Gold Rate:കേരളത്തിൽ ഇന്ന് സ്വർണവില ഇടിഞ്ഞു

കൊച്ചി: സംസ്ഥാനത്ത് സ്വർണവിലയിൽ ഇടിവ്. ഒരു പവൻ സ്വർണത്തിന് 80 രൂപ കുറഞ്ഞ് 42,440 രൂപയായി. ഒരു ഗ്രാം സ്വർണത്തിന് 10 രൂപ താഴ്ന്ന് 5305 രൂപയിലെത്തി.

കേരളത്തിലെ സ്വർണവില ഇന്നലെ ചരിത്രത്തിലെ ഏറ്റവും ഉയർന്ന രണ്ടാമത്തെ നിലവാരത്തിൽ എത്തിയിരുന്നു. ഇന്നലെ ഒരു പവൻ സ്വർണത്തിന് 560 രൂപ വർധിച്ച് 42,520 രൂപയായി. ഒരു ഗ്രാം സ്വർണത്തിന് 70 രൂപ കൂടി 5315 രൂപയിലെത്തി. ഇത് ഈ മാസത്തെ ഏറ്റവും ഉയർന്ന നിരക്കാണ്.

സംസ്ഥാനത്ത് സ്വർണവില റെക്കോർഡ് ഉയരത്തിലെത്തിയത് 2023 ഫെബ്രുവരി 2നാണ്. അന്ന് ഒരു പവൻ സ്വർണത്തിന് 42,880 രൂപയും, ഒരു ഗ്രാമിന് 5,360 രൂപയുമായിരുന്നു വില.

Also Read : ​Jeet Adani: ഗൗതം അദാനിയുടെ മകൻ ജീത് അദാനിയുടെ വിവാഹ നിശ്ചയം നടന്നു; പ്രതിശ്രുത വധു, ദിവ ജയ്മിൻ ഷാ
യുഎസിലെ സിലിക്കൺ വാലി ബാങ്ക് തകർച്ചയാണ് സ്വർണത്തിന് ഇപ്പോൾ വില വർധിക്കാനുള്ള പ്രധാന കാരണം. സുരക്ഷിത ആസ്തിയെന്ന നിലയിൽ കൂടുതൽ നിക്ഷേപകർ സ്വർണത്തിലേക്ക് തിരിയുന്ന കാഴ്ച്ചയാണുള്ളത്. രാജ്യാന്തര വിപണയിൽ സ്വർണ വില ഇടിഞ്ഞു. ട്രോയ് ഔൺസിന് 1900.25 ഡോളറിലാണ് വിലനിലവാരം.

മാ‍ർച്ച് ഒന്നിന് ഒരു പവൻ സ്വർണത്തിന് 41,280 രൂപയായിരുന്നു വില. മാ‍ർച്ച് നാല് മുതൽ ആറ് വരെ പവന് 41,480 രൂപയായിരുന്നു വില. പിന്നീട് വില ഇടിഞ്ഞു. മാ‍ര്‍ച്ച് ഒൻപതിന് ഒരു പവൻ സ്വര്‍ണത്തിന് 40720 രൂപയായിരുന്നു സ്വ‍ര്‍ണ വില. ഗ്രാമിന് 5090 രൂപയുമായിരുന്നു. ഇതാണ് ഈ മാസത്തെ ഏറ്റവും താഴ്ന്ന നിലവാരം.

ഫെബ്രുവരിയിൽ സ്വ‍ർണ വില കുറഞ്ഞിരുന്നു. കഴിഞ്ഞ മാസം പവന് 1040 രൂപയാണ് കുറഞ്ഞത്. രാജ്യാന്തര വിപണിയിൽ സ്വർണവിലയിൽ ഉണ്ടായ അനിശ്ചിതത്വമാണ് ആഭ്യന്തര വിപണിയിൽ പ്രതിഫലിച്ചത്. ഡോളർ കരുത്താർജിച്ചതും സ്വർണത്തിൻെറ മൂല്യം ഇടിയാൻ കാരണമായി.

Also Read : സിലിക്കൺ വാലി ബാങ്ക് മേധാവികൾ ഫെബ്രുവരിയിൽ തന്നെ ഓഹരികൾ വിറ്റഴിച്ചു; ജീവനക്കാർ അനിശ്ചിതാവസ്ഥയിൽ
ഫെബ്രുവരി 27ന് കഴിഞ്ഞ മാസത്തെ ഏറ്റവും കുറഞ്ഞ നിരക്കിൽ ആയിരുന്നു വില. 41,080 രൂപയായിരുന്നു സ്വ‍ർണ വില. ഫെബ്രുവരി രണ്ടിന് ഒരു പവൻ സ്വർണത്തിന് 42,880 രൂപയായിരുന്നു വില. കഴിഞ്ഞ മാസത്തെ ഏറ്റവും ഉയർന്ന നിരക്കായിരുന്നു ഇത്.

ജനുവരിയിലും ഡിസംബറിലും സ്വർണ വില ഉയർന്നിരുന്നു. ജനുവരിയിൽ പവന് 1,520 രൂപയാണ് വർധിച്ചത്. ഡിസംബറിലും വില വര്‍ധിച്ചിരുന്നു. പവന് 1,480 രൂപയാണ് കൂടിയത്. ജനുവരി രണ്ടിന് 40,360 രൂപയായിരുന്നു സ്വർണ വില. ഇതാണ് ജനുവരിയിലെ കുറഞ്ഞ നിരക്ക്. ഡിസംബർ, നവംബർ മാസങ്ങളിലും വില ഉയർന്നിരുന്നു.

വെള്ളി വില
വെള്ളി വില ഉയ‍ര്‍ന്നു. ഒരു ഗ്രാം വെള്ളിക്ക് 72.50 രൂപയാണ് ഇന്നത്തെ വില. എട്ട് ഗ്രാം വെള്ളിക്ക് 580 രൂപയാണ് വില. ഒരു കിലോഗ്രാം വെള്ളിക്ക് 72,500 രൂപയാണ് വില.

Read Latest Business News and Malayalam News