വേണം നല്ല സ്ഥലസൗകര്യം
ഈ ബിസിനസ് ആരംഭിക്കാന്‍ നിര്‍ബന്ധമായും ഭൂമിയുണ്ടായിരിക്കണം. സംഭരണശാലയ്ക്ക് സ്ഥലം കാണണം. കുറഞ്ഞത് 2000 മുതല്‍ 3000 സ്‌ക്വയര്‍ഫീറ്റ് സ്ഥലമെങ്കിലും ഉണ്ടായിരിക്കണം. കൂടാതെമെഷീനുകള്‍, വൈദ്യുതി, ജിഎസ്ടി നമ്പര്‍, അസംസ്‌കൃത വസ്തുക്കള്‍ എന്നിവയാണ് ആവശ്യമായി വരിക. കോണ്‍ഫ്‌ളേക്‌സ് നിര്‍മിക്കാന്‍ ആവശ്യമായ മെഷീനുകളാണ് നിങ്ങള്‍ വാങ്ങേണ്ടത്. ബ്രാന്റഡ് മെഷീനുകള്‍ വാങ്ങാന്‍ ശ്രദ്ധിക്കണം.
കോണ്‍ഫ്‌ളേക്കുകള്‍ ഉണ്ടാക്കാന്‍ അരിയും ഗോതമ്പും ചോളവും ഉപയോഗിക്കാം. ചോളം ഉല്‍പ്പാദനമുള്ള പാടങ്ങളോട് ചേര്‍ന്നുള്ള സ്ഥലങ്ങളില്‍ പ്ലാന്റ് തുടങ്ങുന്നതാകും നല്ലത്. അല്ലാത്തപക്ഷം സംഭരണശാലയിലേക്ക് വസ്തുക്കൾ എത്തിക്കുന്നതിനു ചെലവ് കൂടും. സ്വന്തം ഭൂമി കണ്ടെത്തി ചോളം കൃഷി ചെയ്യുന്നതാണ് കൂടുതല്‍ ലാഭകരം. ചോളം നന്നായി വിളയുന്ന ഭൂമി തെരഞ്ഞെടുക്കാന്‍ പ്രത്യേകം ശ്രദ്ധിക്കണം. ഗുണനിലവാരമുള്ള ചോളങ്ങളില്‍ നിന്നുള്ള കോണ്‍ഫ്‌ളേക്‌സ് കയറ്റുമതി സാധ്യതയും ഉറപ്പുനല്‍കുന്നുണ്ട്.
മുതല്‍മുടക്കും കേന്ദ്രസഹായവും
ഈ സംരംഭം ആരംഭിക്കാനുള്ള മുതല്‍മുടക്ക് അത് വലുതാണോ ചെറുതാണോ എന്നതിനെ ആശ്രയിച്ചിരിക്കും. നിലവില്‍ അഞ്ച് ലക്ഷം രൂപാ മുതല്‍ എട്ടുലക്ഷം രൂപാവരെ ഈ ബിസിനസ് ആരംഭിക്കാന്‍ മുതല്‍മുടക്കേണ്ടി വരും.
Also Read: ശ്രദ്ധിക്കുക! മാര്‍ച്ച് 31-ന് മുമ്പ് ചെയ്തുതീര്‍ക്കേണ്ട ആറ് കാര്യങ്ങള്‍
കോണ്‍ഫ്‌ളേക്‌സ് ബിസിനസ് ആരംഭിക്കാന്‍ കേന്ദ്രസര്‍ക്കാരിന്റെ മുദ്രാലോണ്‍ വഴി സാമ്പത്തിക സഹായം ലഭിക്കും. ഈ ബിസിനസ് ആരംഭിക്കാനുള്ള 90 ശതമാനം ചെലവും വായ്പ വഴി ലഭിക്കും. അതായത് അരലക്ഷം രൂപ കൈയിൽ നിന്നു ചെലവഴിച്ച ശേഷം ബാക്കി മുഴുവന്‍ തുകയും മുദ്രാലോണ്‍ വഴി നേടുന്നതാണ് നല്ലത്.
ലാഭം എത്ര പ്രതീക്ഷിക്കാം?
ഈ മേഖലയിലെ സംരംഭകരുടെ അഭിപ്രായത്തില്‍ ഒരു കിലോ കോണ്‍ഫ്‌ളേക്‌സ് ഉല്‍പ്പാദിപ്പിക്കാന്‍ ഏകദേശം വെറും 30 രൂപയാണ് ചെലവ് വരുന്നത്. ഒരു കിലോ കോണ്‍ഫ്‌ളേക്‌സ് വിപണിയില്‍ 70 രൂപയ്ക്ക് എളുപ്പത്തില്‍ വില്‍ക്കാനാകും. അതായത് ഇരട്ടിയിലും അധികമാണ് ലാഭം ലഭിക്കുന്നത്. നൂറ് കിലോ കോണ്‍ഫ്‌ളേക്‌സ് ഒരു ദിവസം വിറ്റാല്‍ ഏകദേശം 4000 രൂപ ലാഭമായി ലഭിക്കും.
Also Read: വീട്ടിലിരുന്നു സമ്പാദിക്കാം; മാസം മികച്ച വരുമാനം ഉറപ്പു നല്‍കും ഹെന്ന ബിസിനസ്
അതേസമയം ഇതൊരു മാസത്തേക്ക് നോക്കിയാല്‍ 1,20,000 രൂപയാണ് വരുമാനമായി ലഭിക്കുക. കോണ്‍ഫ്‌ളേക്‌സ് ഇപ്പോള്‍ നമ്മള്‍ മലയാളികളുടെയും ജീവിതത്തില്‍ ഒരു നിത്യാഹാരമായി മാറിയിട്ടുണ്ട്. കുട്ടികള്‍ക്കും പ്രായമായവര്‍ക്കുമൊക്കെ ആരോഗ്യദായകമായ ഭക്ഷണം കൂടിയാണ് കോണ്‍ഫ്‌ളേക്‌സ് എന്നതിനാല്‍ ഇതിന്റെ വിപണിയും വലുതാണ്.