വ്യക്തിഗത വായ്പയ്ക്ക് അപേക്ഷിക്കുന്നുണ്ടോ? ഏറ്റവും കുറഞ്ഞ പലിശ നിരക്ക് വാഗ്ദാനം ചെയ്യുന്ന 10 ബാങ്കുകൾ ഇതാ

കൊറോണ വൈറസ് പകർച്ചവ്യാധിയെ തുടർന്ന് തൊഴിൽ നഷ്ടവും ശമ്പള വെട്ടിക്കുറവും കാരണം ആളുകൾ സാമ്പത്തികമായി ബുദ്ധിമുട്ടുകയാണ്. ഇത്തരം സാഹചര്യങ്ങളിൽ സാമ്പത്തിക ബാധ്യതകൾ പരിഹരിക്കുന്നതിനായി ആളുകൾ കൂടുതലായും വ്യക്തിഗത വായ്പയെയാണ് ആശ്രയിക്കുക. ഇവരെ സഹായിക്കുന്നതിനായി ചില ബാങ്കുകൾ കുറ‍ഞ്ഞ പലിശ നിരക്കിൽ വായ്പ അനുവദിക്കുകയും ചെയ്യും. മറ്റ് സുരക്ഷിത വായ്പകളുമായി താരതമ്യം ചെയ്യുമ്പോൾ വ്യക്തിഗത വായ്പകളുടെ പലിശ നിരക്ക് വളരെ കൂടുതലാണ്. വ്യക്തിഗത വായ്പ എടുക്കുമ്പോൾ വായ്പക്കാരനെന്ന നിലയിൽ പ്രധാനമായും പരിഗണിക്കേണ്ടത് പലിശ നിരക്കിനാണ്. ഇനി കുറഞ്ഞ പലിശ നിരക്കിൽ വ്യക്തിഗത വായ്പ വാഗ്ദാനം ചെയ്യുന്ന 10 ബാങ്കുകൾ ഏതൊക്കെയെന്ന് നോക്കാം.


Also Read: റിലയൻസ് ഇൻഡസ്ട്രീസ്; ചുമതല പുതുതലമുറയ്ക്ക് കൈമാറാൻ ഒരുങ്ങി മുകേഷ് അംബാനി

വായ്പ അനുവദിക്കുമ്പോൾ വരുമാനത്തിനൊപ്പം നിങ്ങളുടെ ക്രെഡിറ്റ് സ്കോറും ബാങ്കുകൾ പരിഗണിക്കും. വായ്പ ലഭിക്കുന്നതിൽ ക്രെഡിറ്റ് സ്കോർ വളരെ നിർണായക പങ്ക് വഹിക്കുന്നു. മികച്ച ക്രെഡിറ്റ് സ്കോർ നിലനിർത്തുന്നവർക്ക് എളുപ്പത്തിൽ തടസ്സങ്ങളില്ലാതെ വായ്പ ലഭിക്കും. അതായത് നിങ്ങൾ കൃത്യമായി വായ്പ തിരിച്ചടയ്ക്കുമെന്ന് ക്രെഡിറ്റ് സ്കോറുകൾ ബാങ്കിന് ഉറപ്പുനൽകുന്നു. മികച്ച ക്രെഡിറ്റ്, സിബിൽ സ്കോറുകൾ ഉള്ളവർക്ക് വായ്പ എടുക്കാൻ പറ്റിയ അവസരമാണിത്. കാരണം കുറഞ്ഞ നിരക്കിൽ ബാങ്കുകൾ വായ്പ ഇപ്പോൾ അനുവദിക്കുന്നുണ്ട്.