എങ്ങനെ പണം നിക്ഷേപിക്കും?
മികച്ച ഫണ്ടുകളിൽ നിന്ന് വരുമാനം ഉണ്ടാക്കാൻ ഫണ്ടുകളുടെ വളര്‍ച്ചാ സാധ്യതയും റിട്ടേണും പ്രധാനമാണ്. 10 മുതൽ 15 ശതമാനം വരെ വരുമാനം നൽകുന്ന ഫണ്ടുകളിൽ കൈയിലുള്ള തുകയനുസരിച്ച് നിക്ഷേപം നടത്താം. 12 ശതമാനം വരെ റിട്ടേൺ നൽകുന്ന മികച്ച ഫണ്ടുകളുണ്ട്. ഇക്വിറ്റി ഫണ്ടുകളിൽ 20,000 രൂപ വീതം നിക്ഷേപിക്കാൻ ആകുന്ന ഒരാൾക്ക് 15-20 വര്‍ഷം കൊണ്ട് മികച്ച റിട്ടയര്‍മൻറ് സമ്പാദ്യത്തിനൊപ്പം വരുമാനവും നൽകുന്ന പദ്ധതികളുണ്ട്.
12 ശതമാനം റിട്ടേൺ തരുന്ന ഒരു ഫണ്ടിൽ 30 വയസിൽ 20,000 രൂപ വീതം പ്രതിമാസം നിക്ഷേപിക്കുന്ന ഒരാൾക്ക് 20 വർഷത്തിനുള്ളിൽ 10,091,520 രൂപ സമ്പാദിക്കാൻ ആകും. 50 വയസിനും നും 60 നും ഇടയിൽ അധിക നിക്ഷേപം നടത്തുന്നില്ലെങ്കിൽ പോലും 60 വയസെത്തുമ്പോൾ റിട്ടയര്‍മൻറ് സമ്പാദ്യം 31,342,729 രൂപയായി വളര്‍ന്നിട്ടുണ്ടാകും. 20,000 രൂപയൊന്നും പ്രതിമാസം നീക്കി വയ്ക്കാനില്ലാത്തവര്‍ക്ക് കൈയിലുള്ള തുകയനുസരിച്ച് നിക്ഷേപം നടത്താം. ഇതിന് എസ്ഐപികളും തെരഞ്ഞെടുക്കാം.
മികച്ച മ്യൂച്വൽ ഫണ്ടുകൾ അറിയണോ?
ഓഹരി അധിഷ്ഠിത മ്യൂച്വൽ ഫണ്ടുകളിൽ നിക്ഷേപം നടത്താൻ ആഗ്രഹിക്കുന്നവര്‍ക്ക് മികച്ച റിട്ടേൺ നൽകുന്ന ഫണ്ടുകളുണ്ട്. ഇതിൽ ഒന്നാണ് ആക്സിസ് ബ്ലൂചിപ്പ് ലാര്‍ജ് കാപ് ഫണ്ട്. വൻകിട സ്ഥാപനങ്ങളുടെ ഓഹരികളിലാണ് നിക്ഷേപം. എസ്ഐപി ആയും നിക്ഷേപം തുടരാം. 5,000 രൂപ ഒറ്റത്തവണയായി നിക്ഷേപിച്ച് 500 രൂപ മുതൽ പ്രതിമാസ നിക്ഷേപം നടത്താൻ അവസരമുണ്ട്. റിസ്ക് ബാലൻസ് ചെയ്താണ് ഫണ്ടിലെ ഓഹരി നിക്ഷേപം.
ആക്സിസ് മ്യൂച്വൽ ഫണ്ട് അവതരിപ്പിച്ച ഈ ബ്ലൂചിപ്പ് ഫണ്ട് ദീര്‍ഘകാലത്തിൽ സമ്പത്തു വളര്‍ത്താൻ ആഗ്രഹിക്കുന്നവര്‍ക്ക് സഹായകരമാകും. വൈവിധ്യമാർന്ന നിക്ഷേപ പോർട്ട്‌ഫോളിയോയിലൂടെ സമ്പത്ത് വളര്‍ത്താൻ ആഗ്രഹിക്കുന്നവര്‍ക്ക് ചെറിയ തുകയിൽ പോലും ദീര്‍ഘകാലത്തേക്ക് നിക്ഷേപം നടത്താം. ഫണ്ടിൻെറ അഞ്ച് വർഷത്തെ വാര്‍ഷിക വളര്‍ച്ച 18.50 ശതമാനമാണ്.
21 ശതമാനം വളര്‍ച്ച നൽകി ഒരു ഫണ്ട്
നിക്ഷേപകര്‍ക്ക് മികച്ച റിട്ടേൺ നൽകുന്ന മറ്റൊരു ഫണ്ടാണ് പിജിഐഎം ഇൻഡ്യ മിഡ്‍കാപ് ഫണ്ട്. അഞ്ച് വര്‍ഷം കൊണ്ട് 21 ശതമാനത്തിലേറെ നേട്ടമാണ് ഫണ്ടിലൂടെ നിക്ഷേപകര്‍ കൊയ്തത്. റിസ്ക് എടുക്കാൻ തയ്യാറായവര്‍ക്കുള്ള ഫണ്ടാണിത്. ലാര്‍ജ് കാപ് ഫണ്ട് വേണ്ടാത്തവര്‍ക്ക് നിക്ഷേപത്തിനായി ഈ ഫണ്ടുകൾ തെരഞ്ഞെടുക്കാം. ഉയര്‍ന്ന നേട്ടം പോലെ തന്നെ ഉയര്‍ന്ന നഷ്ട സാധ്യതയുള്ള വിഭാഗത്തിലെ ഫണ്ടാണിത്.
പ്രതിമാസം എസ്ഐപിയിലൂടെ കുറഞ്ഞത് 1000 രൂപ വീതവും നിക്ഷേപിക്കാം.കുറഞ്ഞത് 3-4 വർഷത്തേക്ക് നിക്ഷേപം നടത്താൻ ലക്ഷ്യമിടുന്നവര്‍ക്ക് പരിഗണിക്കാം. ഉയർന്ന വരുമാനം നൽകുന്ന ഫണ്ടിൻെറ അഞ്ച് വർഷത്തെ ശരാശരി വളര്‍ച്ചാ നിരക്ക് 21.23 ശതമാനമാണ്. ഉയര്‍ന്ന നഷ്ട സാധ്യതയുണ്ടെങ്കിലും ഉയര്‍ന്ന റിട്ടേൺ നൽകുന്ന മറ്റൊരു പിജിഐം ഫണ്ട് ആണ് പിജിഐഎം ഫ്ലെക്സി കാപ് ഫണ്ട്. 20.79 ശതമാനമാണ് അഞ്ച് വര്‍ഷത്തെ വളര്‍ച്ചാ നിരക്ക്.
(Disclaimer: ഓഹരി വിപണിയിലെ നിക്ഷേപം നഷ്ട സാധ്യതകൾക്ക് വിധേയമാണ്. നിക്ഷേപകര്‍ റിസ്ക് എടുക്കാനുള്ള ശേഷി അനുസരിച്ച് ഫണ്ടുകൾ വിശകലനം ചെയ്തു വേണം നിക്ഷേപം നടത്താൻ. അഞ്ചു വര്‍ഷത്തെ ഫണ്ടുകളുടെ പ്രകടനമാണ് റിപ്പോര്‍ട്ടിനടിസ്ഥാനം. )