സ്വർണ്ണവിലയിൽ നേരിയ വര്‍ധനവ് ; വെള്ളി വില ഇടിഞ്ഞു

സംസ്ഥാനത്ത് സ്വർണ്ണവിലയിൽ നേരിയ വര്‍ധനവ്. ഒരു പവൻ സ്വർണ്ണത്തിന്റെ വില ഇന്ന് 38,120 രൂപയാണ്. ഇന്നലത്തേതില്‍ നിന്നും 160 രൂപയാണ് ഒരു പവന്‍ സ്വര്‍ണത്തിന്റെ വില വര്‍ധന. ഒരു ഗ്രാമിന്റെ വില 4765 രൂപയാണ് വില. 20 രൂപയുടെ വില വര്‍ധനയാണ് ഗ്രാമില്‍ രേഖപ്പെടുത്തിയത്. കഴിഞ്ഞ ആഴ്ച്ച പവന് 960 രൂപയും, ഗ്രാമിന് 120 രൂപയും കുറഞ്ഞ് ജൂൺ -15 ന് ഈ മാസത്തെ ഏറ്റവും താഴ്ന്ന നിലയായ 37720 രൂപയിലെത്തിയിരുന്നു.

വിദേശ നിക്ഷേപകരുടെ പിൻമാറ്റവും, വർധിച്ചു വരുന്ന വ്യാപാരക്കമ്മിയും സ്വർണ്ണത്തെ വിശ്വസ്ത നിക്ഷേപമാക്കി മാറ്റുന്നുമുണ്ട്. കഴിഞ്ഞയാഴ്ച്ച ഈ മാസത്തെ ഉയർന്ന നിരക്കായ ഒരു പവന് 38,680 രൂപയിലും, ഗ്രാമിന് 4835 രൂപയിലും തുടർന്നതിന് ശേഷം പെട്ടെന്ന് വില ഇടിഞ്ഞിരുന്നു.

ഈയിടെ ഫെഡ് നിരക്കുകൾ കുത്തനെ വർധിപ്പിക്കുകയുണ്ടായി. 1994 നു ശേഷമുള്ള ഏറ്റവും വലിയ നിരക്കായ 75 ബേസിസ് പോയന്റിന്റെ വർധനയാണ് പ്രഖ്യാപിച്ചത്. ജൂലൈ മാസത്തിലും ഫെഡ് നിരക്കു വർധിപ്പിക്കുമെന്ന സൂചനയാണുള്ളത്. ഇതേത്തുടർന്ന് യൂറോപ്യൻ ബാങ്കുകളും പലിശ നിരക്ക് വർധിപ്പിച്ചിരുന്നു. ഇംഗ്ലണ്ടും, സ്വിറ്റ്സർലണ്ടും, അർജന്റീനയും പലിശനിരക്കു വർധിപ്പിച്ചപ്പോൾ ലോകമാകെ ഓഹരി വിപണികൾ തകർച്ചയിലേക്കു കൂപ്പുകുത്തി.

ഇതിനും മുമ്പ് ഈ മാസത്തെ കുറഞ്ഞ നിരക്ക് ജൂൺ ഒന്നിന് രേഖപ്പെടുത്തിയ പവന് 38000 രൂപയും ഗ്രാമിന് 4750 രൂപയുമാണ്. സ്വർണ്ണവിലയിലെ അസ്ഥിരതകൾ നില നിൽക്കുമ്പോഴും രാജ്യത്തെ എൻബിഎഫ്സി മേഖല കുതിപ്പിന്റെ പാതയിലാണ്.

ആഗോള വിപണിയിൽ സ്വർണവിലയിൽ കുതിപ്പ് . സ്വർണം ഔൺസിന് 1831.50 ഡോളറിലാണ് വ്യാപാരം പുരോഗമിക്കുന്നത്. ഇന്നലെയിത് 1825.98 ഡോളര്‍ ആയിരുന്നു. അന്താരാഷ്ട്ര വിപണിയിൽ ക്രൂഡ് ഓയിൽ വില ഉയർന്നു നിൽക്കുന്നതും, ഉയർന്ന ഉപഭോക്തൃവില സൂചികകളും, അസ്ഥിരമായ വിപണികളും സ്വർണ്ണവിലയെ സ്വാധീനിക്കുന്നുണ്ട്.

സ്വര്‍ണ വിലയിലുള്ള മാറ്റങ്ങൾ സ്വർണ്ണ പണയ വായ്പാ നിരക്കുകളെയും സ്വാധീനിക്കും. ചില പൊതു മേഖലാബാങ്കുകൾ സ്വർണ്ണവായ്പാ നിരക്ക് നിശ്ചയിക്കുന്നത് ഒരു മാസത്തെ അടിസ്ഥാനമാക്കിയുള്ള നിരക്കുകളിലാണെങ്കിൽ, മിക്ക എൻബിഎഫ്സികളും ദിവസ വിലയെ അടിസ്ഥാനമാക്കിയാണ് നിരക്കുകൾ നിശ്ചയിക്കുന്നത്.

വെള്ളി വില
സംസ്ഥാനത്ത് വെള്ളി വിലയിലും നേരിയ കുറവ് രേഖപ്പെടുത്തി. ഒരു ഗ്രാം വെള്ളിക്ക് 66 രൂപയാണ് വില. എട്ട് ഗ്രാം വെള്ളിയ്ക്ക് 528 രൂപയാണ് വില. പത്ത് ഗ്രാം വെള്ളിക്ക് 660 രൂപയും ഒരു കിലോഗ്രാമിന് 66,000 രൂപയുമായി.