ഇനിയും റിട്ടേണ്‍ ഫയല്‍ ചെയ്തില്ലേ? നടപടികള്‍ ഒഴിവാക്കാന്‍ ഇക്കാര്യങ്ങള്‍ ശ്രദ്ധിക്കുക
റിട്ടേണ്‍ ഫയല്‍ ചെയ്യാനുള്ള സമയപരിധി പിന്നിട്ടാല്‍ പിഴ ഈടാക്കുമെന്ന കാര്യം ഓര്‍ക്കുക. തല്‍ഫലമായി നികുതി ഭാരം കൂടും. വെബ്സൈറ്റ് പ്രവർത്തന സജ്ജമെന്നു റിപ്പോർട്ട്.
Samayam Malayalam8 Dec 2021, 2:27 pm
ആദായ നികുതി റിട്ടേണുകള്‍ (ഐ.ടി.ആര്‍) ഫയല്‍ ചെയ്യുന്നതിനുള്ള അവസാന തീയതി അടുത്തുകഴിഞ്ഞു. പിഴ അടക്കമുള്ള ശിക്ഷണ നടപടികള്‍ ഒഴിവാക്കുന്നതിനും റീഫണ്ടുകള്‍ അടക്കം വേഗത്തിലാക്കാനും റീട്ടേണുകള്‍ കൃത്യസമയത്ത് ഫയല്‍ ചെയ്‌തെന്നു നികുതിദായകര്‍ ഉറപ്പാക്കേണ്ടതുണ്ട്.
പുതിയ വെബ്സൈറ്റ് വന്നതിനുശേഷം റിട്ടേണ്‍ നടപടികള്‍ ലഘൂകരിച്ചെന്നാണു സര്‍ക്കാരിന്റെ അവകാശവാദം. എന്നാല്‍ പുതിയ വെബ്‌സൈറ്റില്‍ നടപടികള്‍ എങ്ങനെ പൂര്‍ത്തീകരിക്കണമെന്ന ആശങ്ക നിരവധി ഉപയോക്താക്കൾക്കുണ്ട്. ഈ മാസം 31 നകം റിട്ടേണ്‍ നടപടികള്‍ പൂര്‍ത്തീകരിക്കണമെന്നാണ് കേന്ദ്ര പ്രത്യക്ഷ നികുതി ബോര്‍ഡ് വ്യക്തമാക്കിയിട്ടുള്ളത്.
വിവാദങ്ങളുടെ വെബ്സൈറ്റ് പ്രവർത്തനസജ്ജം
ഇന്‍ഫോസിസ് തയാറാക്കിയ പുതിയ വെബ്‌സൈറ്റിനെ തുടക്കം മുതല്‍ പ്രശ്‌നങ്ങള്‍ വേട്ടയാടിയിരുന്നു. ഇതേത്തുടര്‍ന്നു കൂടിയാണ് റിട്ടേണ്‍ ഫയല്‍ ചെയ്യാനുള്ള അവസാന തീയതി ഡിസംബര്‍ 31 വരെ നീട്ടിയത്. ആദ്യം ജൂലൈ 31 ന് സമയപരിധി നിശ്ചയിച്ചിരുന്നെങ്കിലും സെപ്റ്റംബര്‍ 30 ലേക്ക് നീട്ടിയിരുന്നു. നിലവില്‍ 90 ശതമാനം പ്രശ്‌നങ്ങളും പരിഹരിച്ചു കഴിഞ്ഞെന്നാണു ലഭ്യമായ വിവരം.
ഇക്കഴിഞ്ഞ ഡിസംബര്‍ മൂന്നു വരെ ഇ- ഫയലിങ് പോര്‍ട്ടലില്‍ ഇതിനകം മൂന്നു കോടിയിലധികം ഐടി റിട്ടേണുകള്‍ ഫയല്‍ ചെയ്തതായി ആദായ നികുതി വകുപ്പ് ഔദ്യോഗിക പ്രസ്താവനയില്‍ വെളിപ്പെടുത്തിയിട്ടുണ്ട്. പ്രതിദിനം നാലു ലക്ഷത്തിലധികം റിട്ടേണുകള്‍ ഫയല്‍ ചെയ്യുന്നുണ്ടെന്നാണു വിവരം.
എങ്ങനെ റിട്ടേണ്‍ ഫയല്‍ ചെയ്യാം?
റിട്ടേണ്‍ ഫയല്‍ ചെയ്യുന്നതിന് https://eportal.incometax.gov.in/iec/foservices/#/login എന്ന വെബ്സൈറ്റ് സന്ദർശിക്കുക.
യൂസര്‍ ഐഡി ആയി പാന്‍ നമ്പര്‍ നല്‍കി ലോഗിന്‍ ചെയ്യാം.
ഈ ഘട്ടത്തില്‍, നികുതിദായകന് ഒരു സുരക്ഷ മുന്നറിയിപ്പ് ലഭിക്കും. ഇത് സ്ഥിരീകരിക്കേണ്ടതുണ്ട്. ഇതിനുശേഷം സൈറ്റിൽ തുടരുക.
ഒറ്റത്തവണ പാസ് വേഡ് (ഒ.ടി.പി) ലഭ്യമാക്കേണ്ട മാര്‍ഗം തെരഞ്ഞെടുക്കുക. ഒ.ടി.പിക്ക് 15 മിനിറ്റ് മാത്രമാകും സാധുതയുണ്ടാകുക. ശരിയായ ഒ.ടി.പി. നല്‍കുന്നതിന് ഉപയോക്താവിന് മൂന്നു അവസരം മാത്രമാകും ഉണ്ടാകുക.
ആദായനികുതി ഇ- ഫയലിങ് പോര്‍ട്ടലിലേക്ക് ലോഗിന്‍ ചെയ്യുന്നതിന് വ്യക്തികള്‍ക്ക് അവരുടെ രജിസ്റ്റര്‍ ചെയ്ത ആധാര്‍ നമ്പറോ നെറ്റ് ബാങ്കിങ്ങോ ഉപയോഗിക്കാവുന്നതാണ്. ആധാര്‍ ഓപ്ഷന്‍ ഉപയോഗിക്കുമ്പോള്‍, രജിസ്റ്റര്‍ ചെയ്ത മൊബൈല്‍ നമ്പറിലാകും ഒ.ടി.പി. ലഭിക്കുക. അതേസമയം നെറ്റ് ബാങ്കിങ് ഉപയോഗിക്കുന്നതിനു നികുതിദായകന് അവരുടെ ഉപയോക്തൃ ഐഡിയും പാസ് വേഡുമാണ് നല്‍കേണ്ടത്.
ലോഗിന്‍ പ്രക്രിയ പൂര്‍ത്തിയാക്കിയതിന് ശേഷം, 2021-22 സാമ്പത്തിക വര്‍ഷത്തേക്കുള്ള ഐടി റിട്ടേണുകള്‍ സ്‌ക്രീനില്‍ നല്‍കിയിരിക്കുന്ന നിര്‍ദ്ദേശങ്ങള്‍ അനുസരിച്ച് പൂർത്തിയാക്കുക. റിട്ടേണ്‍ ഫയല്‍ ചെയ്യാനുള്ള സമയപരിധി പിന്നിട്ടാല്‍ പിഴ ഈടാക്കുമെന്ന കാര്യം ഓര്‍ക്കുക. തല്‍ഫലമായി നികുതി ഭാരം കൂടും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
