കുറഞ്ഞവിലയില്‍ സ്വര്‍ണം വാങ്ങാന്‍ സുവര്‍ണാവസരം

കൊച്ചി: സ്വര്‍ണം വാങ്ങാന്‍ മികച്ച അവസരം. മാസത്തെ ഏറ്റവും താഴ്ന്ന നിരക്കിലെത്തി സ്വര്‍ണവില. സ്വര്‍ണനിക്ഷേപകര്‍ക്കും സുവര്‍ണാവസരമാണിത്. ഒരു പവന്‍ സ്വര്‍ണത്തിന് 34,720 രൂപയാണ് വില. ഗ്രാമിന് 4,340 രൂപയാണ് വില. ഈ മാസം 16ന് പവന് 35,200 രൂപയായിരുന്നു. ഇതില്‍നിന്നു പവന് 480 രൂപയാണ് കുറഞ്ഞിരിക്കുന്നത്. 35,440ന് ഈ മാസം വ്യാപാരം തുടങ്ങിയ സ്വര്‍ണം 35,600 തൊട്ടിരുന്നു. രാജ്യാന്തര വിപണിയില്‍ ട്രോയ് ഔണ്‍സിന് 1,754.86 ഡോളറിലാണ് വ്യാപാരം.

കൊവിഡ് കാലത്തെ റെക്കോര്‍ഡ് വിലയില്‍ നിന്നാണ് ഇന്ത്യയിലെ സ്വര്‍ണ്ണ വില താഴ്ന്ന നിരക്കുകളിലേക്ക് എത്തിയത്. കോവിഡിനെ തുടര്‍ന്നു പവന് 42,000 രൂപവരെയും 10 ഗ്രാമിന്റെ 22 കാരറ്റ് സ്വര്‍ണത്തിന് സെപ്റ്റംബറില്‍ 46,070 രൂപ വരെയായി വില ഉയര്‍ന്നിരുന്നു 2019ല്‍ 35,300 രൂപ വരെ വില എത്തിയിരുന്ന സ്ഥാനത്താണിത്. എന്നാല്‍ 2021 ല്‍ വില 2020 ലെ നിലവാരത്തേക്കാള്‍ കുറഞ്ഞിട്ടുണ്ട്.. 2021 ജനുവരി 5 -ന് 22 കാരറ്റിന്റെ 10 ഗ്രാം സ്വര്‍ണത്തിന് 50,320 രൂപ നിരക്കില്‍ ആയിരുന്നു വ്യാപാരം. ഇപ്പോള്‍ 44,390 രൂപയിലാണ് വ്യാപാരം. ഉയരുന്ന പണപ്പെരുപ്പ നിരക്കും ഓഹരികള്‍ കരുത്താര്‍ജിച്ചതും സ്വര്‍ണത്തിന് മങ്ങലേല്‍പ്പിക്കുന്നുണ്ട്.

Also Read: സൂപ്പർ സി.ഇ.ഒ. നവിൽ: ആസ്തി 5,146 കോടിക്കുമേൽ; 17 വർഷത്തിനിടെ അ‌വധിയെടുത്തത് ഒരു ദിവസം മാത്രം

ആഗസ്റ്റ് ഒന്ന്, രണ്ട് തിയതികളില്‍ പവന് 36,000 രൂപയില്‍ ആയിരുന്നു വ്യാപാരം. ഇതാണ് കഴിഞ്ഞ മാസത്തെ ഏറ്റവും ഉയര്‍ന്ന നിരക്ക്. പിന്നീട് വില ഇടിഞ്ഞു. ആഗസ്റ്റ് ഒന്‍പത് മുതല്‍ 11 വരെയുള്ള ദിവസങ്ങളില്‍ ഒരു പവന്‍ സ്വര്‍ണത്തിന് 34,680 രൂപയായിരുന്നു വില. ഇതാണ് ആഗസ്റ്റിലെ ഏറ്റവും കുറഞ്ഞ നിരക്ക്. ജൂലൈ ഒന്നിനാണ് ജൂലൈയിലെ ഏറ്റവും കുറഞ്ഞ നിരക്കില്‍ വ്യാപാരം നടന്നത് . ഒരു പവന്‍ സ്വര്‍ണത്തിന് 35,200 രൂപയായിരുന്നു വില. ജൂലൈ 16,20 തിയതികളിലാണ് ഏറ്റവും ഉയര്‍ന്ന നിരക്കില്‍ വ്യാപാരം നടന്നത്. പവന് 36,200 രൂപയായിരുന്നു.



വെള്ളി വില

സ്വര്‍ണത്തിനു പിന്നാലെ വെള്ളി വിലയിലും ഇടിവുണ്ടായി. ഒരു ഗ്രാം വെള്ളിക്ക് 64.20 രൂപയിലാണ് വ്യാപാരം നടക്കുന്നത്. ഇന്നലെ ഇത് 65.90 ആയിരുന്നു. പത്ത് ഗ്രാം വെള്ളിക്ക് ഇന്ന് 642 രൂപയാണ് .ഇന്നലെ ഇത് 659 രൂപയായിരുന്നു. ഒരു കിലോഗ്രാമിന് 64,200 രൂപയുമാണ് വില. ഇന്നലെ കിലോഗ്രാമിന് 65,900 രൂപയിലായിരുന്നു വ്യാപാരം നടന്നത്.