കൊച്ചി: ഇൻഷുറൻസ് പരിരക്ഷയ്ക്ക് ഒപ്പം പോളിസിയിൽ നിന്ന് വരുമാനവും വാഗ്ദാനം ചെയ്ത് ആദിത്യ ബിര്ള സണ് ലൈഫ് ഇന്ഷുറന്സിൻെറ അഷ്വേര്ഡ് ഫ്ലെക്സി സേവിങ്സ് പദ്ധതി. ആവശ്യമുള്ളപ്പോൾ പോളിസിയിൽ നിന്ന് പണം പിൻവലിയ്ക്കാൻ ആകും എന്നതാണ് പ്രധാന മെച്ചം. പോളിസി ഉടമയ്ക്ക് വാര്ഷിക വരുമാനം നല്കുന്നതാണ് പദ്ധതി.
എല്ലാ വര്ഷവും പോളിസിയിൽ നിന്ന് നിശ്ചിത തുക വരുമാനമായി ലഭിയ്ക്കും. ഇതിനു പുറമെ പണത്തിന് അത്യാവശ്യം വരുന്ന ഘട്ടങ്ങളിൽ നിക്ഷേപത്തിൽ നിന്ന് ആവശ്യമായ തുക പിൻവലിയ്ക്കാനുള്ള ഓപ്ഷനുകളും ഉണ്ടായിരിക്കും.
Also Read: സ്വാതന്ത്ര്യ ദിനത്തിൽ സാമ്പത്തിക സ്വാതന്ത്ര്യം വാഗ്ദാനം ചെയ്ത് ബജാജ് ഫിനാൻസ്
ഭാവിയിലെ സാമ്പത്തിക ലക്ഷ്യങ്ങള് നിറവേറ്റാൻ പോളിസി സഹായകരമാകും. നോണ് ലിങ്ക്ഡ് വിഭാഗത്തില് പെട്ട ഇന്ഷുറന്സ് പോളിസിയാണിത്. തുക പിന്വലിച്ചില്ലെങ്കില് പോളിസി തുക വളരുകയും ഉപയോക്താവിന് കൂടുതൽ നേട്ടം നൽകുകയും ചെയ്യും.കാലാവധിയെത്തുമ്പോള് ആകെ പ്രീമിയത്തിൻെറ 110 ശതമാനം തിരികെ നല്കും. .പരിരക്ഷയ്ക്കൊപ്പം ഇതിൽ നിന്നുള്ള വരുമാനത്തിന് നികുതി ഇല്ല എന്ന സവിശേഷതയുമുണ്ട്.
എല്ലാ വര്ഷവുമോ ഒരുമിച്ചോ തുക പിൻവലിയ്ക്കാം. 4 വയസു മുതൽ 60 വയസുവരെയുള്ളവരുടെ പേരിൽ പോളിസി എടുക്കാം. പോളിസി മെച്യൂരിറ്റി കാലാവധി 86 വയസ്സാണ്. മിനിമം പ്രീമിയം തുക 50,000 രൂപയാണ്. പരമാവധി നിക്ഷേപത്തിന് പരിധിയില്ല.