5 വർഷത്തിനുള്ളിൽ മികച്ച റിട്ടേൺ; മൂന്ന് എസ്ബിഐ മ്യൂച്വൽ ഫണ്ട് സ്കീമുകൾ പരിചയപ്പെടാം

എസ്ബിഐ മ്യൂച്വൽ ഫണ്ട് വാഗ്ദാനം ചെയ്യുന്ന മ്യൂച്വൽ ഫണ്ടുകളിൽ നിക്ഷേപിക്കുന്നത് നിങ്ങളുടെ സാമ്പത്തിക ലക്ഷ്യങ്ങൾക്കായി സമ്പത്ത് ശേഖരിക്കുന്നതിനുള്ള ഒരു മികച്ച മാർഗമാണ്. എസ്ബിഐ ടെക്നോളജി ഓപ്പർച്യുണിറ്റീസ് ഫണ്ട്, എസ്ബിഐ കോൺട്രാ ഫണ്ട് ആൻഡ് ഗ്രോത്ത്, എസ്ബിഐ സ്മോൾ ക്യാപ് ഫണ്ട് ഡയറക്ട് ഗ്രോത്ത് എന്നിവ 5 വർഷത്തിനിടെ മികച്ച പ്രകടനം നടത്തിയ മ്യൂച്വൽ ഫണ്ടുകളാണ്. ഈ മ്യൂച്വൽ ഫണ്ടുകൾ 23% വരെ വാർഷിക വരുമാനം നൽകിയിട്ടുണ്ട്. ഇവയെല്ലാം ഗ്രോത്ത് ഓപ്ഷനിൽ നേരിട്ടുള്ള പദ്ധതികളാണ്.

Also Read : മ്യൂച്വൽ ഫണ്ട് നിക്ഷേപം; ഗ്രോത്ത് - ഡിവിഡന്റ് പ്ലാനുകളിൽ അനുയോജ്യമായത് ഏതെന്നറിയാം

എസ്ബിഐ ടെക്നോളജി ഓപ്പർച്യുണിറ്റീസ് ഫണ്ട്
ടെക്നോളജിയുമായി ബന്ധപ്പെട്ട കമ്പനികളുടെ ഇക്വിറ്റി, ഇക്വിറ്റി സംബന്ധിയായ സെക്യൂരിറ്റികൾ എന്നിവയുടെ വൈവിധ്യമാർന്ന പോർട്ട്‌ഫോളിയോയിൽ നിക്ഷേപിച്ച് ദീർഘകാല മൂലധന നിക്ഷേപത്തിനുള്ള അവസരം നിക്ഷേപകർക്ക് നൽകാനാണ് എസ്ബിഐ ടെക്നോളജീസ് ഓപ്പർച്യുണിറ്റീസ് ഫണ്ട് ലക്ഷ്യമിടുന്നത്. ഈ ഫണ്ട് 5 വർഷത്തിനുള്ളിൽ 187.47% സമ്പൂർണ്ണ വരുമാനവും 23.50% വാർഷിക വരുമാനവും നൽകി. വാർഷിക റിട്ടേൺ കാറ്റഗറി ശരാശരി വരുമാനമായ 11.41%, ബെഞ്ച്മാർക്ക് റിട്ടേൺ 22.56% എന്നിവയേക്കാൾ കൂടുതലാണ്. 166.01 രൂപയാണ് ഇതിന്റെ നിലവിലെ ആസ്തി മൂല്യം.

5 വർഷം മുമ്പ് നിങ്ങൾ എസ്ബിഐ ടെക്നോളജീസ് ഓപ്പർച്യുണിറ്റീസ് ഫണ്ടിൽ എസ്ഐപിയായി പ്രതിമാസം 12,000 രൂപ നിക്ഷേപിച്ചവര‍്ക്ക്, ഇപ്പോൾ 84.47% റിട്ടേൺ ലഭിച്ചു കാണും. 5 വർഷം കൊണ്ട് 7.2 ലക്ഷം രൂപയുടെ മൊത്തം നിക്ഷേപത്തിന്, കാലാവധി അവസാനിക്കുമ്പോൾ നിക്ഷേപകർക്ക് 13.3 ലക്ഷം രൂപ റിട്ടേൺ ലഭിക്കും.

എസ്‌ബി‌ഐ ടെക്‌നോളജീസ് ഫണ്ട് അതിന്റെ ആസ്തിയുടെ 90.6% ഇക്വിറ്റിക്കും ബാക്കി ക്യാഷിലുമാണ് അനുവദിച്ചിരിക്കുന്നത്. ഇൻഫോസിസ് ലിമിറ്റഡ്, ടാറ്റ കൺസൾട്ടൻസി സർവീസസ് ലിമിറ്റഡ്, ഭാരതി എയർടെൽ ലിമിറ്റഡ്, എച്ച്സിഎൽ ടെക്നോളജീസ്, നെറ്റ്ഫ്ലിക്സ് ഇൻക് എന്നിവയാണ് ഫണ്ടിന്റെ മികച്ച 5 ഹോൾഡിംഗുകൾ.

Also Read : ഇൻഡക്സ് ഫണ്ടിൽ നിക്ഷേപിക്കാം; മൂന്ന് ഫണ്ട് ഓഫറുകളുമായി എച്ച്ഡിഎഫ്സി മ്യൂച്വൽ ഫണ്ട്

എസ്ബിഐ കോൺട്രാ ഫണ്ട്
എസ്‌ബി‌ഐ കോൺട്രാ മ്യൂച്വൽ ഫണ്ട് ഒരു ഇക്വിറ്റി മ്യൂച്വൽ ഫണ്ട് സ്കീമാണ്. ഇത് നിക്ഷേപകർക്ക് കോൺട്രാ നിക്ഷേപ തന്ത്രത്തെ പിന്തുടർന്ന് ആക്റ്റിവ് പ്ലാനിലൂടെ ദീർഘകാല മൂലധന നിക്ഷേപത്തിനുള്ള അവസരം നൽകുക എന്ന ലക്ഷ്യത്തോടെയാണ് ആരംഭിച്ചത്. എസ്ബിഐ കോൺട്രാ ഫണ്ട് 5 വർഷത്തിനുള്ളിൽ 95.16% സമ്പൂർണ്ണ വരുമാനവും 14.3% വാർഷിക വരുമാനവും നൽകി. വാർഷിക റിട്ടേൺ കാറ്റഗറി ശരാശരി വരുമാനമായ 13.85%, ബെഞ്ച്മാർക്ക് റിട്ടേൺ 11.69% എന്നിവയേക്കാൾ കൂടുതലാണ്. 241.69 രൂപയാണ് ഇതിന്റെ നിലവിലെ ആസ്തി മൂല്യം.

5 വർഷം മുമ്പ് എസ്ബിഐ കോൺട്രാ ഫണ്ട് വഴി പ്രതിമാസം 12,000 രൂപ നിക്ഷേപിച്ചിട്ടുണ്ടെങ്കിൽ, 79.31% റിട്ടേൺ ലഭിക്കുമായിരുന്നു. 5 വർഷം കൊണ്ട് 7.2 ലക്ഷം രൂപയുടെ മൊത്തം നിക്ഷേപത്തിന്, കാലാവധി അവസാനിക്കുമ്പോൾ നിക്ഷേപകർക്ക് 12.9 ലക്ഷം രൂപ റിട്ടേൺ ലഭിക്കും.

അസറ്റ് അലോക്കേഷന്റെ കാര്യത്തിൽ, എസ്ബിഐ കോൺട്രാ ഫണ്ട് അതിന്റെ ആസ്തിയുടെ 91.4% ഇക്വിറ്റിക്കും 6.2% ഡെറ്റിലും 2.4% ക്യാഷിലും അനുവദിച്ചിട്ടുണ്ട്. സ്റ്റോക്കിന്റെ മികച്ച അഞ്ച് ഹോൾഡിംഗുകളിൽ, ഐസിഐസിഐ ബാങ്ക് ലിമിറ്റഡ്, എച്ച്‌ഡിഎഫ്‌സി ബാങ്ക് ലിമിറ്റഡ്, ആക്‌സിസ് ബാങ്ക് ലിമിറ്റഡ്, റിസർവ് ബാങ്ക് ഓഫ് ഇന്ത്യ, ഗെയിൽ ഇന്ത്യ ലിമിറ്റഡ് എന്നിങ്ങനെ നാല് ബാങ്ക് ഓഹരികൾ ഉണ്ട്.

എസ്ബിഐ സ്മോൾ ക്യാപ് ഫണ്ട്
എസ്‌ബി‌ഐ സ്‌മോൾ ക്യാപ് ഫണ്ട് ഒരു ഇക്വിറ്റി മ്യൂച്വൽ ഫണ്ട് സ്കീമാണ്. പ്രധാനമായും സ്മോൾ ക്യാപ് കമ്പനികളുടെ വൈവിധ്യമാർന്ന ഇക്വിറ്റി സ്റ്റോക്കുകളിൽ നിക്ഷേപിച്ച് മൂലധനത്തിൽ ദീർഘകാല വളർച്ചയ്ക്കുള്ള അവസരങ്ങൾ നിക്ഷേപകർക്ക് നൽകുക എന്നതാണ് ഈ ഫണ്ടിന്റെ പ്രധാന നിക്ഷേപ ലക്ഷ്യം.

എസ്ബിഐ സ്മോൾ ക്യാപ് ഫണ്ട് 5 വർഷത്തിനുള്ളിൽ 84.28% സമ്പൂർണ്ണ വരുമാനവും 14.29% വാർഷിക വരുമാനവും നൽകി. വാർഷിക റിട്ടേൺ കാറ്റഗറി ശരാശരി വരുമാനമായ 13.65%, ബെഞ്ച്മാർക്ക് റിട്ടേൺ 7.57% എന്നിവയേക്കാൾ കൂടുതലാണ്. 124.7 രൂപയാണ് ഇതിന്റെ നിലവിലെ ആസ്തി മൂല്യം. 5 വർഷം മുമ്പ് എസ്ബിഐ സ്മോൾ ക്യാപ് ഫണ്ടിൽ എസ്ഐപിയിലൂടെ പ്രതിമാസം 12,000 രൂപ നിക്ഷേപിച്ചിരുന്നെങ്കിൽ, നിക്ഷേപകർക്ക് 79.31% റിട്ടേൺ ലഭിക്കുമായിരുന്നു. 5 വർഷം കൊണ്ട് 7.2 ലക്ഷം രൂപയുടെ മൊത്തം നിക്ഷേപത്തിന്, കാലാവധി അവസാനിക്കുമ്പോൾ 12.7 ലക്ഷം രൂപ റിട്ടേണായി ലഭിക്കും.

അസറ്റ് അലോക്കേഷന്റെ കാര്യത്തിൽ, എസ്ബിഐ സ്മോൾ ക്യാപ് ഫണ്ട് അതിന്റെ ആസ്തിയുടെ 93.9% ഇക്വിറ്റിക്കും 6.1% ക്യാഷിലും അനുവദിച്ചിട്ടുണ്ട്. ബ്ലൂ സ്റ്റാർ ലിമിറ്റഡ്, കാർബോറൻട്രം യൂണിവേഴ്സൽ ലിമിറ്റഡ്, കൽപതരു പവർ ട്രാൻസ്മിഷൻ ലിമിറ്റഡ്, വി-ഗാർഡ് ഇൻഡസ്ട്രീസ് എന്നിവയാണ് സ്റ്റോക്കിന്റെ ആദ്യ അഞ്ച് മികച്ച ഹോൾഡിംഗുകൾ.

Read Latest Business News and Malayalam News