പവന് 120 രൂപ കുറഞ്ഞു

കൊച്ചി: സംസ്ഥാനത്ത് പവന് 120 രൂപ കുറഞ്ഞു. ഒരു പവൻ സ്വര്‍ണത്തിന് 37,800 രൂപയാണ് വില. ഒരു ഗ്രാമിന് 4,725 രൂപയാണ് വില. രാജ്യാന്തര വിപണിയിൽ 1,939.89 ഡോളറിലാണ് സ്വര്‍ണ വില. ഒരു പവൻ സ്വര്‍ണത്തിന് 37,920 രൂപയായി ഇന്നലെ വില ഉയര്‍ന്നിരുന്നു. . ഒരു ഗ്രാമിന് 4,740 രൂപയും. ഇതാണ് സെപ്റ്റംബറിലെ ഏറ്റവും ഉയര്‍ന്ന നിരക്ക്

സെപ്തംബർ ഒന്നിന് സ്വർണ വില 37,800 രൂപയായി ഉയർന്നിരുന്നു. ഇതുവരെ സെപ്റ്റംബറിലെ ഉയര്‍ന്ന നിരക്ക് ഇതായിരുന്നു . പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.

സെപ്റ്റംബര്‍ അഞ്ചിന് സ്വര്‍ണ വില 37,360 രൂപയായി കുറഞ്ഞിരുന്നു. ഇതാണ് സെപ്റ്റംബറിലെ ഏറ്റവും കുറഞ്ഞ നിരക്ക്. നാലു ദിവസം കൊണ്ട് പവന് 480 രൂപയായിരുന്നു കുറഞ്ഞത്.Also Read: സ്വര്‍ണ വില 10 ഗ്രാമിന് 50,000 രൂപയിൽ താഴെ എത്തിയേക്കും; നിക്ഷേപകര്‍ ശ്രദ്ധിയ്‍ക്കേണ്ടത് ഇക്കാര്യങ്ങൾ




ആഗസ്റ്റ് 29, 30, 31 തിയതികളിൽ സ്വര്‍ണ വില ഇടിഞ്ഞിരുന്നു. പവന് 37,600 രൂപയായി ആണ് വില കുറഞ്ഞത്. ഇതായിരുന്നു ആഗസ്റ്റിലെ ഏറ്റവും കുറഞ്ഞ വില.

വെള്ളി വില

വെള്ളി വില കുറഞ്ഞു. ഒരു ഗ്രാം വെള്ളിയ്ക്ക് 68 രൂപയാണ് വില. എട്ടുഗ്രാമിന് 544 രൂപയും കിലോഗ്രാമിന് 68,000 രൂപയുമാണ് വില. ഇന്നലെ കിലോഗ്രാമിന് 68,560 രൂപയായിരുന്നു വില.