ആദായ നികുതി സമര്‍പ്പിക്കേണ്ട തിയതിയില്‍ മാറ്റമില്ല

ആദായ നികുതി സമര്‍പ്പിക്കേണ്ട അവസാന തീയതി നീട്ടി എന്ന നിലയില്‍ സമൂഹ മാധ്യമങ്ങളിലൂടെ പ്രചരിക്കുന്ന വാര്‍ത്തകള്‍ വ്യാജമാണെന്ന് കേന്ദ്ര പ്രത്യക്ഷ നികുതി ബോര്‍ഡ്. ആഗസ്റ്റ് 31-ല്‍ നിന്ന് ആദായ നികുതി സമര്‍പ്പിക്കേണ്ട തിയതി സെപ്റ്റംബര്‍ 30 ആയി നീട്ടി എന്ന വാര്‍ത്തകളാണ് സമൂഹമാധ്യമങ്ങളില്‍ പ്രചരിക്കുന്നത്. ഇതിന്‍റെ പശ്ചാത്തലത്തിലാണ് വാര്‍ത്ത തെറ്റാണെന്ന വിശദീകരണവുമായി സിഡിറ്റിബി എത്തിയത്.ട്വിറ്ററിലൂടെയാണ് ബോര്‍ഡ് ഇക്കാര്യം വ്യക്തമാക്കിയത്.




ആദായ നികുതി സമര്‍പ്പിക്കേണ്ട തിയതി നീട്ടി എന്നതു സംബന്ധിച്ച ഒരുസര്‍ക്കുലറും സമൂഹ മാധ്യമങ്ങളില്‍ പ്രചരിച്ചിരുന്നു.ഇതും വ്യാജമായി നിര്‍മിച്ചതാണെന്ന് ബോര്‍ഡ് വിശദീകരിച്ചു. ആദായ നികുതി സമര്‍പ്പിക്കേണ്ട അവസാന തിയതി ജൂലൈ 31 ആണെങ്കിലും ആഗസ്റ്റ് 31വരെ ആദായ നികുതി വകുപ്പ് നീട്ടി നല്‍കുകയായിരുന്നു.