പുതിയ രണ്ട് ഇൻഡക്സ് ഫണ്ടുകളുമായി യുടിഐ മ്യൂച്വൽ ഫണ്ട്

യുടിഐ മ്യൂച്വൽ ഫണ്ട് രണ്ട് ഇൻഡക്സ് ഫണ്ടുകൾ പുറത്തിറക്കിയിട്ടുണ്ട്. യുടിഐ നിഫ്റ്റി 50 ഇക്വൽ വെയ്റ്റ് ഇൻഡക്സ് ഫണ്ട്, യുടിഐ എസ്&പി ബിഎസ്ഇ ഹൗസിംഗ് ഇൻഡക്സ് ഫണ്ട് എന്നിവയാണവ. പുതിയ ഫണ്ട് ഓഫറുകൾ (എൻഎഫ്ഒ) മെയ് 22 ന് സബ്‌സ്‌ക്രിപ്‌ഷനായി തുറക്കുകയും 2023 ജൂൺ 5 ന് അവസാനിക്കുകയും ചെയ്യും. സ്കീമുകളുടെ നിക്ഷേപ ലക്ഷ്യം, അടിസ്ഥാന സൂചിക പ്രതിനിധീകരിക്കുന്ന സെക്യൂരിറ്റികളുടെ മൊത്തം റിട്ടേണുമായി പൊരുത്തപ്പെടുന്ന ചെലവുകൾക്ക് മുമ്പുള്ള വരുമാനം നൽകുക എന്നതാണ്. എന്നിരുന്നാലും, പദ്ധതിയുടെ നിക്ഷേപ ലക്ഷ്യം കൈവരിക്കുമെന്ന് യാതൊരു ഉറപ്പും ഇല്ലെന്ന് മ്യൂച്വൽ ഫണ്ട് ഹൗസ് പറഞ്ഞു.

യുടിഐ നിഫ്റ്റി50 ഈക്വൽ വെയ്റ്റ് ഇൻഡക്സ് ഫണ്ട് (UTI Nifty50 Equal Weight Index Fund)
നിഫ്റ്റി 50 ഈക്വൽ വെയ്റ്റ് സൂചിക ട്രാക്ക് ചെയ്യുന്ന ഒരു ഓപ്പൺ-എൻഡ് സ്കീമാണ് ഇത്. സ്‌കീമിന്റെ നിക്ഷേപ നയങ്ങൾ സെബി (മ്യൂച്വൽ ഫണ്ട്‌സ്) റെഗുലേഷൻസ്, 1996 അനുസരിച്ച് ആയിരിക്കും. സാധാരണ സാഹചര്യങ്ങളിൽ, നിക്ഷേപ പരിധിയും നിശ്ചയിച്ചിട്ടുണ്ട്. ഈ സൂചിക ട്രാക്ക് ചെയ്യുന്ന സെക്യൂരിറ്റികളിൽ 95% ഇക്വിറ്റികളും ഈ ഫണ്ട് നിക്ഷേപിക്കും. ബാക്കി 5% സർക്കാർ സെക്യൂരിറിറികളിൽ ആയിരിക്കും.


ഒരാൾക്ക് ഏറ്റവും കുറഞ്ഞത് 5,000 രൂപയിൽ ഈ ഫണ്ടിൽ നിക്ഷേപം ആരംഭിക്കാം. അതിനുശേഷം 1 രൂപയുടെ ഗുണിതങ്ങളായി നിക്ഷേപിക്കാം. സ്കീമിന്റെ അറ്റ ആസ്തികൾ അടിസ്ഥാന സൂചികയിൽ ഉൾപ്പെടുന്ന സ്റ്റോക്കുകളിൽ നിക്ഷേപിക്കും. സൂചിക ഉൾപ്പെടുന്ന ഓഹരികളിൽ നിക്ഷേപിച്ചാണ് ഇത് ചെയ്യുന്നത്. ഇൻവെസ്റ്റ്മെന്റ് ഗ്രേഡിന് താഴെയല്ലാത്ത മണി മാർക്കറ്റ് ഉപകരണങ്ങളിലും അംഗീകൃത സ്റ്റോക്ക് എക്സ്ചേഞ്ചുകളിൽ ട്രേഡ് ചെയ്യപ്പെടുന്ന ഡെറിവേറ്റീവുകളിലും ഇത് നിക്ഷേപിക്കും. ലിക്വിഡ് മ്യൂച്വൽ ഫണ്ടിന്റെ യൂണിറ്റുകളിലും നിക്ഷേപിക്കും. ഷെഡ്യൂൾഡ് വാണിജ്യ ബാങ്കുകളിലെ ഹ്രസ്വകാല നിക്ഷേപങ്ങൾ അനുവദിക്കുന്നതും ധാരണയിലുണ്ട്. ശർവൻ കുമാർ ഗോയൽ ആണ് ഈ ഫണ്ടിന്റെ മാനേജർ.

Also Read : ഇന്ത്യയിലെ ആദ്യത്തെ യുലിപ് സ്മോൾ ക്യാപ് ഫണ്ടുമായി ബജാജ് അലയൻസ് ലൈഫ്
യുടിഐ എസ്&പി ബിഎസ്ഇ ഹൗസിംഗ് ഇൻഡക്സ് ഫണ്ട് (UTI S&P BSE Housing Index Fund)
എസ്&പി ബിഎസ്ഇ ഹൗസിംഗ് ടിആർഐയെ ട്രാക്ക് ചെയ്യുന്ന ഒരു ഓപ്പൺ-എൻഡ് സ്കീമാണ് ഇത്. ഈ സ്കീം റെഗുലർ പ്ലാനുകളും, ഡയറക്ട് പ്ലാനുകളും വാഗ്ദാനം ചെയ്യുന്നു. രണ്ട് പ്ലാനുകളും ഗ്രോത്ത് ഓപ്ഷൻ മാത്രമാണ് വാഗ്ദാനം ചെയ്യുന്നത്. സാധാരണയായി ഈ ഓപ്ഷന് കീഴിൽ ഐഡിസിഡബ്ല്യു ഉണ്ടാകില്ല. ഫണ്ട് ഉപയോഗിച്ച് നേരിട്ട് യൂണിറ്റുകൾ വാങ്ങുന്ന അഥവാ സബ്‌സ്‌ക്രൈബ് ചെയ്യുന്ന നിക്ഷേപകർക്ക് മാത്രമാണ് ഡയറക്ട് പ്ലാൻ ലഭ്യമാവുകയുള്ളൂ. ഒരു വിതരണക്കാരൻ വഴി നിക്ഷേപം നടത്തുന്ന നിക്ഷേപകർക്ക് ഇത് ലഭ്യമല്ല. ഡയറക്ട് പ്ലാൻ സ്കീമിന് കീഴിലുള്ള ഒരു പ്രത്യേക പ്ലാൻ ആയിരിക്കും. കൂടാതെ, വിതരണ ചെലവുകൾ, കമ്മീഷൻ മുതലായവ ഒഴികെ കുറഞ്ഞ ചെലവ് അനുപാതം ഉണ്ടായിരിക്കും. ‌ഒരു പ്രത്യേക എൻഎവിയും ഉണ്ടായിരിക്കുമെന്ന് ഫണ്ട് ഹൗസ് കൂട്ടിച്ചേർത്തു.

(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. ഓഹരി വിപണി / മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)

Read Latest Business News and Malayalam News