പവന് 40,000 രൂപയിൽ നിന്ന് സ്വർണ വില ഇടിഞ്ഞു

സംസ്ഥാനത്ത് ഇന്നലെ പവന് 40,000 രൂപ കടന്നിരുന്നു. ഇന്ന് വില കുറഞ്ഞു. ഒരു പവൻ സ്വർണത്തിന് 39,920 രൂപയായി ആണ് വില കുറഞ്ഞത്. പവന് 320 രൂപയാണ് കുറഞ്ഞത്. ഇന്നലെ ഒരു പവൻ സ്വർണത്തിന് 40,240 രൂപയായായിരുന്നു വില . ഒരു ഗ്രാമിന് 5,030 രൂപയും. കഴിഞ്ഞ രണ്ട് ദിവസങ്ങളായി പവന് 39,840 രൂപയായിരുന്നു സ്വർണ വില. ഒറ്റയടിക്ക് പവന് 400 രൂപ വർധിച്ചതാണ് സ്വർണ വില വീണ്ടും പവന് 40,000 രൂപ എന്ന നാഴികക്കല്ല് താണ്ടാൻ കാരണം. കഴിഞ്ഞ 14 ദിവസം കൊണ്ട് പവന് 1,240 രൂപ വർധിച്ചതിന് ശേഷമാണ് വില ഇടിഞ്ഞത്.

ഈ വർഷം ജനുവരി ഒന്നിന് പവന് 36,360 രൂപയായിരുന്നു വില. 12 മാസം കൊണ്ട് 3,880 രൂപയാണ് സ്വർണ വില ഉയർന്നത്. മറ്റ് ആസ്തികളുമായി താരതമ്യം ചെയ്യുമ്പോൾ ഈ വർഷം ഏറ്റവും അധികം നിക്ഷേപകർക്ക് നേട്ടം നൽകിയത് സ്വർണമാണ്.

ഡിസംബർ 10, 11 തിയ്യതികളിൽ ഒരു പവൻ സ്വർണ്ണത്തിന് 39,920 രൂപയും, ഒരു ഗ്രാമിന് 4,980 രൂപയുമായിരുന്നു വില. ഇതായിരുന്നു ഈ മാസത്തെ ഇതുവരെയുള്ള ഉയർന്ന നിരക്ക്.
ഡിസംബർ ആദ്യവാരം, സ്വർണ്ണവില കുതിപ്പിന്റെ സൂചന നൽകിയിരുന്നു. ഡിസംബറിലെ ആദ്യ അഞ്ചു ദിവസങ്ങൾക്കുള്ളിൽ തന്നെ ഒരു പവന് 840 രൂപയും, ഒരു ഗ്രാമിന് 105 രൂപയും ഉയർന്നിരുന്നു

കേരളത്തിൽ, നവംബർ 17 ന് സ്വർണ്ണവിലയിൽ വൻ വർധനവുണ്ടായിരുന്നു. ഒരു പവൻ സ്വർണ്ണത്തിന് ഒറ്റയടിക്ക് 600 രൂപ വർധിച്ച് 39,000 രൂപയായി. ഒരു ഗ്രാമിന് 75 രൂപ വർധിച്ച് 4875 രൂപയുമായിരുന്നു. ഇത് നവംബറിലെ ഏറ്റവും ഉയർന്ന വിലയാണ്. സംസ്ഥാനത്ത് സ്വർണ്ണവിലയിൽ നവംബർ 4 ന് വൻ ഇടിവുണ്ടായിരുന്നു. ഒരു പവന് 480 രൂപയും, ഒരു ഗ്രാമിന് 60 രൂപയുമാണ് കുറഞ്ഞത്. ഒരു പവന് 36,880 രൂപയും, ഒരു ഗ്രാമിന് 4610 രൂപയുമായിരുന്നു വില. ഇത് നവംബറിലെ ഏറ്റവും കുറഞ്ഞ വിലയാണ്.