വാടക വരുമാനം ലഭിക്കുന്നുണ്ടോ? നികുതി ഇളവ് നേടാം, അറിയേണ്ട കാര്യങ്ങളിതാ

കൊച്ചി: കെട്ടിടങ്ങൾ വാടകയ്ക്ക് നൽകുന്ന ഉടമകൾക്ക് ആദായ നികുതി വകുപ്പ് ചില ഇളവുകൾ നൽകുന്നുണ്ട്. ആദായ നികുതി റിട്ടേണ്‍ (ഐടിആർ) ഫയല്‍ ചെയ്യുമ്പോള്‍ ഒരാൾക്ക് മൊത്തം വാടക വരുമാനത്തിൽ 30 ശതമാനം സ്റ്റാൻഡേർഡ് കിഴിവ് ക്ലെയിം ചെയ്യാനാകും. വസ്തുക്കൾ പുതുക്കാനോ പരിപാലിക്കാനോ ആണ് പ്രോപ്പർട്ടി ഉടമയ്ക്ക് ഈ അടിസ്ഥാന കിഴിവ് അവകാശപ്പെടാനാകുക.

മുനിസിപ്പൽ നികുതിയിൽനിന്ന് ആകെ വാർഷിക വാടക കുറച്ചുള്ളതാണ് ഒരാളുടെ മൊത്തം വാർഷിക വാടക വരുമാനം. ഐടിആർ ഫയല്‍ ചെയ്യുമ്പോള്‍ താമസിക്കുന്ന വീടിന് പുറമെ സ്വന്തം പേരിലുള്ള കെട്ടിടങ്ങളിൽനിന്ന് ലഭിക്കുന്ന വാടക വരുമാനം സ്വത്തില്‍ നിന്നുള്ള വരുമാനത്തിലാണ് ചേർക്കേണ്ടത്. ആദായനികുതി നിയമപ്രകാരം മൊത്തം വാർഷിക വാടക ഉടമയുടെ വാടക വരുമാനമായി കണക്കാക്കില്ല.

Also Read: ആധാർ-പാൻ ബന്ധിപ്പിച്ചോ? ബാങ്കിങ് സേവനങ്ങൾ ലഭിക്കില്ല, അവസാന തീയതി അടുക്കുന്നു

വാടക വരുമാനത്തിൽ സ്റ്റാൻഡേർഡ് കിഴിവ് അവകാശപ്പെടുമ്പോൾ വൗച്ചർ ഹാജരാക്കേണ്ടതുണ്ട്. വീട് നന്നാക്കുന്നതിനോ പരിപാലിക്കുന്നതിനോ ഉള്ള ചെലവ് ഉൾപ്പെടുന്നതാണ് വൗച്ചർ. വീട് നന്നാക്കാൻ വായ്പ എടുത്തിട്ടുണ്ടെങ്കിൽ വായ്പ തിരിച്ചടവിന് അടച്ച നികുതി സാധാരണ കിഴിവിൽ ക്ലെയിം ചെയ്യാനും ഉടമകൾക്ക് സാധിക്കും. അതേസമയം സ്റ്റാൻഡേർഡ് കിഴിവിനായി ഒരാളുടെ മൊത്ത വാടക വരുമാനത്തിന്റെ 30 ശതമാനത്തിൽ കൂടുതൽ ക്ലെയിം ചെയ്യാൻ കഴിയില്ലെന്ന് പ്രത്യേകം ഓർക്കണം.