സഹായം ആര്‍ക്കൊക്കെ?
പദ്ധതി പ്രകാരം 2020 ഏപ്രിൽ 1 മുതൽ 2020 ഡിസംബർ 31 വരെ ബാങ്കിൽനിന്ന് എടുത്തിട്ടുള്ള അധിക പ്രവർത്തന മൂലധന വായ്പയ്ക്കോ അധിക ടേം ലോണിനോ ആണ് പലിശ സബ്സിഡി ലഭിക്കുക. ഇത്തരം വായ്പകൾ ലഭിച്ചിട്ടുള്ള ഉൽപാദന മേഖലയിലെ അല്ലെങ്കിൽ സേവന മേഖലയിലെ എംഎസ്എംഇ യൂണിറ്റുകൾക്ക് സഹായം ലഭിക്കും.
ആറുമാസത്തെ പലിശയുടെ 50 ശതമാനം പലിശ സബ്സിഡിയായി ലഭിക്കും. ഒരു വായ്പയ്ക്ക് പരമാവധി 30,000രൂപയാണ് സബ്സിഡി. ടേം ലോൺ ആൻ്റ് വർക്കിംഗ് ക്യാപിറ്റൽ ലോൺ എന്നിവ എടുത്തിട്ടുള്ള യൂണിറ്റിന് പരമാവധി 60,000 രൂപ വരെ ഈ പദ്ധതി പ്രകാരം ലഭിക്കും
എങ്ങനെ അപേക്ഷിക്കും?
വ്യവസായ വകുപ്പിൻ്റെ വെബ് സൈറ്റ് ആയ www.industry.kerala.gov.in എന്ന വെബ്സൈറ്റ് വഴി വ്യവസായ ഭദ്രത പാക്കേജിന് അപേക്ഷിക്കാം. താലൂക്ക് വ്യവസായ ഓഫീസുകളിലോ, ബ്ലോക്ക്, മുൻസിപ്പാലിറ്റി വ്യവസായ വികസന ഓഫീസുമായോ ജില്ലാ വ്യവസായകേന്ദ്രത്തിലോ ബന്ധപ്പെട്ടും അപേക്ഷ നൽകാം.എമർജൻസി ക്രെഡിറ്റ് ലൈൻ ഗ്യാരൻ്റീ സ്കീം പ്രകാരം വായ്പ ലഭിച്ചിട്ടുള്ള ഉത്പാദന സേവന മേഖലയിലെ എംഎസ്എംഇ യൂണിറ്റുകൾക്കും ഈ പലിശ സബ്സിഡിയ്ക്ക് അപേക്ഷിക്കാനാകും എന്നതാണ് മറ്റൊരു ആകര്‍ഷണം.