എസ്ബിഐ ഫോക്കസ്‍ഡ് ഇക്വിറ്റി ഫണ്ട്
500 രൂപയിലും നിക്ഷേപം തുടങ്ങാവുന്ന ഉയര്‍ന്ന റേറ്റിങ് ഉള്ള ഒരു ഫണ്ടാണ് എസ്ബിഐ ഫോക്കസ്‍ഡ് ഇക്വിറ്റി ഫണ്ട്. താരതമ്യേന ഉയര്‍ന്ന റിസ്ക് തന്നെയാണ് ഈ ഫണ്ടിനുള്ളത്. കാരണം 80 ശതമാനം നിക്ഷേപവും ഓഹരികളിൽ നടത്തുന്ന ഫണ്ടാണിത്. ഓഹരികളിൽ 80.61 ശതമാനം നിക്ഷേപവും ലാര്‍ജ് കാപ് ഓഹരികളിൽ 35.57 ശതമാനം നിക്ഷേപവുമാണുള്ളത്. 27.6 ശതമാനം നിക്ഷേപം മിഡ് ക്യാപ് ഓഹരികളിലാണ്. 6.38 ശതമാനം സ്മോൾ ക്യാപ് ഓഹരികളിലുമാണ്. കഴിഞ്ഞ ഒന്നരവര്‍ഷത്തിനുള്ളിൽ 25.07 ശതമാനം റിട്ടേൺ ആണ് ഈ ഫണ്ട് നൽകിയത്.
ആക്സിസിസ് ബ്ലൂചിപ്പ് ഫണ്ട്
കഴിഞ്ഞ കുറേ വര്‍ഷങ്ങളായി നിക്ഷേപകര്‍ക്ക് മികച്ച നേട്ടം നൽകി കൊണ്ടിരിക്കുന്ന ഒരു ഫണ്ടാണിത്. ഏറ്റവും ഉയര്‍ന്ന റേറ്റിങ് ഉള്ള ഒരു ഫണ്ട് കാറ്റഗറി കൂടെയാണിത്. 18 ശതമാനത്തിലേറെ റിട്ടേൺ ആണ് കഴിഞ്ഞ വര്‍ഷം നൽകിയത്. കഴിഞ്ഞ ഏതാനും വര്‍ഷങ്ങളിലെ പ്രകടനം എടുത്താലം ഫണ്ട് മികച്ച റിട്ടേൺ ആണ് നിക്ഷേപകര്‍ക്ക് നൽകിയത്. 2013ലാണ് പ്രവര്‍ത്തനം തുടങ്ങിയത്. രണ്ട് വര്‍ഷം കൊണ്ട് നിക്ഷേപകര്‍ക്ക് ഇരട്ടിക്കടുത്ത് നേട്ടം നൽകുന്നുണ്ട്. ഉയര്‍ന്ന പ്രവര്‍ത്തനം കാഴ്ചവക്കുന്ന കമ്പനികളുെടെ ഓഹരികളിലാണ് നിക്ഷേപം. ഫിനാൻഷ്യൽ, ടെക്നോളജി കമ്പനികളുടെ ഓഹരികളിലും നിക്ഷേപമുണ്ട്.
(മ്യൂച്വൽ ഫണ്ടുകളിലെ നിക്ഷേപം നഷ്ടസാധ്യതകൾക്ക് വിധേയമാണ്. ഫണ്ടിൽ നിക്ഷേപം നടത്തും മുമ്പ് ഓരോ ഫണ്ടുകളും വിശകലനം നടത്തി സ്വന്തം റിസ്കിൽ വേണം നിക്ഷേപം)