മൂന്നുവർഷത്തിൽ 30% നേട്ടം നൽകിയ 8 മ്യൂച്വൽ ഫണ്ടുകൾ

മ്യൂച്വൽ ഫണ്ടുകൾ മികച്ച നിക്ഷേപമാർഗമായി ആളുകൾ കരുതാൻ തുടങ്ങിയിരിക്കുന്നു. ഇതിന് തെളിവായി മികച്ച പെർഫോർമൻസ് നടത്തുന്ന നിരവധി മ്യൂച്വൽ ഫണ്ടുകളുണ്ട്. ഇവിടെ അത്തരത്തിലുള്ള മികച്ച മിഡ് ക്യാപ് മ്യൂച്വൽ ഫണ്ടുകളെയാണ് പരിചയപ്പെടുത്തുന്നത്. മൂന്ന് വർഷം കൊണ്ട് 30% അല്ലെങ്കിൽ അതിലധികം നേട്ടം നൽകിയ ഫണ്ടുകളാണ് ഇവ.

ഗ്രോത്ത്/ഇക്വിറ്റി അധിഷ്ഠിതമായ ധാരാളം മിഡ് ക്യാപ് മ്യൂച്വൽ‍ ഫണ്ടുകൾ മൂന്നു വർഷത്തിനുള്ളിൽ വളരെ ഉയർന്ന ലാഭം നൽകിയിട്ടുണ്ട്. അവയിൽ എട്ടെണ്ണമാണ് ഇവിടെ തിരഞ്ഞെടുത്തിരിക്കുന്നത്. മ്യൂച്വൽ ഫണ്ട് എസ് ഐ പി കാൽക്കുലേറ്റർ ഉപയോഗിക്കുമ്പോൾ 10,000 രൂപയുടെ എസ്ഐപി മൂന്നു വർഷത്തിനുള്ളിൽ 5.8 ലക്ഷം രൂപയായി വളർന്നു. രണ്ട് മിഡ് ക്യാപ് ഫണ്ടുകൾ 40% ൽ അധികം വാർഷിക റിട്ടേണാണ് നൽകിയത്.

എഡിൽവെയ്സ് മിഡ് ക്യാപ് ഫണ്ട് : ഈ സ്കീമിലെ ഡയറ്ക്ട് പ്ലാൻ മൂന്നു വർഷത്തിനുള്ളിൽ 32.05% ലാഭം നൽകി. എന്നാൽ റെഗുലർ പ്ലാനിൽ ഇതേ കാലയളവിൽ ലഭിച്ച നേട്ടം 30.04% ആണ്.

കൊടക് എൻജിനീയറിങ് ഇക്വിറ്റി ഫണ്ട് : മൂന്നു വർഷത്തിനുള്ളിൽ ഈ സ്കീമിലെ ഡയറ്ക്ട് പ്ലാൻ 31.11% നേട്ടം നൽകി. ഇതേ കാലയളവിൽ റെഗുലർ പ്ലാൻ നൽകിയ റിട്ടേൺ 29.47% ആണ്.

മിറേ അസറ്റ് മിഡ്ക്യാപ് ഫണ്ട് : ഈ ഫണ്ടിലെ ഡയറക്ട് പ്ലാൻ മൂന്നു വർഷത്തിനുള്ളിൽ 32.09% നേട്ടം നൽകിയപ്പോൾ, റെഗുലർ പ്ലാൻ 30.14% റിട്ടേണാണ് നൽകിയത്.

മോട്ടിലാൽ ഓസ്വാൾ മിഡ്ക്യാപ് ഫണ്ട് : മൂന്നു വർഷത്തിൽ ഈ ഫണ്ടിലെ ഡയറ്ക്ട് പ്ലാൻ 30.97% നേട്ടവും, റെഗുലർ പ്ലാൻ 30.14% ലാഭവും നൽകി.

പിഇഐഎം ഇന്ത്യ മിഡ്ക്യാപ് ഓപ്പർച്യൂണിറ്റീസ് ഫണ്ട് : ഈ ഫണ്ട് മൂന്നു വർഷ കാലയളവിൽ 44.29% നേട്ടമാണ് നൽകിയത്. ഇതേ ഫണ്ടിന്റെ റെഗുലർ പ്ലാൻ 41.76% ലാഭം നേടി.

ക്വാന്റ് മിഡ്ക്യാപ് ഫണ്ട് : മൂന്നു വർഷത്തിനുള്ളിൽ ഈ സ്കീമിലെ ഡയറ്ക്ട് പ്ലാൻ 40.56% നേട്ടം നൽകി. ഇതേ കാലയളവിൽ റെഗുലർ പ്ലാൻ നൽകിയ റിട്ടേൺ 37.88% ആണ്.

എസ്ബിഐ മാഗ്നം മിഡ്ക്യാപ് ഫണ്ട് : ഈ ഫണ്ടിലെ ഡയറക്ട് പ്ലാൻ മൂന്നു വർഷത്തിനുള്ളിൽ 33.69 % നേട്ടം നൽകിയപ്പോൾ, റെഗുലർ പ്ലാൻ 32.49% റിട്ടേണാണ് നൽകിയത്.

യുടിഐ മിഡ്ക്യാപ് ഫണ്ട് : ഈ സ്കീമിലെ ഡയറക്ട് പ്ലാൻ മൂന്നു വർഷ കാലയളവിൽ 30.28% ലാഭം നേടിയപ്പോൾ, റെഗുലർ പ്ലാൻ 29.06% നേട്ടമാണ് നൽകിയത്.
ഈ ഫണ്ടുകളെല്ലാം നിഫ്റ്റി മിഡ്ക്യാപ് 150 ടോട്ടൽ റിട്ടേൺ ഇൻഡക്സിനെ‍യാണ് ട്രാക്ക് ചെയ്യുന്നത്.

(ഒരു ഫണ്ടിന്റെ മുൻകാല പ്രകടനം ഭാവിയിൽ അതേ പ്രകടനം ആവർത്തിക്കുമെന്നതിന് ഉറപ്പല്ല. മ്യൂച്വൽ ഫണ്ടുകളിൽ എന്തെങ്കിലും നിക്ഷേപം നടത്തുന്നതിന് മുമ്പ് നിക്ഷേപകർ എല്ലായ്പ്പോഴും ഗവേഷണം നടത്തുകയും, ഒരു അംഗീകൃത സാമ്പത്തിക ആസൂത്രകനെ സമീപിക്കുകയും വേണം. ഈ ലേഖനത്തിൽ മുകളിൽ പറഞ്ഞിരിക്കുന്ന കാര്യങ്ങളെല്ലാം നിക്ഷേപകരുടെ അറിവിനു വേണ്ടി മാത്രമുള്ളതാണ്. ഇത് ഏതെങ്കിലും ഓഹരികളോ, മ്യൂച്വൽ ഫണ്ടുകളോ വാങ്ങാനുള്ള നിർദ്ദേശമല്ല. ഓഹരിവിപണിയിലെ നിക്ഷേപം ലാഭ-നഷ്ട സാധ്യതകൾക്കു വിധേയമാണ്. നിക്ഷേപകർ സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)