ഇന്നത്തെ സ്വര്‍ണ വില അറിയാം

കൊച്ചി: സംസ്ഥാനത്ത് സ്വര്‍ണ വിലയിൽ വര്‍ധന. പവന് 200 രൂപയാണ് കൂടിയത്. ഒരു പവൻ സ്വര്‍ണത്തിന് 36,120 രൂപയാണ് വില. ഗ്രാമിന് 4,515 രൂപയും. രാജ്യാന്തര വിപണിയിലും സ്വര്‍ണ വിലയിൽ വര്‍ധന. ട്രോയ് ഔൺസിന് 1,810.24 ഡോളറിൽ ആണ് വ്യാപാരം.

ഇന്നലെ ഒരു പവൻ സ്വര്‍ണത്തിന് 35,920 രൂപയും ഒരു ഗ്രാമിന് 4490 രൂപയുമായിരുന്നു വില.
നവംബര്‍ 9ന് സ്വര്‍ണ വില പവന് 38,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. നവംബറിൽ ഒരു മാസം കൊണ്ട് സ്വര്‍ണ വില പവന് 1,920 രൂപ കുറഞ്ഞിരുന്നു ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്. ഒക്ടോബർ 27ന് ആണ് സ്വര്‍ണ വില ഒക്ടോബറിലെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവന് 37,880 രൂപയായിരുന്നു വില. അതേസമയം സെപ്റ്റംബറിൽ സ്വര്‍ണ വില പവന് 440 രൂപ കുറഞ്ഞിരുന്നു.



Also Read: ഡിസംബറിൽ ധനകാര്യ ഇടപാടുകളിൽ ഉണ്ടാകുന്ന പ്രധാന മാറ്റങ്ങൾ അറിഞ്ഞിരിയ്ക്കാം

സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. അടുത്ത ഒരു വര്‍ഷത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

വെള്ളി വില

ഒരു ഗ്രാം വെള്ളിയ്ക്ക് 59 രൂപയാണ് വില. 8 ഗ്രാം വെള്ളിയ്ക്ക് 472 രൂപയും ഒരു കിലോഗ്രാമിന് 59,000 രൂപയും.