ടവർ ഇല്ലാത്ത നാട്ടിലും ഉപഗ്രഹം വഴി ഇൻ്റർനെറ്റ് എത്തിക്കാൻ ജിയോ
ഉപഗ്രഹസഹായത്തോടെ 4ജി ശൃംഖല സ്ഥാപിക്കാൻ ഐഎസ്ആര്ഓയുമായി കൈകോർക്കുന്നു
Samayam Malayalam 12 Sept 2018, 3:07 pm
ഇന്ത്യയിലെ വിദൂരഗ്രാമങ്ങളിൽ ഉള്പ്പെടെ ഉപഗ്രഹസഹായത്തോടെ അതിവേഗ ഇന്റര്നെറ്റ് എത്തിക്കാൻ പദ്ധതിയിട്ട് റിലയൻസ് ജിയോ. ഐഎസ്ആര്ഓ ഉപഗ്രഹങ്ങള് ഉപയോഗിച്ചായിരിക്കും ഇവിടങ്ങളിൽ ഇന്റര്നെറ്റ് എത്തിക്കുക.
ഐഎസ്ആര്ഓയും അമേരിക്കൻ വാര്ത്താവിനിയമ കമ്പനിയായ ഹ്യൂസ് കമ്മ്യൂണിക്കേഷനുമായി സഹകരിച്ചാണ് റിലയൻസ് ജിയോയുടെ പുതിയ പദ്ധതി. ഹ്യൂസ് കമ്മ്യൂണിക്കേഷൻ അമേരിക്കയിൽ സാറ്റലൈറ്റ് സംവിധാനം ഉപയോഗിച്ച് ഇന്റര്നെറ്റ് ടിവി പ്രക്ഷേപണം നടത്തുന്ന കമ്പനിയാണ്. ഹ്യൂസിന്റെ സാങ്കേതികവിദ്യയും ഐഎസ്ആര്ഓ ഉപഗ്രഹങ്ങളും ഉപയോഗിച്ച് ടെലിഫോൺ സേവനം ഇതുവരെ എത്താത്ത ഗ്രാമങ്ങളിലും ജിയോ നെറ്റ്വര്ക്ക് എത്തിക്കാൻ കഴിയുമെന്നാണ് ജിയോയുടെ പ്രതീക്ഷ.
ഭൂപ്രകൃതിയുടെ പ്രത്യേകതകള് മൂലം മൊബൈൽ ടവറുകളിൽ നിന്ന് കവറേജ് എത്താത്ത മലയോരപ്രദേശങ്ങളിലും ദ്വീപുകളിലും ഉള്പ്പെടെ 400 വിദൂരപ്രദേശങ്ങളില് പദ്ധതി നടപ്പാക്കും. രാജ്യവ്യാപകമായി ജിയോയ്ക്ക് കുറഞ്ഞ ചെലവിൽ നെറ്റ്വര്ക്ക് സ്ഥാപിക്കാനും പുതിയ പദ്ധതി വഴിയൊരുക്കും. ഇതോടെ ഉപഗ്രഹസഹായത്തോടെ രാജ്യത്ത് 4ജി സേവനം ലഭ്യമാക്കുന്ന രാജ്യത്തെ ആദ്യ ടെലികോം സേവനദാതാവാകാൻ ഒരുങ്ങുകയാണ് ജിയോ.
മുംബൈയിലും നാഗ്പൂരിലും സാറ്റലൈറ്റ് സ്റ്റേഷനുകളും ലേ, പോര്ട്ട്ബ്ലയര് എന്നിവിടങ്ങളിൽ മിനി-ഹബ്ബുകളും സ്ഥാപിക്കാനാണ് കമ്പനിയുടെ പദ്ധതി. ഇതോടെ ജമ്മു - കശ്മീര്, ഉത്തരാഖണ്ഡ്, ആന്ഡമാൻ - നിക്കോബാര്, ലക്ഷദ്വീപ് എന്നിവിടങ്ങളിൽ കൂടുതൽ മൊബൈല് നെറ്റ്വര്ക്ക് ലഭ്യമാകും.
ഐഎസ്ആര്ഓയും അമേരിക്കൻ വാര്ത്താവിനിയമ കമ്പനിയായ ഹ്യൂസ് കമ്മ്യൂണിക്കേഷനുമായി സഹകരിച്ചാണ് റിലയൻസ് ജിയോയുടെ പുതിയ പദ്ധതി. ഹ്യൂസ് കമ്മ്യൂണിക്കേഷൻ അമേരിക്കയിൽ സാറ്റലൈറ്റ് സംവിധാനം ഉപയോഗിച്ച് ഇന്റര്നെറ്റ് ടിവി പ്രക്ഷേപണം നടത്തുന്ന കമ്പനിയാണ്. ഹ്യൂസിന്റെ സാങ്കേതികവിദ്യയും ഐഎസ്ആര്ഓ ഉപഗ്രഹങ്ങളും ഉപയോഗിച്ച് ടെലിഫോൺ സേവനം ഇതുവരെ എത്താത്ത ഗ്രാമങ്ങളിലും ജിയോ നെറ്റ്വര്ക്ക് എത്തിക്കാൻ കഴിയുമെന്നാണ് ജിയോയുടെ പ്രതീക്ഷ.
ഭൂപ്രകൃതിയുടെ പ്രത്യേകതകള് മൂലം മൊബൈൽ ടവറുകളിൽ നിന്ന് കവറേജ് എത്താത്ത മലയോരപ്രദേശങ്ങളിലും ദ്വീപുകളിലും ഉള്പ്പെടെ 400 വിദൂരപ്രദേശങ്ങളില് പദ്ധതി നടപ്പാക്കും. രാജ്യവ്യാപകമായി ജിയോയ്ക്ക് കുറഞ്ഞ ചെലവിൽ നെറ്റ്വര്ക്ക് സ്ഥാപിക്കാനും പുതിയ പദ്ധതി വഴിയൊരുക്കും. ഇതോടെ ഉപഗ്രഹസഹായത്തോടെ രാജ്യത്ത് 4ജി സേവനം ലഭ്യമാക്കുന്ന രാജ്യത്തെ ആദ്യ ടെലികോം സേവനദാതാവാകാൻ ഒരുങ്ങുകയാണ് ജിയോ.
മുംബൈയിലും നാഗ്പൂരിലും സാറ്റലൈറ്റ് സ്റ്റേഷനുകളും ലേ, പോര്ട്ട്ബ്ലയര് എന്നിവിടങ്ങളിൽ മിനി-ഹബ്ബുകളും സ്ഥാപിക്കാനാണ് കമ്പനിയുടെ പദ്ധതി. ഇതോടെ ജമ്മു - കശ്മീര്, ഉത്തരാഖണ്ഡ്, ആന്ഡമാൻ - നിക്കോബാര്, ലക്ഷദ്വീപ് എന്നിവിടങ്ങളിൽ കൂടുതൽ മൊബൈല് നെറ്റ്വര്ക്ക് ലഭ്യമാകും.