Gold Silver Rate Today: സ്വര്‍ണവിലയില്‍ മാറ്റമില്ല; ഇപ്പോള്‍ പരിഗണിക്കാമോ?

സംസ്ഥാനത്ത് ഇന്നു സ്വര്‍ണ വിലയില്‍ മാറ്റമില്ല. ഇന്നലെ പവന് 200 രൂപ കുറഞ്ഞിരുന്നു. നിലവില്‍ പവന് 39,200 രൂപയിലും ഗ്രാമിന് 4,900 രൂപനയിലുമാണ് വ്യാപാരം പുരോഗമിക്കുന്നത്. രാജ്യാന്തര വിപണിയിലേയും ഡല്‍ഹി ബുള്ളിയന്‍ വിപണിയിലേയും വിലമാറ്റങ്ങളാണു പ്രാദേശിക ആഭരണ വിപണികളില്‍ പ്രതിഫലിക്കുന്നത്.

Also Read: 'നാരങ്ങ അത്ര സിമ്പിൾ അല്ല'; വിപണികളും വിലയും ആഘോഷമാക്കി നാരങ്ങ

പണപ്പെരുപ്പത്തെ നേരിടുന്നതിന്റെ ഭാഗമായി യു.എസ്. ഫെഡ് റിസര്‍വ് നിരക്കുകള്‍ ഇനിയും വര്‍ധിപ്പിക്കാന്‍ മടിക്കില്ലെന്നു വ്യക്തമാക്കിയ സാഹചര്യത്തില്‍ നിരക്കുകള്‍ ഇനിയും കൂടാന്‍ സാധ്യതയുണ്ട്. അതേസമയം ഓഹരി വിപണികളുടെ അസ്ഥിരതയും, റഷ്യ- യുക്രൈന്‍ യുദ്ധം തുടരുന്നതും സ്വര്‍ണത്തിന് അനുകൂലമാണ്. രാജ്യാന്തര വിപണിയില്‍ ട്രോയ് ഔണ്‍സിന് 1,937 ഡോളറിലാണു വ്യാപാരം പുരോഗമിക്കുന്നത്.

ഏപ്രില്‍ നാല് മുതല്‍ ആറ് വരെ പവന് 38,240 രൂപയായിരുന്നു വില. ഇതാണ് ഈ മാസത്തെ ഏറ്റവും കുറഞ്ഞ നിരക്ക്. ഈ മാസം 18, 19 തീയതികളില്‍ പവന് രേഖപ്പെടുത്തിയ 39,880 രൂപയാണ് മാസത്തെ ഏറ്റവും ഉയര്‍ന്ന നിരക്ക്. അന്താരാഷ്ട്ര വിപണിയില്‍, ഡോളര്‍ കരുത്താര്‍ജിച്ചത് ആണ് സ്വര്‍ണ വിലയ്ക്ക് തിരിച്ചടിയായത്. അതേസമയം സമീപകാലത്ത് തന്നെ വില ട്രോയ് ഔണ്‍സിന് 2,000 ഡോളര്‍ എത്തിയേക്കുമെന്ന സൂചനകളും നിരീക്ഷകര്‍ നല്‍കുന്നുണ്ട്.

Also Read: വ്യത്യസ്തമായൊരു പണി; കിടന്നുറങ്ങിയാല്‍ 26,500 രൂപ കിട്ടും

മാര്‍ച്ച് ഒന്‍പതിന് പവന് 40,560 രൂപ വരെയായി സ്വര്‍ണവില ഉയര്‍ന്നിരുന്നു. ഇതാണ് കഴിഞ്ഞ മാസത്തെ ഏറ്റവും ഉയര്‍ന്ന നിരക്ക്. എന്നാല്‍ ഉച്ചകഴിഞ്ഞ് 39,840 രൂപയായി വില ഇടിഞ്ഞിരുന്നു. കഴിഞ്ഞ മാസം കൂടിയും കുറഞ്ഞും ചാഞ്ചാട്ടത്തില്‍ ആയിരുന്നു സ്വര്‍ണ വില. മാര്‍ച്ചില്‍ പവന് 760 രൂപയുടെ വര്‍ധനയാണ് സ്വര്‍ണ വിലയില്‍ ഉണ്ടായത്. മാര്‍ച്ച് ഒന്നിന് പവന് 37,360 രൂപയായിരുന്നു സ്വര്‍ണ വില. ഇതാണ് മാര്‍ച്ചിലെ ഏറ്റവും കുറഞ്ഞ നിരക്ക്.

വെള്ളി വില

സംസ്ഥാനത്ത് വെള്ളി വിലയിലും മാറ്റമില്ല. ഒരു ഗ്രാം വെള്ളിക്ക് 72.10 രൂപയിലാണ് വ്യാപാരം. എട്ട് ഗ്രാം വെള്ളിയ്ക്ക് 576.80 രൂപയാണ് വില. പത്ത് ഗ്രാം വെള്ളിക്ക് 721 രൂപയും ഒരു കിലോഗ്രാമിന് 72,100 രൂപയുമാണ് വില.