സ്വർണ വില ഉയർന്നു; പവന് 45,000 രൂപ

കൊച്ചി: സംസ്ഥാനത്ത് സ്വർണ വില കൂടി. പവന് 200 രൂപ ഉയർന്ന് വില 45,000 രൂപയിൽ എത്തി. ഒരു ഗ്രാമിന് 5625 രൂപയാണ് വില. രാജ്യാന്തര വിപണിയിൽ ട്രോയ് ഔൺസിന് 1976 ഡോളറിലേക്ക് വില ഉയർന്നു. ഇന്നലെ പവന് 44,800 രൂപയായിരുന്നു വില. മെയ് ഒന്ന് , രണ്ട് തിയതികളിലാണ് ഈ മാസത്തെ ഏറ്റവും കുറഞ്ഞ നിരക്കിൽ സ്വർണ വില എത്തിയത്. പവന് 44,560 രൂപയായിരുന്നു വില. മെയ് അഞ്ചിന് പവന് 45,760 രൂപയായിരുന്നു വില. സംസ്ഥാനത്തെ തന്നെ ഏറ്റവും ഉയർന്ന നിരക്കായിരുന്നു ഇത്. പിന്നീട് വില ഇടിഞ്ഞു. ഇപ്പോൾ കൂടിയും കുറഞ്ഞും ചാഞ്ചാടുകയാണ് സ്വർണ വില. ഡോളർ കരുത്താർജിച്ചതാണ് സ്വർണത്തിന് മങ്ങലേൽപ്പിച്ചത്. താൽക്കാലികമായി വില ഇടിഞ്ഞാലും സ്വ‍ർണ വില ഈ വർഷം റെക്കോർഡുകൾ ഭേദിക്കുമെന്ന് നേരത്തെ നിരീക്ഷകർ ചൂണ്ടിക്കാട്ടിയിരുന്നു. ഇപ്പോൾ കൂടിയും കുറഞ്ഞും സ്വർണ വില ചാഞ്ചാടുകയാണ്. ഏപ്രിലിൽ സ്വർണ വിലയിൽ പവന് 680 രൂപയുടെ വർധനയാണ് ഉണ്ടായതെങ്കിൽ മാർച്ചിൽ 2,720 രൂപ വർധിച്ചിരുന്നു



ഏപ്രിൽ 14ന് പവന് 45,320 രൂപയായി വില ഉയർന്നിരുന്നു. ഗ്രാമിന് 5665 രൂപയായിരുന്നു വില. ഏപ്രിലിലെ ഏറ്റവും ഉയർന്ന വിലയായിരുന്നു ഇത്. ഏപ്രിലിൽ കൂടിയും കുറഞ്ഞുമായിരുന്നു സ്വർണ വില. ഏപ്രിൽ മൂന്നിനായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്കിൽ വില എത്തിയത്. പവന് 43,760 രൂപയായിരുന്നു വില. മാർച്ച് 18,19 തിയതികളിൽ ഒരു പവൻ സ്വർണത്തിന് 44,240 രൂപയായിരുന്നു വില. മാർച്ചിലെ ഏറ്റവും ഉയർന്ന നിരക്കായിരുന്നു ഇത്. മാ‍ർച്ചിലെ ഏറ്റവും കുറഞ്ഞ നിരക്ക് പവന് 40,720 രൂപയാണ്.

വെള്ളി വില

വെള്ളി വില കുറഞ്ഞു. ഒരു ഗ്രാം വെള്ളിക്ക് 77.50 രൂപയാണ് ഇന്നത്തെ വില. എട്ട് ഗ്രാം വെള്ളിക്ക് 620 രൂപയും 10 ഗ്രാമിന് 775 രൂപയുമാണ് വില. ഒരു കിലോഗ്രാം വെള്ളിക്ക് 77,500 രൂപയാണ് വില.