ഈ മാസം ഇതുവരെ പവന് 1,160 രൂപ വര്‍ധിച്ചിട്ടുണ്ട്. ഏപ്രില്‍ ആദ്യം ഒരു പവന് സ്വര്‍ണത്തിന് 38,480 രൂപയായിരുന്നു വില. ഏപ്രില്‍ നാലു മുതല്‍ ആറ് വരെ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില.
Samayam Malayalam15 Apr 2022, 10:05 am
സംസ്ഥാനത്ത് സ്വര്‍ണവില ഉന്നതങ്ങളില്‍ തുടരുന്നു. മാസത്തെ ഏറ്റവും ഉയര്‍ന്ന നിരക്കിലാണ് വ്യാപാരം പുരോഗമിക്കുന്നത്. ഇന്നലെ പവന് 160 രൂപ വര്‍ധിച്ചതോടെയാണ് സ്വര്‍ണവില മാസത്തെ ഉയര്‍ന്ന നിരക്കിലെത്തിയത്. പവന് 39,640 രൂപയിലും ഗ്രാമിന് 4,955 രൂപയുമാണ് വില. രാജ്യാന്തര വിപണിയിലേയും, ഡല്‍ഹി ബുള്ളിയന്‍ വിപണിയിലേയും വിലമാറ്റങ്ങളാണു പ്രാദേശിക ആഭരണ വിപണികളില്‍ പ്രതിഫലിക്കുന്നത്. ആഗോള വിപണിയില്‍ സ്വര്‍ണം ഔണ്‍സിന് 1,973 ഡോളറാണ്.
Samayam Malayalam
ഈ മാസം ഇതുവരെ പവന് 1,160 രൂപ വര്‍ധിച്ചിട്ടുണ്ട്. ഏപ്രില്‍ ആദ്യം ഒരു പവന് സ്വര്‍ണത്തിന് 38,480 രൂപയായിരുന്നു വില. ഏപ്രില്‍ നാലു മുതല്‍ ആറ് വരെ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില. ഒരു പവന് സ്വര്‍ണത്തിന് 38,240 രൂപയും ഒരു ഗ്രാമിന് 4,780 രൂപയുമായിരുന്നു വില.
യു.എസില്‍ പണപ്പെരുപ്പം ഉയരുന്നതും, യുക്രൈന്‍- റഷ്യ യുദ്ധം തുടരുന്നതും ഓഹരി വിപണികളുടെ അസ്ഥിരതയും സ്വര്‍ണവിലയെ സ്വാധീനിക്കുന്നുണ്ട്. ഡോളര്‍- രൂപ വിനിമയ നിരക്കും ഇന്ത്യയിലെ സ്വര്‍ണവിലയില്‍ പ്രതിഫലിക്കുന്നുണ്ട്. പണപ്പെരുപ്പ ഭീഷണി സ്വര്‍ണത്തിലേക്കു നിക്ഷേപങ്ങള്‍ ഒഴുകാന്‍ വഴിവയ്ക്കുന്നുണ്ട്. ട്രഷറി വരുമാനം കുറഞ്ഞതും സ്വര്‍ണത്തെ ആകര്‍ഷകമാക്കുന്നു. മാര്‍ച്ച് ഒന്‍പതിന് പവന് 40,560 രൂപ വരെയായി സ്വര്‍ണവില ഉയര്‍ന്നിരുന്നു. ഇതാണ് കഴിഞ്ഞ മാസത്തെ ഏറ്റവും ഉയര്‍ന്ന നിരക്ക്. എന്നാല്‍ ഉച്ചകഴിഞ്ഞ് 39,840 രൂപയായി വില ഇടിഞ്ഞിരുന്നു. മാര്‍ച്ച് ഒന്നിന് പവന് 37,360 രൂപയായിരുന്നു സ്വര്‍ണ വില. ഇതാണ് മാര്‍ച്ചിലെ ഏറ്റവും കുറഞ്ഞ നിരക്ക്. കഴിഞ്ഞ മാസം കൂടിയും കുറഞ്ഞുമായിരുന്നു സ്വര്‍ണ വില. മാര്‍ച്ചില്‍ പവന് 760 രൂപയുടെ വര്‍ധനയാണ് സ്വര്‍ണ വിലയില്‍ ഉണ്ടായത്.
സംസ്ഥാനത്ത് വെള്ളി വിലയില്‍ നേരിയ വര്‍ധനയുണ്ട്. ഒരു ഗ്രാം വെള്ളിക്ക് 74.40 രൂപയാണ് വില. എട്ട് ഗ്രാം വെള്ളിയ്ക്ക് 595.20 രൂപയാണ് വില. പത്ത് ഗ്രാം വെള്ളിക്ക് 744 രൂപയും ഒരു കിലോഗ്രാമിന് 74,400 രൂപയുമാണ് വില. ഇന്നലെ കിലോഗ്രാമിന് 72,200 രൂപയായിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
