സാധ്യത
അല്പം യാഥാർത്ഥ്യ ബോധത്തോടെ ചിന്തിച്ചാൽ ഈ ബിസിനസിൻെറ സാധ്യതകൾ ബോധ്യമാവും.ആറ് മാസം മുതൽ പ്രായമുള്ള കുഞ്ഞുങ്ങൾക്കാണ് ബനാന പൗഡർ നൽകാറുള്ളത്. ഏതൊരു രക്ഷിതാവും, കുഞ്ഞിന് ഏറ്റവും നല്ല ഭക്ഷണം നൽകാനാണ് ശ്രമിക്കുക. അതിനാൽത്തന്നെ പ്രിസർവേറ്റീവുകളൊന്നും ചേർക്കാത്ത ബേബി ഫുഡ്സിന് മാർക്കറ്റിൽ നല്ല ഡിമാൻഡുണ്ട്. ഇത്തരം നാചുറൽ പ്രൊഡക്ടുകൾക്ക് ഭാവിയിലും ഡിമാൻഡ് വർധിക്കുക മാത്രമേയുള്ളൂ. ഏത് ബിസിനസിലുമെന്ന പോലെ, പ്രൊഡക്ഷൻ, മാർക്കറ്റിങ്, പ്രമോഷൻ എല്ലാം വിജയിപ്പിച്ചെടുക്കുക എന്നത് ഇവിടെയും പ്രധാനമാണ്.
ഈ ഉല്പന്നം പുറത്തിറക്കുമ്പോൾ അതീവ ശ്രദ്ധ പുലർത്തേണ്ടത് അത്യാവശ്യമാണ്. പ്രിസർവേറ്റീവുകളൊന്നും തന്നെ ചേർക്കരുത്. നല്ല വൃത്തിയോടെയായിരിക്കണം എല്ലാ പ്രോസസുകളും ചെയ്യേണ്ടത്. ഈ രണ്ടു കാര്യങ്ങളിലും ഒരു കോംപ്രമൈസും ചെയ്യാൻ പാടുള്ളതല്ല.
Also Read : ബാഗ് നിർമാണം വീട്ടിൽ ആരംഭിക്കാം; 25,000 രൂപ മുടക്കി, 50% വരെ ലാഭം നേടാം
ഉല്പാദനം
പച്ച ഏത്തക്കായ തൊലി കളഞ്ഞ് നന്നായി കഴുകി എടുക്കുന്നു. തുടർന്ന് ഇത് സ്ലൈസായി കട്ട് ചെയ്യുന്നു. ഇവ പിന്നെയും കഴുകി ഉണക്കുന്നു. ഇതിനായി ഡ്രയർ മെഷീൻ ഉപയോഗിക്കാം. വേനൽക്കാലമാണെങ്കിൽ നാചുറലായി വെയിൽ കൊള്ളിച്ച് ഉണക്കിയെടുക്കാവുന്നതാണ്.വെയിൽ കൊള്ളിക്കുമ്പോൾ അത് വൃത്തിയുള്ള സ്ഥലമായിരിക്കണമെന്ന് ഉറപ്പാക്കേണ്ടതാണ്.
മൂന്ന് കിലോ പച്ച ഏത്തക്കായ ഉപയോഗിച്ചാൽ ഏകദേശം 1 കിലോ ബനാന പൗഡർ ഉണ്ടാക്കാൻ സാധിക്കും. ഒരു കിലോ പച്ച എത്തക്കായയ്ക്ക് നിലവിൽ, ഈ ലേഖനം തയ്യാറാക്കുമ്പോൾ 60 രൂപയാണ് ചില്ലറ വില്പന വില. ഹോൾസെയിലായി ഇത് ലഭ്യമാക്കിയാൽ വില വീണ്ടും കുറയും. ഒരു കിലോ ബനാന പൗഡർ വില്പന നടത്തിയാൽ ആയിരം രൂപയിലധികം നേടാൻ സാധിക്കും. പാക്കിങ്, ലേബർ അടക്കം എല്ലാ ചിലവും കൂടി പരമാവധി 100 രൂപയെ വരികയുള്ളു. അതായത് 250 മുതൽ 300 രൂപ വരെ ശരാശരി ചിലവ് കണക്കാക്കിയാൽ മൂന്നിരട്ടി ലാഭം നേടാവുന്ന ബിസിനസാണിത്.
എങ്ങനെ തുടക്കമിടാം ?
ഏത്തക്ക അല്ലെങ്കിൽ കുന്നൻ പഴം നമ്മുടെ നാട്ടിൽ ധാരാളമായി ലഭ്യമാവും. എങ്കിൽ പോലും ബിസിനസ് ചെയ്യുമ്പോൾ ഇവയുടെ
തുടർച്ചയായ ലഭ്യത ഉറപ്പാക്കണം. തുടക്കത്തിൽ വീട്ടുകാരുടെ സഹായത്തോടെ ചെറിയ രീതിയിൽ ആരംഭിക്കാം. വീട്ടിലുള്ള ഗ്രൈൻഡർ ഉപയോഗിച്ച് പൗഡർ നിർമിക്കാം. ദിവസവും 5 കിലോ പ്രോസസിങ് നടത്താനായി വീടുകളിലെ ഗ്രൈൻഡർ മതിയാവും. വെയിലത്ത് ഉണക്കിയെടുക്കാൻ കൂടി സാധിച്ചാൽ ഉല്പാദനച്ചിലവ് ഇല്ല എന്നു തന്നെ പറയേണ്ടി വരും.
ഈ പ്രൊഡക്ട് മാർക്കറ്റിൽ ഇറക്കുമ്പോൾ അളവ് തൂക്കത്തിനായി വെയിങ് മെഷീൻ, പാക്കിങ്ങിനായി സീലിങ് മെഷീൻ എന്നിവ ആവശ്യമാണ്. ഇവയ്ക്ക് പരമാവധി 10,000 രൂപയാണ് ചിലവ് വരിക.
നിങ്ങളുടെ ബ്രാൻഡിന് ഒരു പേര് നൽകാനും ശ്രമിക്കാം. മറ്റാരും എടുത്തിട്ടില്ലാത്ത ആകർഷകമായ ഒരു പേര് കണ്ടെത്തി ട്രേഡ്മാർക്ക് രജിസ്ട്രേഷൻ എടുക്കാവുന്നതാണ്.
Also Read : മാസം 50,000 രൂപ ലാഭം; വീട്ടിൽ തുടങ്ങാവുന്ന ബിസിനസ്; കുറഞ്ഞ മുതൽ മുടക്ക്
ലൈസൻസ്
ഫുഡ് സേഫ്റ്റി, ലീഗൽ മെട്രോളജി സർട്ടിഫിക്കറ്റ്, ഓൺലൈൻ ആയി വില്പന നടത്തുന്നെങ്കിൽ ജിഎസ്ടി രജിസ്ട്രേഷൻ, ലോക്കൽ അതോറിറ്റി ലൈസൻസ് എന്നിവയാണ് തുടക്കത്തിൽ ആവശ്യമായി വരിക.
ഈ ബിസിനസിലും മാർക്കറ്റിങ് വളരെ പ്രധാനമാണ്. ഓഫ് ലൈൻ, ഓൺലൈൻ മാർഗങ്ങളിലൂടെ പ്രൊഡക്ട് വില്പന നടത്താം. സൂപ്പർമാർക്കറ്റുകൾ, മെഡിക്കൽ ഷോപ്പുകൾ, ബേബി കെയർ ഷോപ്പുകൾ മുതലായ ഇടങ്ങളിൽ വില്പന സാധ്യത കൂടുതലുണ്ട്. ആമസോൺ, ഫ്ലിപ്കാർട്ട് പോലെയുള്ള സൈറ്റുകളിലൂടെയും വില്പന നടത്താം. സ്വന്തമായുള്ള വെബ്സൈറ്റ്, വിവിധ സോഷ്യൽ മീഡിയ പ്ലാറ്റ്ഫോമുകൾ തുടങ്ങിയവയിലൂടെയെല്ലാം വില്പനയ്ക്കുള്ള സാധ്യതകൾ വർധിക്കുന്നു.
സോഷ്യൽ മീഡിയ പ്രമോഷനും ബിസിനസിന് ഗുണം ചെയ്യും. നിങ്ങളുടെ പ്രൊഡക്ട് വൃത്തിയോടെ തയ്യാറാക്കുന്ന പ്രമോഷണൽ തന്ത്രങ്ങൾ തയ്യാറാക്കി തികഞ്ഞ പ്രഫഷണൽ സമീപനത്തോടെ മുന്നോട്ടു പോവുക.
Read Latest Business News and Malayalam News