നാലു ദിവസങ്ങൾക്ക് ശേഷം സ്വര്‍ണ വില ഉയര്‍ന്നു

കൊച്ചി: സംസ്ഥാനത്ത് സ്വര്‍ണ വിലയിൽ വര്‍ധന. പവന് 240 രൂപ കൂടി. ഒരു പവൻ സ്വര്‍ണത്തിന് 35,440 രൂപയാണ് വില. ഒരു ഗ്രാമിന് 4,430 രൂപയും. തുടര്‍ച്ചയായ നാലു ദിവസം ഒരേ നിരക്കിൽ സ്വര്‍ണ വില തുടര്‍ന്നതിന് ശേഷമാണ് വില ഉയര്‍ന്നത്. ഇന്നലെ വരെ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില. പവന് 35,200 രൂപയായിരുന്നു വില. സെപ്റ്റംബര്‍ ഒന്നിനാണ് ഇതിന് മുമ്പ് ഈ മാസം സ്വര്‍ണ വില പവന് 35,440 രൂപയിൽ എത്തിയത്. പിന്നീട് സെപ്റ്റംബര്‍ നാലാം തിയതി മുതൽ ആറ് വരെ 35,600 രൂപയിൽ ആയിരുന്നു സ്വര്‍ണ വ്യാപാരം നടന്നത്. സെപ്റ്റംബറിലെ ഏറ്റവും ഉയര്‍ന്ന നിരക്കായിരുന്നു ഇത്. രാജ്യാന്തര വിപണിയിലും വില ഉയര്‍ന്നു. ട്രോയ് ഔൺസിന് 1,803.42 ഡോളറിൽ ആണ് ഇന്ന് വ്യാപാരം.

ആഗസ്റ്റ് ഒന്ന്, രണ്ട് തിയതികളില്‍ പവന് 36,000 രൂപയില്‍ ആയിരുന്നു വ്യാപാരം. ഇതാണ് കഴിഞ്ഞ മാസത്തെ ഏറ്റവും ഉയര്‍ന്ന നിരക്ക്. പിന്നീട് വില ഇടിഞ്ഞു. ആഗസ്റ്റ് ഒന്‍പത് മുതല്‍ 11 വരെയുള്ള ദിവസങ്ങളില്‍ ഒരു പവന്‍ സ്വര്‍ണത്തിന് 34,680 രൂപയായിരുന്നു വില. ഇതാണ് ആഗസ്റ്റിലെ ഏറ്റവും കുറഞ്ഞ നിരക്ക്.

ജൂലൈ ഒന്നിനാണ് ജൂലൈയിലെ ഏറ്റവും കുറഞ്ഞ നിരക്കില്‍ വ്യാപാരം നടന്നത് . ഒരു പവന്‍ സ്വര്‍ണത്തിന് 35,200 രൂപയായിരുന്നു വില. ജൂലൈ 16,20 തിയതികളിലാണ് ഏറ്റവും ഉയര്‍ന്ന നിരക്കില്‍ വ്യാപാരം നടന്നത്. പവന് 36,200 രൂപയായിരുന്നു.

Also Read: 29 രൂപ വീതം നീക്കി വെച്ചാൽ നാലു ലക്ഷം രൂപ; കുറഞ്ഞ തുകയിൽ നേട്ടം തരുന്ന രണ്ട് എൽഐസി പദ്ധതികൾ





വെള്ളി വില

ഒരു ഗ്രാം വെള്ളിക്ക് 67.50 രൂപയിലാണ് വ്യാപാരം നടക്കുന്നത്. പത്ത് ഗ്രാം വെള്ളിക്ക് 675 രൂപയും ഒരു കിലോഗ്രാമിന് 67,500 രൂപയുമാണ് വില . ഇന്നലെ കിലോഗ്രാമിന് 67,400 രൂപയായിരുന്നു വില.