സ്വര്‍ണ വിലയിൽ വര്‍ധന

കൊച്ചി: സംസ്ഥാനത്ത് സ്വര്‍ണ വില പവന് 160 രൂപ കൂടി. ഒരു പവൻ സ്വര്‍ണത്തിന് 37,680 രൂപയും ഒരു ഗ്രാമിന് 4,710 രൂപയുമാണ് വില. രാജ്യാന്തര വിപണിയിൽ സ്വര്‍ണ വിലയിൽ നേരിയ വര്‍ധന. ഔൺസിന് 1870.82 ഡോളറിലാണ് സ്വര്‍ണ വില. സംസ്ഥാനത്ത് ഇന്നലെ ഒരു പവൻ സ്വര്‍ണത്തിന് 80 രൂപ കുറഞ്ഞ് 37,520 രൂപയായി വില മാറിയിരുന്നു. ഒരു ഗ്രാമിന് 4,690 രൂപയായിരുന്നു വില. ഇതായിരുന്നു ഈ മാസത്തെ ഏറ്റവും കുറഞ്ഞ നിരക്ക് . നാലു ദിവസം കൊണ്ട് പവന് 560 രൂപ കുറഞ്ഞതിന് ശേഷമാണ് ഇന്ന് വില വര്‍ധന.

നവംബര്‍ ഒന്ന്, രണ്ട് തിയതികളിൽ 37,680 രൂപയ്ക്കായിരുന്നു സ്വര്‍ണ വ്യാപാരം. രണ്ടു ദിവസം കൊണ്ട് പവന് 400 രൂപയുടെ വര്‍ധന ഉണ്ടായിരുന്നു. നവംബര്‍ 9ന് സ്വര്‍ണ വില പവന് 3,880 രൂപയിൽ എത്തിയിരുന്നു. ഇതായിരുന്നു നവംബറിലെ ഏറ്റവും ഉയര്‍ന്ന നിരക്ക്. ഒക്ടോബര്‍ 1 മുതൽ 31 വരെ സ്വര്‍ണ വിലയിൽ 400 രൂപയുടെ വര്‍ധനയാണ് ഉണ്ടായത്. ഒക്ടോബർ 27ന് ആണ് സ്വര്‍ണ വില ഒക്ടോബറിലെ ഏറ്റവും ഉയര്‍ന്ന നിരക്കിൽ എത്തിയത്. ഒരു പവന് 37,880 രൂപയായിരുന്നു വില. അതേസമയം സെപ്റ്റംബറിൽ സ്വര്‍ണ വില പവന് 440 രൂപ കുറഞ്ഞിരുന്നു.

Also Read: ഡെബിറ്റ്, ക്രെഡിറ്റ് കാര്‍ഡ് വേണ്ട; മൊബൈൽ കയ്യിൽ ഉണ്ടെങ്കിൽ സാധനങ്ങൾ വാങ്ങാം




സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും. അടുത്ത ഒരു വര്‍ഷത്തിനുള്ളിൽ സ്വര്‍ണ വിലയിൽ 10-15 ശതമാനം വരെ വര്‍ധന ഉണ്ടായേക്കാം എന്ന് വിദഗ്ധര്‍ ചൂണ്ടിക്കാട്ടുന്നു.

വെള്ളി വില

ഒരു ഗ്രാം വെള്ളിയ്ക്ക് 62.30 രൂപയാണ് വില. 8 ഗ്രാം വെള്ളിയ്ക്ക് 493.40 രൂപയാണ് വില. ഒരു കിലോഗ്രാമിന് 62,300 രൂപയാണ് വില.