ഫണ്ടുകള് തെരഞ്ഞെടുക്കുമ്പോള് ശ്രദ്ധ വേണം
ലാര്ജ്ക്യാപ്, മിഡ്ക്യാപ് ഫണ്ടുകളേക്കാള് സ്മോള്ക്യാപ് മ്യൂച്വല് ഫണ്ടുകള് അസ്ഥിരമാണ്. വിപണികള് മികച്ച പ്രകടനം കാഴ്ചവെക്കാത്ത സമയങ്ങളില്, സ്മോള്ക്യാപ് ഫണ്ടുകള് വളരെ ദുഷ്കരമാകുന്നു. അതേസമയം റിസ്ക് എടുക്കാന് തയാറാണെങ്കില് സ്മോള്ക്യാപ് ഫണ്ടുകളേക്കാള് മികച്ചൊരു നിക്ഷേപം മറ്റൊന്നില്ലെന്നു കരുതേണ്ടി വരും. വിപണികളുടെ ചെറിയ ചാഞ്ചാട്ടങ്ങള് പോലും നിങ്ങളുടെ ആസ്തിയില് വലിയ നേട്ടം സമ്മാനിക്കും.
Also Read: ചെറിയ നിക്ഷേപത്തിൽ മികച്ച വരുമാനം; സുഗുണ ഡെയ്ലി ഫ്രഷ് ഫ്രാഞ്ചൈസി തുടങ്ങാം
വേണ്ടത് ദീര്ഘകാല നിക്ഷേപ മനോഭാവം
സ്മോള്ക്യാപ് ഫണ്ടുകള് നിക്ഷേപങ്ങള്ക്കു തെരഞ്ഞെടുക്കുന്നവര് ദീര്ഘകാല ലക്ഷ്യങ്ങള് ഉണ്ടായിരിക്കണം. മറ്റേതു മ്യൂച്വല്ഫണ്ട് നിക്ഷേപങ്ങളേ പോലെയും സ്മോള്ക്യാപുകളിലും കോമ്പൗണ്ടിങ് ഫീച്ചറാണ് താരം. സ്മോള്ക്യാപ് ഫണ്ടുകള് അവരുടെ മിഡ്ക്യാപ്, ലാര്ജ്ക്യാപ് മ്യൂച്വല് ഫണ്ട് സമപ്രായക്കാരേക്കാള് വേഗത്തില് നീങ്ങുന്നു. ദീർഘകാല ലക്ഷ്യങ്ങൾ പരിഗണിച്ചാൽ ഇടക്കാല തളർച്ചകൾ നിക്ഷേപങ്ങളെ ബാധിക്കില്ല. സ്മോള് ക്യാപ് ഫണ്ടുകളുടെ വളര്ച്ച ഒരു ഉദാഹരണത്തിലൂടെ നോക്കാം.
Also Read: ഫെയ്സ്ബുക്ക് എന്നാൽ പണവും; ക്രിയേറ്റർമാർക്ക് വരുമാന മാർഗമൊരുക്കി മെറ്റയും സുക്കർബർഗും
ഡി.എസ്.പി. സ്മോള് ക്യാപ് ഫണ്ട്- റെഗുലര് പ്ലാന്- ഗ്രോത്ത്
നിക്ഷേപകര്ക്ക് മികച്ച വരുമാനം നല്കിയ സ്മോള്ക്യാപ് ഫണ്ടുകളില് ഒന്നാണിത്. ദീര്ഘകാല നിക്ഷേപകര്ക്കൊപ്പം ഹ്രസ്വകാല നിക്ഷേപകര്ക്കും മികച്ച വരുമാനം നല്കിയ ചരിത്രമാണ് ഫണ്ടിനുള്ളത്. ഈ സ്മോള് ക്യാപ് മ്യൂച്വല് ഫണ്ട് എസ്.ഐ.പി. പ്ലാന് വഴി കഴിഞ്ഞ വര്ഷം അതിന്റെ നിക്ഷേപകര്ക്ക് 15.50 ശതമാനം വരുമാനം നല്കി.
Also Read: നികുതി ദായകനാണോ? അടച്ചതുക നിങ്ങൾക്കും തിരികെ ലഭിക്കാനുണ്ടാകാം? വീട്ടിലിരുന്നു തന്നെ കണ്ടെത്താം
അതേസമയം ഈ കാലയളവിലെ വാര്ഷിക വരുമാനം ഏകദേശം 29.90 ശതമാനമാണ്. കഴിഞ്ഞ രണ്ടു വര്ഷങ്ങളില് ഫണ്ട് 60 ശതമാനത്തിനു മുകളില് അബ്സല്യൂട്ട് റിട്ടേണ് നല്കിയപ്പോള്, ഈ കാലയളവിലെ വാര്ഷിക ആദായം 53.60 ശതമാനത്തില് കൂടുതലാണ്.
10 വര്ഷം കൊണ്ട് 39 ലക്ഷം രൂപ
ദീര്ഘകാല മ്യൂച്വല്ഫണ്ട് നിക്ഷേപങ്ങള് മികച്ച വരുമാനം നല്കുമെന്നതിന് ഉത്തമ ഉദാഹരണം കൂടിയാണ് ഈ ഫണ്ട്. ഫണ്ടിന്റെ അഞ്ചു വര്ഷത്തെ പ്രകടനം പരിഗണിക്കുമ്പോള് അബ്സല്യൂട്ട് റിട്ടേണ് 87.50 ശതമാനവും, ഈ കാലയളവിലെ വാര്ഷിക റിട്ടേണ് ഏകദേശം 25.45 ശതമാനവുമാണ്.
Also Read: ഒരു അരിമണിയുടെ വലിപ്പം; കൈ നീട്ടി പണം കൈമാറാം, ബില്ലുകള് അടയ്ക്കാം
10 വര്ഷ കാലയളവില്, ഫണ്ട് അതിന്റെ എസ്.ഐ.പി. നിക്ഷേപകര്ക്ക് 230 ശതമാനത്തിലധികം അബ്സല്യൂട്ട് വരുമാനവും 22.65 ശതമാനം വാര്ഷിക റിട്ടേണും നല്കി. അതായത് 10,000 രൂപ വീതം 10 വര്ഷം ഫണ്ടില് എസ്.ഐ.പി. നിക്ഷേപം തുടര്ന്നവരുടെ ഇന്നത്തെ ആസ്തി 39 ലക്ഷം രൂപയോളമാണ്. 10 വര്ഷത്തെ കാലയളവില് മൊത്തം 12 ലക്ഷം രൂപ മാത്രമാണ് നിക്ഷേപിച്ചതെന്ന കാര്യം വിസ്മരിക്കരുത്.
അബ്സല്യൂട്ട് റിട്ടേണും വാര്ഷിക റിട്ടേണും
അബ്സല്യൂട്ട് റിട്ടേണും, വാര്ഷിക റിട്ടേണും എന്നും നിക്ഷേപകര്ക്ക് സംശയം ഉയര്ത്തുന്ന കാര്യങ്ങളാണ്. സമ്പൂര്ണ റിട്ടേണ് അഥവാ അബ്സല്യൂട്ട് റിട്ടേണ് എന്നത് ഒരു നിക്ഷേപത്തിന്റെ വിജയത്തിന്റെ കണക്കുകൂട്ടലാണ്. ഇവിടെ ആദ്യ ദിവസം മുതല് നിങ്ങള് എത്ര പണം ഉണ്ടാക്കി എന്നതാണ് വിലയിരുത്തുന്നത്.
വാര്ഷിക റിട്ടേണ് എന്നത് വ്യത്യസ്ത റിട്ടേണ് നിരക്കുകളുള്ള ദീര്ഘകാല നിക്ഷേപങ്ങള് പ്രതിവര്ഷം എത്ര മൂല്യം ഉല്പ്പാദിപ്പിക്കുന്നു എന്നതാണ്. ദീര്ഘകാല നിക്ഷേപങ്ങള് തെരഞ്ഞെടുമ്പോള് ഈ നിരക്കു വേണം പരിഗണിക്കാന്.