പുതിയ ഇന്നൊവേഷൻ ഫണ്ടുമായി ഐസിഐസിഐ പ്രുഡൻഷ്യൽ മ്യൂച്വൽ ഫണ്ട്

ഐസിഐസിഐ പ്രുഡൻഷ്യൽ മ്യൂച്വൽ ഫണ്ട് തിങ്കളാഴ്ച ഐസിഐസിഐ പ്രുഡൻഷ്യൽ ഇന്നൊവേഷൻ ഫണ്ട് ലോഞ്ച് പ്രഖ്യാപിച്ചു. ഈ ഫണ്ട് പ്രധാനമായും ഇക്വിറ്റി, ഇക്വിറ്റി സംബന്ധിയായ കമ്പനികളുടെ സെക്യൂരിറ്റികളിലും ഗ്ലോബൽ മ്യൂച്വൽ ഫണ്ടുകൾ അഥവാ ഇടിഎഫുകളുടെ യൂണിറ്റുകളിലും നിക്ഷേപം നടത്തും. പുതിയ ഫണ്ട് ഓഫർ (എൻഎഫ്ഒ) 2022 ഏപ്രിൽ 24 വരെ സബ്‌സ്‌ക്രിപ്‌ഷനിലൂടെ ലഭ്യമാണ്.

സ്കീം ബോട്ടം അപ്പ് സമീപനം പിന്തുടരും. കൂടാതെ ഉൽപ്പന്നം, സേവനങ്ങൾ, പരിഹാരം എന്നിവയുമായി ബന്ധപ്പെട്ട നവീകരണത്തിൽ ഏർപ്പെട്ടിരിക്കുന്ന കമ്പനികളിൽ നിക്ഷേപിക്കാനും നിക്ഷേപകർക്ക് അവസരമുണ്ട്. ഈ സ്കീമിന് അനുയോജ്യമായ അവസരങ്ങളുടെ അടിസ്ഥാനത്തിൽ, മാർക്കറ്റ് ക്യാപ്പിലുടനീളം നിക്ഷേപിക്കാൻ കഴിയും, ഫണ്ട് ഹൗസ് പറഞ്ഞു.


വിഭവങ്ങളുടെ കാര്യത്തിൽ രാജ്യങ്ങൾ കൂടുതൽ സ്വയംപര്യാപ്തത കൈവരിക്കാൻ നോക്കുമ്പോൾ, ഒരു പ്രമേയമെന്ന നിലയിൽ നൂതന സാങ്കേതികത ആഗോളതലത്തിലും ആഭ്യന്തരമായും നന്നായി മുന്നോട്ട് പോകാനാണ് സാധ്യത. 5ജി സാങ്കേതികവിദ്യയുടെ വിന്യാസം വിവിധ മേഖലകളിലും, വ്യവസായങ്ങളിലും പ്രയോജനപ്പെടും. നൂതന സാങ്കേതികതയെ പരിപോഷിപ്പിക്കുന്നതിന് ഇന്ത്യയ്ക്ക് ഇതിനകം തന്നെ ശക്തമായ ഒരു ആവാസവ്യവസ്ഥയുണ്ട്. ഐസിഐസിഐ പ്രുഡൻഷ്യൽ എഎംസിയുടെ ഇൻവെസ്റ്റ്‌മെന്റ് സ്ട്രാറ്റജി മേധാവി ചിന്തൻ ഹരിയ പറഞ്ഞു.

ഈ ഫണ്ട് ഓഫറിലൂടെ ഇന്ത്യയിലും വിദേശത്തും ഉൽപ്പന്നം, സേവനം, പരിഹാരം എന്നിവുമായി ബന്ധപ്പെട്ട നൂതന പദ്ധതികളിൽ ഏർപ്പെട്ടിരിക്കുന്ന കമ്പനികളിലേക്ക് നിക്ഷേപിക്കാൻ അവസരം ലഭിക്കും. എവിടെയും നവീകരണം സംഭവിക്കാമെന്നതിനാൽ, ഐസിഐസിഐയുടെ ഗവേഷണ സംഘം സെക്ടർ, തീം നിർദ്ദിഷ്ട ട്രെൻഡുകൾ ട്രാക്ക് ചെയ്യും, ഹരിയ പറഞ്ഞു.

നൂതന തന്ത്രങ്ങളും തീമുകളും സ്വീകരിക്കുന്ന കമ്പനികളിലും നൂതന തന്ത്രങ്ങളും തീമുകളും സ്വീകരിക്കുന്ന വിദേശ സെക്യൂരിറ്റികളിലും ഈ പദ്ധതി കുറഞ്ഞത് 80 ശതമാനമെങ്കിലും നിക്ഷേപിക്കും. ഈ സ്കീം സെക്ടറും മാർക്കറ്റ് ക്യാപ് അധിഷ്ടിതവും ആയിരിക്കും. എഡിആർ, ജിഡിആർ, വിദേശ സെക്യൂരിറ്റികൾ, മ്യൂച്വൽ ഫണ്ടുകൾ, ഇടിഎഫ് എന്നിവയിൽ ഈ സ്കീം അതിന്റെ അറ്റ ആസ്തിയുടെ 20 ശതമാനം വരെ നിക്ഷേപിക്കുമെന്ന് ഫണ്ട് ഹൗസ് അറിയിച്ചു.

മ്യൂച്വൽ ഫണ്ടിൽ നിക്ഷേപിക്കുമ്പോഴെല്ലാം ആദ്യം പരിശോധിക്കേണ്ടത് റിസ്ക് പ്രൊഫൈലാണ്. നിലവിലുള്ള എല്ലാ സ്കീമുകളിൽ നിന്നും, ഏത് മ്യൂച്വൽ ഫണ്ടാണ് ഏറ്റവും അനുയോജ്യമായത് എന്നത് പ്രസക്തമായ ഒരു ചോദ്യമാണ്. പ്രത്യേകിച്ചും അത് ഏത് മാർക്കറ്റ് ക്യാപിറ്റലൈസേഷനിലാണ് വരുന്നതെന്ന് പരിശോധിച്ച ശേഷം. അതിനാൽ, ഉയർന്ന റിസ്ക് പ്രൊഫൈൽ ഉള്ളവർ മാത്രമേ സെക്ടറൽ തീമിലുള്ള ഇത്തരം ഇന്നൊവേഷൻ ഫണ്ടിൽ നിക്ഷേപിക്കാൻ പാടുള്ളൂ. അതായത് ഈ ഫണ്ടിൽ നിന്നുള്ള റിട്ടേണുകൾ കൂടുതൽ ആയിരിക്കാം. എന്നാൽ, അത് ഉയർന്ന റിസ്‌കിന്റെ അടിസ്ഥാനത്തിലായിരിക്കും എന്നാണ്.

Also Read : മ്യൂച്വൽ ഫണ്ട് നിക്ഷേപം; ഏഴ് സ്കീമുകൾ സമാരംഭിക്കാനൊരുങ്ങി ബജാജ് ഫിൻസെർവ്

ആഭ്യന്തര ഓഹരികൾക്ക് പുറമെ, വിദേശ സെക്യൂരിറ്റികളിലും നിക്ഷേപിക്കാനുള്ള സൗകര്യം ഈ ഫണ്ടിലൂടെ ലഭിക്കും. നിഫ്റ്റി 500 ടിആർഐ മാനദണ്ഡമാക്കിയാണ് സ്കീം പ്രവർത്തിക്കുക. അനീഷ് തവാക്ലി, വൈഭവ് ദുസാദ്, ഷർമിള ഡി മെല്ലോ എന്നിവരാണ് ഫണ്ടിന്റെ മാനേജർമാർ.

നിക്ഷേപകർക്ക് സ്കീമിന് കീഴിൽ ഒരു പ്ലാനില്‌ അല്ലെങ്കിൽ ഓപ്ഷനിൽ കുറഞ്ഞത് 5000 നിക്ഷേപിച്ച് ആരംഭിക്കാവുന്നതാണ്. പിന്നീട് ഒരു രൂപയുടെ ഗുണിതങ്ങളിൽ നിക്ഷേപിക്കാവുന്നതാണ്. ഈ സ്കീമിൽ നിക്ഷേപിക്കുന്നതിന് ഉയർന്ന പരിധിയില്ല. ഈ സ്കീമിൽ നിക്ഷേപിക്കുന്നതിന് എൻട്രി ലോഡ് ഒന്നും നൽകേണ്ടതില്ല. എക്സിറ്റ് ലോഡുമില്ല. എന്നിരുന്നാലും, എക്സിറ്റ് ലോഡ്, എന്തെങ്കിലും ഉണ്ടെങ്കിൽ അത് ബന്ധപ്പെട്ട സ്കീമിലേക്ക് തിരികെ ക്രെഡിറ്റ് ചെയ്യും.

(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)

Read Latest Business News and Malayalam News