എല്ലാ വീടുകളിലും ഹോട്ടലുകളിലും ഹോസ്പിറ്റലുകളിലും എന്നുവേണ്ട സകലയിടങ്ങളിലും ടോയ്ലറ്റുകളിലും വാഷ്ബേസിനുകളിലും നാഫ്തലീന് ബോളുകള് ഉപയോഗിക്കുന്നു. വസ്ത്രങ്ങള് സൂക്ഷിക്കുന്ന അലമാരകളിലും മറ്റും പാറ്റ ശല്യം ഇല്ലാതിരിക്കാനും നാഫ്തലീന് ബോളുകളാണ് ആളുകള് ഉപയോഗിക്കുന്നത്.
ശ്രദ്ധിക്കേണ്ട കാര്യം
നമ്മുടെ അയല്സംസ്ഥാനമായ തമിഴ്നാട്ടിലാണ് നാഫ്തലീന് ബോളുകള് വ്യാപകമായി നിര്മിക്കുന്നത്. അവരുടെ മാര്ക്കറ്റ് കേരളമാണ്. ക്ലീനിങ് മെറ്റീരിയല് വിപണിയില് നല്ല ഡിമാന്റുള്ള ഈ വസ്തുവിന്റെ സംരംഭക സാധ്യതയെ കുറിച്ച് കേരളത്തില് അധികം ആരും ചിന്തിച്ച് തുടങ്ങിയില്ലെന്നത് നിങ്ങള്ക്ക് നല്ലൊരു അവസരമാണ് തുറന്നു നല്കുന്നത്. അതും കുറഞ്ഞ ചെലവിൽ മികച്ച വരുമാനം നൽകുന്ന ബിസിനസ്.
Also Read: 'നാരങ്ങ അത്ര സിമ്പിൾ അല്ല'; വിപണികളും വിലയും ആഘോഷമാക്കി നാരങ്ങ
നിർമാണ രീതി
ഈ ഉല്പ്പന്നം നിര്മിക്കാന് പൂര്ണമായും ഓട്ടോമാറ്റഡ് ആയ യന്ത്രം ലഭ്യമാണ്. റിഫൈന്ഡ് നാഫ്തലീന് പൗഡര് ആണ് പ്രധാന അസംസ്കൃത വസ്തു. മെഷീനില് ആവശ്യമായ വലിപ്പത്തിലുള്ള ഡൈ സെറ്റ് ചെയ്ത ശേഷം റിഫൈന്ഡ് നാഫ്തലീന് പൗഡര് ലോഡ് ചെയ്യുക.
Also Read: ആധാര് ആരെങ്കിലും ദുരുപയോഗം ചെയ്തിട്ടുണ്ടോ? വീട്ടിലിരുന്നു പരിശോധിക്കാം
തുടര്ന്ന് വലിപ്പത്തിന് അനുസരിച്ച് മണിക്കൂറില് കിലോഗ്രാം വരെ നാഫ്തലീന് ബോളുകള് നിര്മിക്കാം. മെഷീനില് നിന്ന് തയ്യാറാകുന്ന ബോളുകള് പാക്കറ്റുകളാക്കി സ്വന്തം ബ്രാന്റ് നെയിം നല്കി വിപണിയിലെത്തിക്കാം.
സാധ്യത
കുറഞ്ഞ മുതല്മുടക്കും വലിയ വിപണിയുമുള്ള ഉല്പ്പന്നങ്ങളുടെ വ്യവസായങ്ങളോട് താല്പ്പര്യമുള്ളവര്ക്ക് ഇതൊരു കുടില് വ്യവസായമായി ആരംഭിക്കാം. നാഫ്തലീന് ബോള് നിര്മാണത്തിന് ഓട്ടോമാറ്റിക് യന്ത്രങ്ങള് വരെ വിപണിയില് ലഭ്യമാണ്. നിര്മാണത്തിന് ആവശ്യമായ റെഡിമിക്സുകളും സുലഭമാണ്. ചെറിയ തോതില് പരിശീലനം നേടിയാല് തന്നെ നിങ്ങള്ക്ക് വീടിനോട് ചേര്ന്ന് ഈ സംരംഭം ആരംഭിക്കാം.
Also Read: വ്യത്യസ്തമായൊരു പണി; കിടന്നുറങ്ങിയാല് 26,500 രൂപ കിട്ടും
കേരളത്തില് വന് വിപണിയാണ് ഉള്ളത്. ഒരു കിലോഗ്രാം പാക്കുകളിലും ചെറിയ പാക്കറ്റുകളിലും വില്ക്കാം. വിതരണക്കാരെ നിയമിച്ചോ നേരിട്ട് വിപണിയിലെത്തിച്ചോ വില്പ്പന പിടിക്കാം. ദീര്ഘകാലം കേടുകൂടാതെ സൂക്ഷിക്കാന് സാധിക്കുന്നതിനാല് നഷ്ടസാധ്യതയും കുറവാണ്. വെള്ള നിറത്തിന് പകരം ആകര്ഷകമായ നിറങ്ങള് ചേര്ത്തുള്ള ബോളുകള്ക്ക് വിപണിയില് ആവശ്യക്കാര് കൂടുതലാണ്.
പരിശീലനം
ചെറുകിട വ്യവസായ ഇന്കുബേഷന് സെന്ററായ അഗ്രോപാര്ക്ക് പിറവത്ത് നാഫ്തലീന് ബോള് നിര്മാണത്തിന് പരിശീലനവും സാങ്കേതിക വിദ്യയും ലഭ്യമാണ്. ഫോണ്: 04852242310.
Also Read: ഇലക്ട്രിക് വാഹന വില കുത്തനെ കുറയും; ബാറ്ററി സ്വാപിങ് പോളിസി കരട് ശ്രദ്ധേയം
ലൈസന്സുകളും അനുമതിയും: തദ്ദേശ സ്വയംഭരണ സ്ഥാപനത്തില് നിന്നുള്ള ലൈസന്സുകളും ജിഎസ്ടിയും സംരംഭത്തിന് ആവശ്യമാണ്.
കണക്കുകളിലെ കളി
- നാഫ്തലീന് നിര്മാണയന്ത്രം 1.5 എച്ച്.പി. മോട്ടോര് അടക്കം: 1,30,000 രൂപ
- പാക്കിങ് മെഷീന്: 26,000 രൂപ
- അനുബന്ധ ഉപകരണങ്ങള്: 5000 രൂപ
- ആകെ: 1,61,000 രൂപ
Also Read: 'ഇടനിലക്കാര് ഇല്ല, നേരിട്ട് ഉപഭോക്താക്കളിലേക്ക്'; വരുന്നു റിലയന്സിന്റെ 'സ്വദേശ്'
എളുപ്പത്തിൽ വിപണി പിടിക്കാം
മാളുകൾ, ഹോട്ടലുകൾ, ലോഡ്ജുകൾ, സ്കൂളുകൾ പോലെ ദൈനംദിനം നാഫ്തലിൻ ഗുളികകൾ ആവശ്യമായി വരുന്നവരെ നേരിട്ട് കണ്ട് കരാറിലെത്തയാൽ സ്ഥിരമായ വിപണി ഉറപ്പാണ്. ഇവർക്ക് മാർക്കറ്റ് വിലയേക്കാൾ കിഴിവ് നൽകിയാൽ കരാർ ഉറപ്പാക്കാം. ഇതോടൊപ്പം റീട്ടെയിൽ വിപണിയും കണ്ടെത്താം. റീട്ടെയിൽ വിപണികളിലെ ഇടിവ് നേരിട്ടുള്ള കരാറുകളെ ബാധിക്കുകയും ഇല്ല.
Also Read: പ്രതിഫലമായി നയാ പൈസ കൊടുക്കില്ല; മസ്ക്, ട്വിറ്റര് യുദ്ധം പുതിയ തലങ്ങളിലേക്ക്
പ്രവര്ത്തന വരവ്- ചെലവ് കണക്കുകള്
പ്രതിദിനം 300 കിലോഗ്രാം നാഫ്തലീന് ബോളുകള് ഉല്പ്പാദിപ്പിക്കാന് സാധിക്കും. ഒരു കിലോ നാഫ്തലീന് പൗഡറിന്ര് 85 രൂപ നിരക്കിൽ 300 കിലോയ്ക്ക് 25,500 രൂപ. ജോലിക്കാരുടെ വേതനമായി 10000 രൂപ പ്രതീക്ഷിക്കാം. പായ്ക്കിങ് ചാര്ജ് 600 രൂപ. വൈദ്യുതി അനുബന്ധ ചെലവുകളായി 400 രൂപ കൂട്ടിയാൽ, മൊത്തം ചെലവ് 27,500 രൂപയാണ്.
Also Read: ഇരട്ടിപ്രഹരം; സിമെന്റ് ചാക്കിന് 50 രൂപ വരെ കൂടുമെന്നു റിപ്പോര്ട്ട്
കിലോയ്ക്ക് 85 രൂപ നിരക്കിൽ വാങ്ങിയ നാഫ്തലീൻ പൗഡർ, ഗുളികകളായി വിപണിയിലെത്തുമ്പോള് എം.ആര്.പി. 200 രൂപയാണ്. 30 ശതമാനം കമ്മീഷന് കുറച്ചാല് കിലോയ്ക്ക് 140 രൂപ ലഭിക്കും. അതായത് 300 കിലേ വിപണിയിലെത്തുമ്പോള് വരവ് 42,000 രൂപ. അതായത് ലാഭം 42000- 27500= 14,500 രൂപ. പ്രതിമാസം 26 ദിവസം മാത്രം ജോലി ചെയ്താല് 3,77,000 രൂപയാണ് അറ്റാദായമായി സംരംഭകര്ക്ക് ലഭിക്കുക.