ചെറിയ ഫണ്ട്, വലിയ വരുമാനം
ഈ സ്മോൾ ക്യാപ് ഫണ്ടിന്റെ വലുപ്പം 411.81 കോടി രൂപയാണെങ്കിലും, ബാങ്ക് ഓഫ് ഇന്ത്യ സ്മോൾ ക്യാപ് ഫണ്ട് തുടക്കം മുതൽ 184.30% വരുമാനം നൽകി. ഒരാൾ 3 വർഷത്തേക്ക് പ്രതിമാസം 10,000 രൂപയുടെ എസ്ഐപി ആരംഭിച്ചിരുന്നെങ്കിൽ, നിക്ഷേപത്തിന്റെ മൂല്യം ഇന്ന് 5.46 ലക്ഷം രൂപയാകുമായിരുന്നു. 3.6 ലക്ഷം രൂപയുടെ മൊത്തം എസ്ഐപി നിക്ഷേപ തുകയിൽ 51.78 ശതമാനമാണ് വളർച്ച. എന്നിരുന്നാലും, മുൻകാല പ്രകടനം ഭാവിയിലെ നല്ല വരുമാനത്തെ സൂചിപ്പിക്കുന്നില്ല എന്നത് പ്രത്യേകം ശ്രദ്ധിക്കുക.
Also Read : സാമ്പത്തിക ലക്ഷ്യങ്ങൾ നേടാം, എസ്ഐപി നിക്ഷേപങ്ങളിലൂടെ
പോർട്ട്ഫോളിയോ ഘടകങ്ങൾ
പോർട്ട്ഫോളിയോയിൽ 94.6% ഇക്വിറ്റി ഹോൾഡിംഗുകളും ബാക്കി ക്യാഷുമാണ്. കൺസ്ട്രക്ഷൻ (16.1%), ഫിനാൻഷ്യൽ (15.3%), ക്യാപിറ്റൽ ഗുഡ്‌സ് (13.2%), കെമിക്കൽസ് (13.2%) എന്നിവയാണ് അതിന്റെ മികച്ച 4 സെക്ടറൽ ഹോൾഡിംഗുകൾ. ഐസിഐസിഐ ബാങ്ക്, ഫെഡറൽ ബാങ്ക്, കാനറ ബാങ്ക്, സിറ്റി യൂണിയൻ ബാങ്ക് ലിമിറ്റഡ് തുടങ്ങിയ മികച്ച ബാങ്കുകൾ ഉൾപ്പെടുന്ന 65 കമ്പനികളെ ബാങ്ക് ഓഫ് ഇന്ത്യ സ്മോൾ ക്യാപ് ഫണ്ട് അതിന്റെ പോർട്ട്ഫോളിയോയിൽ ഉൾപ്പെടുത്തിയിട്ടുണ്ട്. ഏതാനും വർഷങ്ങളായി മികച്ച പ്രകടനം കാഴ്ചവെച്ച അപ്പോളോ ഗ്രൂപ്പിന്റെ ഭാഗമായ രണ്ട് സ്റ്റോക്കുകളും ഹോൾഡിംഗിൽ ഉൾപ്പെട്ടിട്ടുണ്ട്.
അപകടസാധ്യതകളും റാങ്കിംഗും
ബാങ്ക് ഓഫ് ഇന്ത്യ സ്മോൾ ക്യാപ് ഫണ്ടിന് ക്രിസിൽ രണ്ടാം സ്ഥാനവും മോണിംഗ്സ്റ്റാർ 5-സ്റ്റാർ റേറ്റിംഗും നൽകിയിട്ടുണ്ട്. പോർട്ട്‌ഫോളിയോയുടെ 94.6% ഇക്വിറ്റികളിലേക്ക് നിക്ഷേപച്ചിരിക്കുന്നതിനാൽ, പണത്തിൽ കുറഞ്ഞ നിക്ഷേപമേയുള്ളൂ. മാത്രമല്ല. ഡെറ്റ് വിഭാഗങ്ങളിൽ നിക്ഷേപമില്ല.
അതേസമയം, അങ്ങേയറ്റം അസ്ഥിരമായ കൺസ്ട്രക്ഷൻ മേഖലയ്ക്ക് വലിയൊരു ഭാഗം നൽകിയിട്ടുണ്ടെന്ന് ശ്രദ്ധിക്കുക. അതിനാൽ, നിക്ഷേപ റിസ്ക് വളരെ ഉയർന്നതാണെന്ന് ദയവായി ശ്രദ്ധിക്കുക.
Also Read : നിക്ഷേപകർ ശ്രദ്ധിക്കാൻ; 52 ആഴ്ചയിലെ ഉയർന്ന വിലയിൽ 5 ഓഹരികൾ
ഫണ്ട് വിഹിതവും, സാധ്യതകളും
ഇക്വിറ്റികൾക്ക് പുറമെ, 7.33% ലാർജ് ക്യാപ് സ്റ്റോക്കുകളിലും 9.34% മിഡ് ക്യാപ് സ്റ്റോക്കുകളിലും 60.21% സ്മോൾ ക്യാപ് ഓഹരികളിലുമാണ് നിക്ഷേപിച്ചിരിക്കുന്നത്. ഫണ്ടിന് 0.04% മാത്രമാണ് ഡെറ്റ് നിക്ഷേപമുള്ളത്. അതിൽ 0.04 ശതമാനവും സർക്കാർ സെക്യൂരിറ്റികളിലാണ്. കുറഞ്ഞത് 3-4 വർഷത്തേക്ക് പണം നിക്ഷേപിക്കാൻ ആഗ്രഹിക്കുന്ന നിക്ഷേപകർ വളരെ ഉയർന്ന വരുമാനം നൽകാൻ ഈ ഫണ്ടിന് സാധിച്ചേക്കും. അതേസമയം, നിക്ഷേപകർ അവരുടെ നിക്ഷേപത്തിൽ ഉയർന്ന നഷ്ടം ഉണ്ടാകാനുള്ള സാധ്യതയ്ക്കും തയ്യാറായിരിക്കണം.
നികുതി കാര്യങ്ങൾ
ഫണ്ട് വാങ്ങിയ തീയതി തൊട്ട് 1 വർഷത്തിന് ശേഷം വിൽക്കുകയാണെങ്കിൽ, ദീർഘകാല മൂലധന നേട്ട നികുതി ബാധകമാകും. നിങ്ങളുടെ മൊത്തം ദീർഘകാല മൂലധന നേട്ടം 1 ലക്ഷം കവിഞ്ഞാൽ, നിലവിലെ നികുതി നിരക്ക് 10% ആണ്. എന്നാൽ, ഏതെങ്കിലും തരത്തിലുള്ള സെസ്/സർചാർജ് ഉൾപ്പെടുത്തിയിട്ടില്ല. ഫണ്ട് വാങ്ങി 1 വർഷത്തിന് മുമ്പ് വിൽക്കുകയാണെങ്കിൽ, ഹ്രസ്വകാല മൂലധന നേട്ട നികുതി ബാധകമാകും. നിലവിലെ നികുതി നിരക്ക് 15% ആണ്. ഏതെങ്കിലും സെസ് / സർചാർജ് ഈ 15% ൽ ഉൾപ്പെടുത്തിയിട്ടില്ല.
(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. ഓഹരി വിപണി / മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)
Read Latest Business News and Malayalam News