മ്യൂച്വൽ ഫണ്ട് നിക്ഷേപത്തിന് ആദായ നികുതി നൽകണോ?

കൊച്ചി: മ്യൂച്വൽ ഫണ്ട് നിക്ഷേപത്തിന് ആദായ നികുതി നൽകണോ? ഇക്വിറ്റി ലിങ്ക്ഡ് സേവിങ്സ് സ്കീമുകൾ അല്ലാതെയുള്ള മ്യൂച്വൽ ഫണ്ട് നിക്ഷേപത്തിനും നികുതി ഇളവ് ലഭ്യമാണോ? വിവിധ മ്യൂച്വൽ ഫണ്ടുകളിൽ നിക്ഷേപമുള്ളവർക്ക് കൊറോണക്കാലത്തും ആദായ നികുതിയുമായി ബന്ധപ്പെട്ട ഇത്തരം നിരവധി സംശയങ്ങളുണ്ട്.

ആദായ നികുതി 80 സി പ്രകാരമുള്ള ഇളവുകളുടെ പേരിൽ ഏറ്റവുമധികം കേട്ടിരിയ്ക്കുന്നത് നികുതി സേവ് ചെയ്യാൻ പറ്റുന്ന നിക്ഷേപ മാർഗങ്ങളായ ഇഎൽഎസ്എസുകളാണ്. ഇക്വിറ്റി ലിങ്ക്ഡ് സേവിങ്സ് സ്കീമുകളിലെ നിക്ഷേപത്തിന് പ്രതിവർഷം 1.5 ലക്ഷം രൂപ വരെ നികുതി ഇളവ് ലഭ്യമാണ്.

Also Read: ഇപിഎഫ് ;ബാങ്ക് അക്കൗണ്ട് വിവരങ്ങൾ അപ്ഡേറ്റു ചെയ്യാം

80 സിയുടെ വിവിധ ഉപ വകുപ്പുകൾ പ്രകാരം പ്രഖ്യാപിയ്ക്കപ്പെട്ടിരിയ്ക്കുന്ന പെൻഷൻ ഫണ്ടുകൾക്കും നികുതി ഇളവ് ലഭ്യമാണ്. ഒരു വർഷം പരമാവധി 1,5000 രൂപ വരെ മാത്രമാണ് ഇളവ് ലഭിയ്ക്കുക. എച്ച്ഡിഎഫ്സി റിട്ടയർമെൻറ് സേവിങ്സ് ഫണ്ട്, യുടിഐ റിട്ടയർമെൻറ് ബെനിഫിറ്റ് പെൻഷൻ ഫണ്ട് തുടങ്ങിയ വിവിധ റിട്ടയർമെൻറ് ഫണ്ടുകൾക്കെല്ലാം ഈ ആനുകൂല്യം ലഭിയ്ക്കും.

എന്നാൽ ഒറ്റത്തവണം നിക്ഷേപം നടത്തുന്ന ഫണ്ടുകളിൽ ഈ ആനുകൂല്യം നിക്ഷേപം നടത്തുന്ന വർഷം മാത്രമേ ലഭിയ്ക്കൂ. പിന്നീടുള്ള വർഷങ്ങളിലെ ഫണ്ടിൽ നിന്നുള്ള നിക്ഷേപ നേട്ടത്തിന് നികുതി നൽകേണ്ടി വരും. പെൻഷൻ ഫണ്ടുകളിലെ പലിശ വരുമാനത്തിനോ, ബോണസുകൾക്കോ ഒന്നും നികുതി ഇളവ് ലഭിയ്ക്കില്ല.