സ്വര്‍ണ വിലയില്‍ വര്‍ധനവ്; പവന് 23,680 രൂപ

കൊച്ചി: സംസ്ഥാനത്ത് സ്വര്‍ണ വിലയില്‍ വര്‍ധനവ്. പവന് 80 രൂപ കൂടി 23,680 രൂപയിലാണ് വ്യാപാരം പുരോഗമിക്കുന്നത്. കഴിഞ്ഞ രണ്ടു ദിവസമായി സ്വര്‍ണ വില മാറ്റമില്ലാതെ തുടരുകയായിരുന്നു. ഗ്രാമിന് 2,960 രൂപയിലാണ് വ്യാപാരം നടക്കുന്നത്.

ഈ മാസം തന്നെ സ്വര്‍ണവിലയില്‍ 1000 രൂപയുടെ വര്‍ധനവാണ് രേഖപ്പെടുത്തിയത്. ഈ മാസം ഒന്നിന് സ്വര്‍ണ വില 22,460 രൂപയായിരുന്നു. കഴിഞ്ഞ വ്യാഴാഴ്ച ഇത് 23,760 രൂപയിലെത്തുകയായിരുന്നു. ഉത്സവകാല ഡിമാന്‍ഡിലെ വര്‍ധനയും ഒാഹരി വിപണിയിലെ മോശമായ കാലാവസ്ഥയും വില വര്‍ധനവിന് കാരണമായി.

അതേസമയം വെള്ളി വില മാറ്റമില്ലാതെ തുടരുകയാണ്. ഗ്രാമിന് 41.20 രൂപയിലാണ് വ്യാപാരം നടക്കുന്നത്. ഒരു കിലോയ്ക്ക് 41,200 രൂപ എന്ന നിരക്കിലാണ് വ്യാപാരം പുരോഗമിക്കുന്നത്.