ബ്രാൻഡഡ് സർപ്ലസ് കുർത്തീസ് 250 രൂപ മുതൽ; ഹോൾസെയിൽ വിലയിൽ ഈ മാർക്കറ്റിൽ നിന്ന് വാങ്ങാം

ബ്രാൻഡഡ് സർപ്ലസ് കുർത്തികളുടെ നല്ല കളക്ഷൻ ലഭിക്കുന്ന ഇടമാണ് ബാഗ്ലൂർ.ലേഡീസ്-ജെന്റ്സ് ബ്രാൻഡഡ് കുർത്തികൾ മാത്രം വിൽക്കുന്ന ഷോപ്പുകൾ ഇവിടെയുണ്ട്. ബ്രാൻഡഡ് സർപ്ലസ് ഡീൽ ചെയ്യുന്ന ഷോപ്പുകളിൽ നിന്നും ഇവ വാങ്ങിക്കാം. ഇന്റർനാഷണൽ, ആഭ്യന്തര വിപണികളിൽ ലഭ്യമായിട്ടുള്ള ബ്രാൻഡുകളും ഇവിടെ ലഭിക്കും.ഡിസൈനർ കുർത്തികൾ ആവശ്യമുള്ളവർക്ക് അവയും ഈ മാർക്കറ്റിൽ നിന്നും തെരഞ്ഞെടുക്കാം.

എന്താണ് സർപ്ലസ് വസ്ത്രങ്ങൾ?
സർപ്ലസ് എന്ന വിഭാഗത്തിൽ വലിയ വിലക്കുറവിൽ കുർത്തികൾ ലഭിക്കുന്ന ഷോപ്പുകൾ ഇവിടെയുണ്ട്. വലിയ ബ്രാൻഡുകൾ എല്ലാ മാസവും ലക്ഷക്കണക്കിന് പീസുകളുടെ പ്രൊഡക്ഷനാണ് നടത്തുന്നത്. സാധാരണ ഗതിയിൽ കമ്പനിയുടെ പ്രൊഡക്ടുകൾ സ്വന്തം ഔട്ലെറ്റുകളിലേക്ക് നൽകുന്നു. ഇതു കൂടാതെ ഡിസ്ട്രിബ്യൂട്ടർമാർക്ക് നൽകുകയും, കയറ്റുമതി നടത്തുകയും ചെയ്യുന്നു. ഇതെല്ലാം കഴിഞ്ഞാലും ധാരാളം പീസുകൾ ബാക്കി വരുന്നു. ഇത്തരം സർപ്ലസ് തുണിത്തരങ്ങൾ വസ്ത്രവ്യാപാരികൾ തെരഞ്ഞെടുത്ത് മൊത്തമായി വാങ്ങി വിവിധ ഹോൾസെയിലേഴ്സിനും, റീടെയിലേഴ്സിനും നൽകുന്നു.

പ്രിന്റുകൾ കൂടുതലായും വരുന്ന ബ്രാൻഡുകൾ ഇവിടെ നന്നായി വില്പന നടക്കുന്നു. വിവിധ തരം സ്ലീവ് ലെസ്, ഫുൾ ലെങ്ത് കുർത്തികൾ ഇവിടെ ലഭിക്കും. പ്രീമിയം ബ്രാൻഡുകൾ ഡിസൈനർ കുർത്തികൾ 250 രൂപ മുതൽ മൊത്തമായും, ചില്ലറയായും വാങ്ങിക്കാം. കൂടുതലായും ഹോൾസെയിലായി എടുത്താലാണ് മികച്ച ലാഭം ലഭിക്കുന്നത്. പല ഷോപ്പുകാരും ഏഴ് സൈസുകൾ ഒരു പാക്കറ്റിൽ ലഭ്യമാക്കുന്നുണ്ട്. ഇവയിൽ
പ്രത്യേക സൈസ് ഇല്ലാത്തതും മിക്സ് ചെയ്തു ലഭിക്കും. ഏറ്റവും കുറഞ്ഞത് 50 പീസുകൾ എടുക്കണമെന്ന് നിഷ്കർഷിക്കുന്ന കടകളുമുണ്ട്.

Also Read : നല്ല കുർത്തികൾ 45 രൂപ മുതൽ; വസ്ത്രങ്ങൾ മൊത്തമായി വാങ്ങി ബിസിനസ് നടത്താം

നിലവാരമുള്ള തുണിത്തരങ്ങളും, ലേറ്റസ്റ്റ് പ്രിന്റുകളും ലഭ്യമാവുന്നു. ഇത്തരം സർപ്ലസ് ബ്രാൻഡുകൾ മൊത്തമായി വാങ്ങി വില്പന നടത്തുന്ന റീ ഹോൾസെയിലേഴ്സ്, റീടെയ്ലേഴ്സ് എന്നിവർ കേരളത്തിൽ നിരവധിയുണ്ട്. ഒരു സെറ്റിൽ 5 പീസുകൾ അടങ്ങുന്ന ഡിസൈനർ കുർത്തികളും ഇവിടെ നിന്നു വാങ്ങിക്കാം. 250 രൂപ മുതൽ 500 രൂപ വരെയാണ് വില. അംബ്രല കട്, ഡബിൾ ലേയർ അടക്കമുള്ള പുതിയ ഡിസൈനുകൾ വാങ്ങിക്കാം. റയോൺ, കോട്ടൺ തുണിത്തരങ്ങളിലാണ് കൂടുതലായും ഡിസൈനർ കുർത്തികൾ വരുന്നത്. സിമ്പിൾ ഡിസൈൻ ഇഷ്ടപ്പെടുന്നവർക്ക് ആവശ്യമുള്ളത്രയും സെലക്‌ഷനുള്ള ധാരാളം ഷോപ്പുകൾ ഇവിടെയുണ്ട്.

മൊത്തമായി വാങ്ങി വില്പന നടത്താൻ ഉദ്ദേശിക്കുന്നുണ്ടെങ്കിൽ വിവിധതരം കുർത്തികൾ വാങ്ങിക്കാവുന്നതാണ്. ഉദാരണത്തിന് 20 പീസ് ബ്രാൻഡഡ് സർപ്ലസ്, 20 പീസ് ഡിസൈനർ കുർത്തികൾ, 20 പീസ് അസോർട്ടഡ് അതായത് ഒരേ അളവുകളിലുള്ള കുർത്തികൾ എന്നിങ്ങനെ ഒരുമിച്ച് വാങ്ങിയാൽ വില്പന നടത്തുന്നവർക്ക് കുറച്ചു കൂടി സൗകര്യമായിരിക്കും. ഇവയിൽ ഒരുപാട് ഡിസൈനുകൾ ലഭിക്കും.

ഓൺലൈൻ വഴി പേയ്മെന്റ് നടത്തിയാൽ കേരളത്തിലേക്ക് ഷിപ്പിങ് നടത്തിക്കൊടുക്കുന്ന ഷോപ്പുകളുണ്ട്. കർണാടക, തമിഴ്നാട്, ആന്ധ്രപ്രദേശ് ഭാഗങ്ങളിലേക്ക് ഇത്തരം ഷോപ്പുകളിൽ നിന്ന് വലിയ തോതിൽ ഷിപ്പിങ് നടത്തുന്നു.

Read Latest Business News and Malayalam News