സ്വർണ വിലയില്‍ നേരിയ കുറവ്; പവന് 22,880 രൂപ

കൊച്ചി: സംസ്ഥാനത്തെ സ്വര്‍ണ വിലയില്‍ നേരിയ കുറവ്. ഇന്ന് പവന് 22,880 രൂപയിലാണ് വ്യാപാരം പുരോഗമിക്കുന്നത്. ഗ്രാമിന് 2,860 രൂപയിലാണ് വ്യാപാരം നടക്കുന്നത്. ഇന്നലെ സ്വര്‍ണത്തിന് ഇൗ മാസത്തെ ഏറ്റവും ഉയര്‍ന്ന നിരക്കായിരുന്നു. കഴിഞ്ഞ നാല് ദിവസമായി സ്വര്‍ണവില മാറ്റമില്ലാതെ തുടരുകയായിരുന്നു. ആഗോള വിപണിയില്‍ വില വ്യതിയാനമുണ്ടായതാണ് ആഭ്യന്തര വിപണിയിലും പ്രതിഫലിച്ചത്.

അതേസമയം വെളളി വില മാറ്റമില്ലാതെ തുടരുകയാണ്. ഗ്രാമിന് 40.10 രൂപ എന്ന നിരക്കിലാണ് വ്യാപാരം പുരോഗമിക്കുന്നത്. ഒരു കിലോയ്ക്ക് 40,100 രൂപയില്‍ വ്യാപാരം നടക്കുന്നു. തുടര്‍ച്ചയായി വെള്ളി വിലയില്‍ വ്യതിയാനങ്ങള്‍ ഉണ്ടാകുന്നുണ്ട്.