സ്വര്‍ണ വിലയിൽ വര്‍ധന

കൊച്ചി: സംസ്ഥാനത്ത് സ്വര്‍ണ വിലയിൽ വര്‍ധന. പവന് 360 രൂപ കൂടി.ഒരു പവൻ സ്വര്‍ണത്തിന് 37,560 രൂപയായി ആണ് വില ഉയര്‍ന്നത്. ഗ്രാമിന് 4,695 രൂപയാണ് വില. ഈ മാസത്തെ ഇതുവരെയുള്ള ഏറ്റവും ഉയര്‍ന്ന നിരക്കാണ് ഇത് . രാജ്യാന്തര വിപണിയിൽ സ്വര്‍ണ വിലയിൽ വര്‍ധന. ഔൺസിന് 1911.50 ഡോളറിലാണ് വ്യാപാരം.സംസ്ഥാനത്ത് രണ്ടു ദിവസമായി സ്വര്‍ണ വിലയിൽ മാറ്റമില്ലായിരുന്നു. ഇന്നലെ ഒരു പവൻ സ്വര്‍ണത്തിന് 37,200 രൂപയായിരുന്നു വില. ഗ്രാമിന് 4,650 രൂപയും.

24-ാം തിയതി സെപ്റ്റംബറിലെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 36,720 രൂപയായിരുന്നു വില. സെപ്തംബർ 15,16,21 ദിവസങ്ങളിലാണ് സ്വർണ വില സെപ്റ്റംബറിലെ ഏറ്റവും ഉയർന്ന നിരക്കിലെത്തിയത്. പവന് 38,160 രൂപയായിരുന്നു വില. ഗ്രാമിന് 4,770 രൂപയും.

പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് ഇടയ്ക്ക് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.

Also Read: സ്വര്‍ണം ലാഭത്തിൽ വിൽക്കുന്നതും വാങ്ങുന്നതും എങ്ങനെ?



വെള്ളി വില

ഇന്ന് ഒരു ഗ്രാം വെള്ളിയ്ക്ക് 60.60രൂപയാണ് വില. എട്ടുഗ്രാമിന് 484.80 രൂപയും കിലോഗ്രാമിന് 60,600 രൂപയുമാണ് വില. ഇന്നലെ ഒരു കിലോഗ്രാം വെള്ളിയ്ക്ക് 62, 000 രൂപയായിരുന്നു വില.