സ്വര്‍ണ വില കുറ‌ഞ്ഞു

കൊച്ചി: സംസ്ഥാനത്ത് സ്വര്‍ണ വിലയിൽ 120 രൂപയുടെ കുറവ്. ഒരു പവൻ സ്വര്‍ണത്തിന് 39,360 രൂപയാണ് വില. ഒരു ഗ്രാം സ്വര്‍ണത്തിന് 4,920 രൂപയുമാണ് വില.
രാജ്യാന്തര വിപണിയിൽ സ്വര്‍ണ വില വീണ്ടും കുറ‌ഞ്ഞു. ഔൺസിന് 1944.27 ഡോളര്‍ എന്ന നിലവാരത്തിൽ ആണ് ആണ് വ്യാപാരം തുടങ്ങിയത് . സംസ്ഥാനത്ത് ഇന്നലെ ഒരു പവൻ സ്വര്‍ണത്തിന് 39,480 രൂപയായിരുന്നു വില. ഗ്രാമിന് 4,935 രൂപയും. ആഗസ്റ്റ് 12ന് സ്വര്‍ണ വില ഈ മാസത്തെ ഏറ്റവും കുറഞ്ഞ നിരക്കിൽ എത്തിയിരുന്നു

ഡോളറിൻെറ മൂല്യം ഉയര്‍ന്നതാണ് രണ്ടു ദിവസം മുമ്പ് കുത്തനെ വില ഇടിയാൻ കാരണം. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് വില ഇടിവിലേയ്ക്ക് നയിക്കുന്നത്. എന്നാൽ ഇത് ശാശ്വതമല്ല. ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം

സംസ്ഥാനത്ത് മൂന്നു ദിവസമായി സ്വര്‍ണ വിലയിൽ മാറ്റമില്ലാതെ തുടര്‍ന്നതിന് ശേഷമാണ് വില കുറഞ്ഞത്. നാലു ദിവസം കൊണ്ട് പവന് 2,800 രൂപയാണ് കുറഞ്ഞത്. ഒരു പവൻ സ്വര്‍ണത്തിന്
ആഗസ്റ്റ് ഏഴു മുതൽ 42,000 രൂപയും ഒരു ഗ്രാമിന് 5,250 രൂപയുമായിരുന്നു വില. ഈ മാസത്തെ ഏറ്റവും ഉയര്‍ന്ന നിരക്കായിരുന്നു ഇത്.

Also Read: ഇന്ത്യയിൽ സ്വർണ വില 70,000 രൂപ കടക്കും

രാജ്യാന്തര വിപണിയിലെ സ്വര്‍ണ വിലയിലെ റെക്കോര്‍ഡ് വര്‍ധനയാണ് സ്വര്‍ണ വില ആഗസ്റ്റ് 7 ന്
കുത്തനെ ഉയര്‍ത്തിയത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുകയാണ്. രാജ്യാന്തര വിപണിയിൽ ട്രോയ് ഔൺസ് വില ഇനിയും കൂടും.

പവൻ (രൂപ)	ഗ്രാം (രൂപ)	ഔൺസ് (ഡോളർ)
39,360	4,920	1,950.93

ദിവസം	പവൻ (രൂപ)	ഗ്രാം (രൂപ)	ഔൺസ് (ഡോളർ)
വെള്ളിയാഴ്ച	39,480	4,935	1,950.93
വ്യാഴാഴ്ച	39,480	4,935	1,936.75

വെള്ളി വിലവെള്ളി വിലയിൽ നേരിയ വര്‍ധന. 1 ഗ്രാം വെള്ളിയ്ക്ക് 66. 96 രൂപയാണ് വില. എട്ടുഗ്രാമിന് 535.60 രൂപയും. കിലോഗ്രാമിന് 66,960 രൂപയുമാണ് വില. ഇന്നലെ കിലോഗ്രാമിന് 66,950 രൂപയായി വില ഇടിഞ്ഞിരുന്നു.