന് 22,720 രൂപ

കൊച്ചി: സംസ്ഥാനത്ത് സ്വര്‍ണവിലയിൽ വൻ വര്‍ധനവ് രേഖപ്പെടുത്തി. പവന് 200 രൂപ വര്‍ധിച്ച് 22,720 രൂപയിലെത്തി. ഗ്രാമിന് 2,840 രൂപയിലാണ് ഇന്ന് വ്യാപാരം പുരോഗമിക്കുന്നത്. ഈ മാസാദ്യം 80 രൂപ വില കുറഞ്ഞിരുന്നു. തുടര്‍ന്ന് രണ്ട് ദിവസങ്ങളായി ഇതേ നിരക്കിൽ തന്നെയായിരുന്നു വ്യാപാരം പുരോഗമിച്ചത്.

കഴിഞ്ഞ മാസമായിരുന്നു സ്വര്‍ണ വിലയിൽ വൻ മുന്നേറ്റം അനുഭവപ്പെട്ടത്. ദീപാവലിത്തിരക്ക് മുൻകൂട്ടി സ്വര്‍ണ വില പവന് 23,720 രൂപ വരെ എത്തിയിരുന്നു. എന്നാൽ തുടര്‍ന്ന് നിരന്തരം സ്വർണ വില കുറയുകയായിരുന്നു.

അതേസമയം വെള്ളി വിലയിലും വില വര്‍ധനവ് രേഖപ്പെടുത്തി. ഗ്രാമിന് 41.20 എന്ന നിരക്കിലാണ് വെള്ളിവ്യാപാരം പുരോഗമിക്കുന്നത്. ഒരു കിലോ വെള്ളിയ്ക്ക് 41,200 രൂപയിലും വ്യാപാരം പുരോഗമിക്കുന്നു. വെള്ളി വിലയിൽ നിരന്തരം വ്യതിയാനങ്ങൾ ഉണ്ടാകുന്നുണ്ട്.