ആദായ നികുതിയിൽ ദുരിതാശ്വാസ നിധിയിലേക്കുള്ള സംഭാവന ഉൾപ്പെടുത്താം

കൊച്ചി: കൊവിഡ് 19 പ്രതിരോധ പ്രവ‍ര്‍ത്തനങ്ങളുടെ ഭാഗമായി മുഖ്യമന്ത്രിയുടെയും പ്രധാനമന്ത്രിയുടെയും ദുരിതാശ്വാസ നിധിയിലേക്ക് നൽകുന്ന സംഭാവനകൾക്ക് ആദായ നികുതി ഇളവ് ലഭിയ്ക്കും. ആദായ നികുതി നിയമം 80 ജി പ്രകാരമാണ് നികുതി ഇളവ് ലഭിയ്ക്കുക. ഇത് റിട്ടേണിൽ ഉൾപ്പെടുത്താൻ മറക്കരുത്. ആദായ നികുതി വകുപ്പിൻറെ വെബ്സൈറ്റ് മുഖേന റിട്ടേൺ ഫയൽ ചെയ്യുമ്പോൾ ഇതിനുള്ള പ്രത്യേക ഓപ്ഷൻ കാണാം. ഇ-ഫയലിങിനായി ലോഗിൻ ചെയ്യുമ്പോൾ ഡൊണേഷൻസ് 80 എന്ന ടാബിൽ ക്ലിക്ക് ചെയ്യുക. ഡൊണേഷൻസ് എൻടൈറ്റിൽഡ് ഫോർ 100% എന്നത് പൂരിപ്പിയ്ക്കുക.

Also Read: കൊറോണ; പിഎം കെയേഴ്സ് ഫണ്ടിലേയ്ക്കുള്ള നിക്ഷേപങ്ങളുടെ നികുതി ഇളവ് പ്രയോജനപ്പെടുത്താം

ഏത് ഫണ്ടിലേക്കാണോ ഡൊണേഷൻ അതിൻറെ വിവരങ്ങൾ, അഡ്രസ്, സിറ്റി, പിൻ, പാൻ നമ്പർ എന്നിവ നൽകുക. എമൗണ്ട് ഓഫ് ഡൊണേഷൻ എന്നതിന് താഴെ സംഭാവന നൽകുക. പണമായാണ് സംഭാവന എങ്കിൽ ഡൊണേഷൻ ഇൻ ക്യാഷ് എന്നതിന് കീഴിൽ തുക രേഖപ്പെടുത്താം. ലഭ്യമായ കിഴിവ് എലിജിബിൾ എമൗണ്ട് ഓഫ് ഡിഡക്ഷൻ എന്നതിൽ കാണാനാകും. ആ നിർധിഷ്ട ടാബിൽ കാണാനാകും.