ഈ മ്യൂച്വൽ ഫണ്ടിലെ 10,000 രൂപ എസ്ഐപി എത്തിയത് 46 ലക്ഷം രൂപയിൽ

ദീർഘകാലത്തിൽ സമ്പാദ്യം സൃഷ്ടിക്കാൻ മികച്ച നിക്ഷേപ മാർഗമാണ് സിസ്റ്റമാറ്റിക് ഇൻവസ്റ്റ്മെന്റ് പ്ലാൻ അഥവാ എസ്ഐപി . കൊടക് മ്യൂച്വൽ ഫണ്ടിന്റെ പിന്തുണയുള്ള കൊടക്സ് ഫ്ലെക്സി ക്യാപ് ഫണ്ട് (Kotak's Flexicap fund) ഇതിന് തെളിവാണ്. ഡൈവേഴ്സിഫൈഡ് ഇക്വിറ്റി മ്യൂച്വൽ ഫണ്ട് പദ്ധതിയാണിത്. ദീർഘകാലാടിസ്ഥാനത്തിൽ ആകർഷകമായ നേട്ടം നൽകാൻ ഈ ഫണ്ടിന് സാധിച്ചിട്ടുണ്ട്. പ്രതിമാസ എസ്ഐപി 10,000 രൂപ എന്ന തോതിലുള്ള നിക്ഷേപത്തിന് ശതമാന അടിസ്ഥാനത്തിൽ ഈ ഫണ്ട് മൂന്നക്ക റിട്ടേൺ നൽകി. 13 വർഷ കാലയളവിൽ ആകെ നിക്ഷേപിച്ച 15.90 ലക്ഷം രൂപ ഈ പദ്ധതിയിൽ 46 ലക്ഷം രൂപയായി മാറി.

Also Read : പുതിയ ഫണ്ട് അവതരിപ്പിച്ച് ആദിത്യ ബിർള സൺലൈഫ്
ഇന്ത്യയിലെ തന്നെ ഏറ്റവും വലിയ ഓപൺ എൻഡഡ് ഇക്വിറ്റി ഫണ്ട് തങ്ങളാണെന്ന് കൊടക് ഫ്ലെക്സിക്യാപ് ഫണ്ട് അവകാശപ്പെടുന്നു. 2009 സെപ്തംബറിലെ ആരംഭം മുതൽ നിരവധി പ്രതിസന്ധികൾ നിറഞ്ഞ സാഹചര്യങ്ങളിലൂടെ കടന്നു പോയ ഫണ്ടാണിത്. യൂറോസോൺ പ്രതിസന്ധി, നോട്ട് നിരോധനം, കോവിഡ് മഹാമാരി എന്നിവ അവയിൽ ചിലതാണ്. ഇത്തരം പ്രതിസന്ധികൾക്കിടയിലും ഈ ഫണ്ട് മോശമല്ലാത്ത പ്രകടനം കാഴ്ച വെച്ചു.

പ്രകടനം
ദീർഘകാലാടിസ്ഥാനത്തിൽ മികച്ച പ്രകടനമാണ് ഈ ഫണ്ട് നടത്തിയിരിക്കുന്നത്. മെച്ചപ്പെട്ട പ്രകടനം നടത്തുന്ന മേഖലകളെ ശ്രദ്ധാപൂർവ്വം തിരിച്ചറിഞ്ഞ് വിവിധ മാർക്കറ്റ് ക്യാപ്പുള്ള കമ്പനികളെ കണ്ടെത്തുന്നു. ഇവയിൽ ഏറ്റവും ലാഭ സാധ്യതയുള്ള ഇടങ്ങളിലാണ് നിക്ഷേപം നടത്തുന്നത്.

കൊടക് മ്യൂച്വൽ ഫണ്ട് നൽകുന്ന കണക്കുകൾ പ്രകാരമുള്ള നേട്ടമാണ് താഴെ നൽകിയിരിക്കുന്നത്.

ഫണ്ട് പ്രവർത്തനം ആരംഭിച്ച 2009 മുതൽ ആകെ 1 ലക്ഷം രൂപ നിക്ഷേപം നടത്തിയിരുന്നു എങ്കിൽ നിലവിൽ ആ തുക 5.6 ലക്ഷം രൂപയായി മാറുമായിരുന്നു.ഇവിടെ സിഎജിആർ, 13.9% എന്ന തോതിലാണ്.

Also Read : എസ്ഐപി നിക്ഷേപം; പുതുവർഷത്തിലെ ട്രെൻഡ് അറിയാം
ഫണ്ട് ആരംഭിച്ച സെപ്തംബർ 2009 മുതൽ 10,000 രൂപ എസ്ഐപി നടത്തിയ ഒരു വ്യക്തിയുടെ നവംബർ 2022 വരെയുള്ള ആകെ നിക്ഷേപ തുക 15.90 ലക്ഷം രൂപയാണ്. ഈ തുകയുടെ 2022 നവംബർ 30 വരെയുള്ള മൂല്യം 45,84,655 രൂപയാണ്. 188.34% മൂലധന നേട്ടമാണിത്. ഇവിടെ 14.8% എന്ന തോതിലാണ് സിഎജിആർ നേട്ടം ലഭിക്കുന്നത്.

10,000 രൂപ എസ്ഐപി തുക എല്ലാ മാസവും ഒരു വർഷത്തേക്ക് നിക്ഷേപം നടത്തിയ വ്യക്തിയുടെ ആകെ നിക്ഷേപം 1.20 ലക്ഷം രൂപയാണ്. ഈ തുകയുടെ മൂല്യം 1,30,508 രൂപയായി മാറുന്നു. ഏകദേശം 8.8% ലാഭമാണിത്.

ആരംഭം മുതൽ പരിഗണിച്ചാൽ 14.84% നേട്ടമാണ് ഈ ഫണ്ട് നൽകിയത്. 2012 ആഗസ്റ്റ് മുതൽ ഹർഷ ഉപാദ്ധ്യായയാണ് ഈ ഫണ്ട് മാനേജ് ചെയ്യുന്നത്.

Read Latest Business News and Malayalam News