പവന് 38,000 കടന്ന് സ്വര്‍ണ വില

കൊച്ചി: പവന് 240 രൂപ വര്‍ധിച്ച് സംസ്ഥാനത്ത് ഈ മാസത്തെ ഏറ്റവും ഉയര്‍ന്ന നിരക്കിലാണ് സ്വര്‍ണ വില. ഒരു പവൻ സ്വര്‍ണത്തിന് 38,160 രൂപയാണ് വില. ഗ്രാമിന് 4,770 രൂപയും. രാജ്യാന്തര വിപണിയിൽ സ്വര്‍ണ വില കുതിച്ചുയര്‍ന്നു. ഔൺസിന് 1,964.86 ഡോളറിലാണ് വ്യാപാരം. സംസ്ഥാനത്ത് മൂന്നു ദിവസമായി ദിവസമായി സ്വര്‍ണ വിലയിൽ മാറ്റമില്ലായിരുന്നു.

ഒരു പവൻ സ്വര്‍ണത്തിന് 37,800 രൂപയും ഒരു ഗ്രാമിന് 4,725 രൂപയുമായിരുന്നു വില. സെപ്റ്റംബര്‍ 11നാണ് പവന് 120 രൂപ കുറഞ്ഞാണ് വില 37,800 രൂപയിൽ എത്തിയത്. സെപ്റ്റംബര്‍ 10നും സ്വര്‍ണ വില പവന് 37,920-ൽ എത്തിയിരുന്നു. ഇതാണ് സെപ്റ്റംബറിലെ ഏറ്റവും ഉയര്‍ന്ന നിരക്ക്. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.

സെപ്റ്റംബര്‍ അഞ്ചിന് സ്വര്‍ണ വില 37,360 രൂപയായി കുറഞ്ഞിരുന്നു. ഇതാണ് സെപ്റ്റംബറിലെ ഏറ്റവും കുറഞ്ഞ നിരക്ക്. നാലു ദിവസം കൊണ്ട് പവന് 480 രൂപയായിരുന്നു കുറഞ്ഞത്.

Also Read: സ്വര്‍ണ വില 10 ഗ്രാമിന് 50,000 രൂപയിൽ താഴെ എത്തിയേക്കും; നിക്ഷേപകര്‍ ശ്രദ്ധിയ്‍ക്കേണ്ടത് ഇക്കാര്യങ്ങൾ




ആഗസ്റ്റ് 29, 30, 31 തിയതികളിൽ സ്വര്‍ണ വില ഇടിഞ്ഞിരുന്നു. പവന് 37,600 രൂപയായി ആണ് വില കുറഞ്ഞത്. ഇതായിരുന്നു ആഗസ്റ്റിലെ ഏറ്റവും കുറഞ്ഞ വില.

വെള്ളി വില

വെള്ളി വിലയിൽ വര്‍ധന. ഒരു ഗ്രാം വെള്ളിയ്ക്ക് 68.31 രൂപയാണ് വില. എട്ടുഗ്രാമിന് 546.48 രൂപയും. കിലോഗ്രാമിന് 67,910 രൂപയുമാണ് വില. ഇന്നലെ കിലോഗ്രാമിന് 68,300 രൂപയായിരുന്നു വില.