വിപണി വിശകലനം ചെയ്യുക
ഏതൊരു ബിസിനസും ആരംഭിക്കുന്നതിനു മുമ്പ് മാർക്കറ്റിനെപ്പറ്റി വിശദമായി പഠനം നടത്തേണ്ടതാണ്. നിലവിൽ വിപണിയിൽ മുന്നിട്ടു നിൽക്കുന്ന എസ്റ്റബ്ലിഷ്ഡ് ആയ ബ്രാൻഡുകൾ ഏതെല്ലാമാണ് ? നിങ്ങൾ ബിസിനസ് തുടങ്ങുമ്പോൾ ആരോടൊക്കെയാണ് മത്സരം വരിക മുതലായ കാര്യങ്ങൾ വിശദമായി മനസ്സിലാക്കാം. അവരുടെ പാക്കേജിങ്ങിന്റെ സ്റ്റൈൽ, അളവ്, വിലനിലവാരം മുതലായ കാര്യങ്ങളിൽ പഠനം നടത്തുക.
ലൈസൻസ്, രജിസ്ട്രേഷൻ
ആദ്യം തന്നെ ഫുഡ് സ്റ്റാൻഡേർഡ് സേഫ്റ്റി അതോറിറ്റി ഓഫ് ഇന്ത്യയിൽ നിന്നും രജിസ്ട്രേഷൻ നേടേണ്ടതാണ്. ഉദ്യോഗ് ആധാർ എംഎസ്എംഇ യിൽ രജിസ്റ്റർ ചെയ്യുന്നത് വിവിധ ഫണ്ടിങ്, സബ്സിഡി ഓപ്ഷനുകൾ അറിയാൻ സഹായിക്കും. പാക്കേജ്ഡ് ഫുഡ് രാജ്യത്ത് വിൽക്കുന്നതിന് ആവശ്യമായ ഫുഡ് ബിസിനസ് ഓപ്പറേറ്റർ ലൈസൻസും നേടേണ്ടതാണ്. പ്രാദേശിക മുനിസിപ്പൽ അതോറിറ്റിയിൽ നിന്നും ബിസിനസ് ലൈസൻസും എടുക്കേണ്ടതാണ്. ഈ ബിസനസിന് ജിഎസ്ടി രജ്സ്ട്രേഷൻ നമ്പറും നേടേണ്ടതാണ്.
Also Read : ഒരു ട്രക്കിൽ ലോഡ് ചെയ്തത് 2000 കോടിയുടെ ബിസിനസ്
മെഷീനുകൾ
പെട്ടെന്ന് കേടുവരുന്ന ഉല്പന്നമാണ് ഏത്തക്കായ. ഇതിനാൽത്തന്നെ ഈ ബിസിനസിന് സെമി ഓട്ടോമാറ്റിക് ബനാന വേഫേർസ് നിർമാണ യൂണിറ്റ് ആവശ്യമാണ്. 300 വർക്കിങ് ദിവസങ്ങൾ കണക്കാക്കിയാൽ രണ്ട് വർക്കിങ് ഷിഫ്റ്റുകളിലായി 50 ടൺ ചിപ്സുകൾ പ്രോസസ് ചെയ്യാൻ സാധിക്കും. താഴെ നൽകിയിരിക്കുന്ന മെഷീനുകളാണ് ആവശ്യമുള്ളത്.
- ഇലക്ട്രിക്കലായി ഓപ്പറേറ്റ് ചെയ്യുന്ന ട്രോളിയുള്ള ഡ്രയർ
- ഓട്ടോമാറ്റിക് സീലിങ് മെഷീൻ
- ഡിജി സെറ്റ്
- സൈലൻസറുകളും, ഇലക്ട്രിക് മോട്ടോറുകളും
- അടുപ്പ്
- അരിപ്പ
- മുറിക്കാനും അരിയാനുമുള്ള കത്തികൾ
- അളവുതൂക്ക മെഷീൻ
- അലൂമിനിയം പാത്രങ്ങൾ
പച്ച ഏത്തക്കായ, ഫുഡ് കളർ, ഉപ്പ്, വെളിച്ചെണ്ണ എന്നീ റോ മെറ്റീരിയലുകളാണ് ആവശ്യമുള്ളത്.
നിക്ഷേപവും, വരുമാനവും
തുടക്കത്തിൽ 8 ലക്ഷം രൂപയാണ് നിക്ഷേപം വേണ്ടി വരിക. സെമി ഓട്ടോമാറ്റിക് മെഷീൻ 1 മുതൽ 3 ലക്ഷം രൂപയ്ക്കു വരെ ലഭിക്കും. ഫുള്ളി ഓട്ടോമാറ്റിക് മെഷീനുകൾ 3.5 മുതൽ 6 ലക്ഷം രൂപ വരെയുള്ള തുകയ്ക്ക് ലഭിക്കും. റോ മെറ്റീരിയലുകൾക്ക് പ്രതിമാസം 50,000 രൂപ കണക്കാക്കാം. ഒരു മാസത്തെ പാക്കേജിങ് ചിലവുകൾ ഏകദേശം 10,000 രൂപയോളം വരും. മറ്റു ചിലവുകൾ 10,000 രൂപ കണക്കാക്കാം.
വലിയ മാർജിനാണ് ഈ ബിസനസിനുള്ളത്. ലാഭവിഹിതം 50%-60% വരെ ലഭിക്കും. മാർക്കറ്റിലുള്ള ഉയർന്ന ഡിമാൻഡാണ് ഇത്രയും വലിയ ലാഭവിഹിതം ലഭിക്കാൻ കാരണം. ഒരു സ്മാൾ സ്കെയിൽ ബിസിനസായി ഇത് ആരംഭിച്ചാൽ ഏകദേശം 4 മുതൽ 6 ലക്ഷം രൂപ വരെ പ്രതിവർഷം ലാഭം ലഭിക്കും.
നിങ്ങൾക്ക് വീട്ടിൽ ബനാന ചിപ്സ് മേക്കിങ് ബിസിനസ് ചെറിയ രീതിയിൽ ആരംഭിക്കാവുന്നതേയുള്ളൂ. ഇതിന് കുറഞ്ഞ ചിലവ് മാത്രമേ വരികയുള്ളൂ. പിന്നീട് ഇത് പടിപടിയായി ഉയർത്തിക്കൊണ്ടു വരികയുമാവാം.
Also Read: സൈക്കിൾ ഇ -സ്കൂട്ടറാകും ; ഈ കിറ്റ് വെച്ചാൽ 40 കിലോമീറ്റർ മൈലേജ്