ബാങ്ക് നിക്ഷേപമുണ്ടോ? പലിശ വരുമാനത്തിൽ നികുതി ലാഭിക്കാം, എങ്ങനെയെന്നറിയാം

ബാങ്ക് അക്കൗണ്ട് ഉള്ള ആർക്കും അവരുടെ നിക്ഷേപങ്ങൾക്ക് കുറഞ്ഞ രീതിയിലെങ്കിലും പലിശ ലഭിക്കും. ഈ പ്രത്യേക വരുമാനം നികുതിക്ക് വിധേയമാണ്. ബാങ്ക് അക്കൗണ്ടുകളിൽ നിന്ന് പലിശ വരുമാനം നേടുന്ന ഏതൊരാളും, സെക്ഷൻ 194 എ പ്രകാരം, പലിശ അടയ്ക്കുന്ന സമയത്തോ ക്രെഡിറ്റ് ചെയ്യുമ്പോഴോ (ഏത് അക്കൗണ്ടിലേക്ക് ആയാലും) നികുതി കുറയ്ക്കണമെന്ന് അറിഞ്ഞിരിക്കണം.

ശമ്പളം, പലിശ, കമ്മീഷൻ, ബ്രോക്കറേജ്, പ്രൊഫഷണൽ ഫീസ്, റോയൽറ്റി മുതലായ നിരവധി പേയ്‌മെന്റുകൾക്ക് നിലവിൽ നികുതി കിഴിവ് അതായത് ടിഡിഎസ് ബാധകമാണ്. എന്നിരുന്നാലും, സാമ്പത്തിക വർഷത്തിലെ ടൈം ഡെപ്പോസിറ്റുമായി ബന്ധപ്പെട്ട് പണമടയ്ക്കുന്നയാൾക്ക് ക്രെഡിറ്റ് ചെയ്ച പലിശയുടെ മൊത്തം തുക 40,000 രൂപയിൽ കവിയുന്നില്ലെങ്കിൽ നികുതി കുറയ്ക്കേണ്ടതില്ല. മുതിർന്ന പൗരന്മാർക്ക് 50,000 രൂപയാണ് ഈ സെക്ഷൻ പ്രകാരം പരിധി.

പലിശ വരുമാനത്തിൽ നിന്ന് ടിഡിഎസ് ഒഴിവാക്കാം

നികുതിദായകർക്ക് അർഹതയുള്ള ഒരു പ്രധാന ആശ്വാസം, അവരുടെ വാർഷിക നികുതി അടയ്‌ക്കേണ്ട വരുമാനം നികുതി ഇളവ് പരിധിയേക്കാൾ കുറവാണെങ്കിൽ, ഉചിതമായ വ്യക്തിക്കോ സ്ഥാപനത്തിനോ ഫോം 15G അല്ലെങ്കിൽ 15H സമർപ്പിച്ച് പലിശയും വാടകയും പോലുള്ള വരുമാനത്തിന്റെ ടിഡിഎസ് ഒഴിവാക്കാം.

നികുതിദായകന്റെ പലിശ വരുമാനം പരിധി കഴിഞ്ഞില്ലയെങ്കിൽ, അടച്ച ടിഡിഎസ് ഒഴിവാക്കുന്നതിന് 15G, 15H ഫോമുകൾ ഉപയോഗിക്കാം. 60 വയസ്സിന് താഴെയുള്ളവർ ഫോം 15 ജി സമർപ്പിക്കേണ്ടതുണ്ട്, 60 വയസ്സിന് മുകളിലുള്ളവർ ഫോം 15എച്ചിൽ ഈ ആനുകൂല്യത്തിനുള്ള അപേക്ഷ സമർപ്പിക്കേണ്ടതുണ്ട്.

ഫോം 15G/15H

ഫോം നമ്പർ 15G അല്ലെങ്കിൽ15H എന്നിവയിൽ ഡിക്ലറേഷൻ സ്വീകരിക്കുന്ന നികുതിദായകർ അത്തരം ഡിക്ലറേഷനുകളുടെ വിശദാംശങ്ങൾ ത്രൈമാസ അടിസ്ഥാനത്തിൽ ഇ-ഫയലിംഗ് സൈറ്റിൽ (www.incometax.gov.in) തന്റെ ഡിജിറ്റൽ സിഗ്നേച്ചറിന് താഴെ അപ്‌ലോഡ് ചെയ്യേണ്ടതുണ്ട്. ഒന്നും രണ്ടും മൂന്നാം പാദത്തിന്റെ അവസാനം മുതൽ 15 ദിവസത്തിനകമോ, നാലാം പാദത്തിന്റെ അവസാനം മുതൽ 30 ദിവസത്തിനകമോ ആയിരിക്കണം വിവരങ്ങൾ നൽകേണ്ടത്.

Read Also : ആദായനികുതി റിട്ടേൺ; മെയ് മാസത്തിലെ ഈ 4 തീയതികൾ ഓർത്തിരിക്കാം
ശ്രദ്ധിക്കേണ്ട പ്രധാന കാര്യങ്ങൾ

• ഇന്ത്യയിൽ താമസിക്കുന്ന ഒരു വ്യക്തി മാത്രമേ ഫോം നമ്പർ 15G, 15H പ്രകാരം ഡിക്ലറേഷൻ നൽകാൻ കഴിയുകയുള്ളൂ

• വാർഷിക പലിശ ഇളവ്, പരിധിയിൽ കവിയുന്നില്ലെങ്കിൽ (അതായത് 2,50,000 രൂപ അല്ലെങ്കിൽ 3,00,000 രൂപ അല്ലെങ്കിൽ 5,00,000 രൂപ) ഫോം നമ്പർ 15G അല്ലെങ്കിൽ 15H പ്രകാരം ഡിക്ലറേഷൻ നൽകുവുന്നതാണ്.

• ഒരു മുതിർന്ന പൗരന്റെ കാര്യത്തിൽ ഈ വ്യവസ്ഥ ബാധകമല്ല. അതായത് താമസക്കാരനായ മുതിർന്ന പൗരന്, അയാൾക്ക് നൽകപ്പെടാൻ സാധ്യതയുള്ള വാർഷിക പലിശ ഇളവ് പരിധിയായ 2,50,000 രൂപയോ അല്ലെങ്കിൽ 5,00,000 രൂപയോ കവിഞ്ഞാലും, 15H ഫോമിൽ ഡിക്ലറേഷൻ നൽകാം. സെക്ഷൻ 87A പ്രകാരമുള്ള റിബേറ്റ് പരിഗണിച്ച് മൊത്ത വരുമാനത്തിന് നികുതി അടയ്ക്കേണ്ടതില്ല.

Read Latest Business News and Malayalam News