സ്വര്‍ണ വില വീണ്ടും കുറഞ്ഞു

കൊച്ചി: സംസ്ഥാനത്ത് സ്വര്‍ണ വില പവന് 120 രൂപ കുറഞ്ഞ് ഒരു പവൻ സ്വര്‍ണത്തിന് 36,360 രൂപയായി മാറി. ഒരു ഗ്രാമിന് 4,545 രൂപയാണ് വില. രാജ്യാന്തര വിപണിയിൽ സ്വര്‍ണ വിലയിൽ നേരിയ കുറവ് മാത്രം. ഔൺസിന് 1,808.89 ഡോളറിലാണ് വ്യാപാരം . സംസ്ഥാനത്ത് സ്വര്‍ണ വിലയിൽ ഇന്നലെ മാറ്റമില്ലായിരുന്നു. ഒരു പവൻ സ്വര്‍ണത്തിന് 36,480 രൂപയായിരുന്നു വില. ഗ്രാമിന് 4,560 രൂപയും. ജൂലൈ മുതലുള്ള ഏറ്റവും കുറഞ്ഞ നിരക്കിലാണ് ഇപ്പോൾ വില. രണ്ടു ദിവസം കൊണ്ട് പവന് 1200 രൂപ കുറഞ്ഞിരുന്നു.

നവംബര്‍ ഒന്ന്, രണ്ട് തിയതികളിൽ 37,680 രൂപയ്ക്കായിരുന്നു സ്വര്‍ണ വ്യാപാരം. നവംബര്‍ 9ന് സ്വര്‍ണ വില പവന് 38,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്. ഒക്ടോബർ 27ന് ആണ് സ്വര്‍ണ വില ഒക്ടോബറിലെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവന് 37,880 രൂപയായിരുന്നു വില. അതേസമയം സെപ്റ്റംബറിൽ സ്വര്‍ണ വില പവന് 440 രൂപ കുറഞ്ഞിരുന്നു.

Also Read: ശിൽപ്പ ഷെട്ടിയുടെ വിവാഹ ദിന സമ്മാനം; സൗദി രാജാവ് ഒബാമയ്ക്ക് നൽകിയ സസ്പെൻസ്, വിലയേറിയ ചില സമ്മാനങ്ങൾ



സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. അടുത്ത ഒരു വര്‍ഷത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

വെള്ളി വില

ഒരു ഗ്രാം വെള്ളിയ്ക്ക് 60.05 രൂപയാണ് വില. 8 ഗ്രാം വെള്ളിയ്ക്ക് 480.40 രൂപയും ഒരു കിലോഗ്രാമിന് 60,050 രൂപയുമാണ് വില.