വരുമാനം ഉയര്‍ത്തിയത് എങ്ങനെ?
അച്ഛൻെറ പഴയ ബിസിനസിൽ കൂടുതൽ തുക നിക്ഷേപിച്ച് ഓഡി എന്ന ബ്രാൻഡിൽ പരിഷ്കരിക്കുകയാണ് അതുൽ ആദ്യം ചെയ്തത്. അഞ്ച് ലക്ഷം രൂപ മുതൽമുടക്കി ഡൽഹിയിലെ വീടിൻെറ ബേസ്മെൻറിൽ പുതിയ ഒരു സ്റ്റോര്‍ കൂടെ തുടങ്ങി. പതിയെ പതിയെ ബിസിനസ് വളര്‍ന്നു. ബ്രാൻഡ് നെയിം ക്രിയേറ്റു ചെയ്തത് ബിസിനസ് വളര്‍ത്താൻ ഏറെ സഹായകരമായി. അച്ഛൻ അതുൽ പേപ്പര്‍ എന്ന ഒരു ബ്രാൻഡ് രജിസ്റ്റര്‍ ചെയ്തിരുന്നെങ്കിലും അതുൽ ഓഡി എന്ന ബ്രാൻഡുമായി മുന്നോട്ട് പോയി. തുടക്കത്തിൽ കുറച്ച് ഉത്പന്നങ്ങളുമായി ആയിരുന്നു വിൽപ്പന.
അതുൽ പേപ്പര്‍ ഇപ്പോൾ ഓഡി യൂണിറാപ്‍സ്
തുടക്കത്തിൽ, പ്രൊജക്ടറുകൾക്കായുള്ള ഒച്ച്പി ഷീറ്റുകൾ, സ്റ്റിക്കി നോട്ടുകൾ, ടെലിഫോൺ ബൂത്തുകളിൽ ബില്ലിംഗ് കോളുകൾക്കായി ഉപയോഗിച്ചിരുന്ന എസ്ടിഡി പിസിഒ റോളുകൾ എന്നിങ്ങനെ ഡിമാൻഡുള്ള കുറച്ച് ഉൽപ്പന്നങ്ങൾ ഉപയോഗിച്ചായിരുന്നു ബിസിനസ്. ഇന്ന് നൂറോളം ഉത്പന്നങ്ങൾ ആണ് വിപണിയിൽ എത്തിക്കുന്നത്. മൂന്ന് വര്‍ഷം മുമ്പ് പേപ്പർ ഫുഡ് പാക്കേജിംഗിന് ആവശ്യമായ ഓഡി യൂണി റാപ്സ് എന്ന ബ്രാൻഡ് രൂപീകരിച്ചു. 2020-21 സാമ്പത്തിക വർഷത്തിൽ ഈ ബിസിനസിൽ നിന്ന് മാത്രം ഏഴ് കോടി രൂപ വരുമാനം നേടി.
സഹോദരങ്ങളും ബിസിനസിലേക്ക്
അതുലും അച്ഛനും ചേർന്നാണ് ഓഡി എന്ന ബ്രാൻഡ് വളര്‍ത്തിയത്. ആദ്യ വർഷം തന്നെ 25 ലക്ഷം രൂപ വിറ്റുവരവോടെ മികച്ച തുടക്കം. പിന്നീട് അതുലിൻറെ സഹോദരന്മാരായ അമിതും സച്ചിനും പിതാവിൻെറ ബിസിനസിൽ ചേർന്നു. എന്നാൽ അതുൽ ഓഡി ഉൽപ്പന്നങ്ങളിൽ മാത്രം ശ്രദ്ധ കേന്ദ്രീകരിച്ചു. 2004-ൽ ഡൽഹിയിലെ ഓഖ്‌ല ഇൻഡസ്ട്രിയൽ ഏരിയയിൽ ഇവര്‍ 12,000 ചതുരശ്ര അടി വിസ്തീർണമുള്ള ഒരു നിർമ്മാണ യൂണിറ്റ് സ്ഥാപിച്ചു. രണ്ട് വർഷത്തിന് ശേഷം, രാജ്യവ്യാപകമായി ഒരു വിതരണ സ്ഥാപനവും ആരംഭിച്ചു. ബിസിനസ്സ് വളർന്നപ്പോൾ ഹിമാചൽ പ്രദേശിലെ ബദ്ദിയിൽ മറ്റൊരു ഫാക്ടറി കൂടെ തുറന്നു. 2010-ഓടെ കുടുംബാംഗങ്ങൾ മറ്റ് സ്റ്റേഷനറി ഉൽപ്പന്നങ്ങളുടെ വിതരണം നിർത്തി ഓഡി ഉൽപ്പന്നങ്ങളുടെ മാത്രം വിതരണം ഏറ്റെടുത്തു.