പലിശ സബ്സിഡിയോടെ ലോൺ
തിരിച്ചടവിന് ഒരു വര്ഷത്തെ മോറട്ടോറിയം ലഭിയ്ക്കും. അഞ്ചു വര്ഷം ആണ് വായ്പാ തിരിച്ചടവ് കാലാവധി. പുതിയ സ്റ്റാര്ട്ടപ്പുകൾക്കും ചെറുകിട സംരംഭങ്ങൾക്കും ലോൺ ലഭ്യമാണ്. എന്നാൽ ബിസിനസ് വിപുലീകരിയ്ക്കാൻ പണം ലഭിയ്ക്കില്ല. 10 ശതമാനം പലിശയിലാണ് ലോൺ എങ്കിലും മൂന്ന് ശതമാനം പലിശ സബ്സിഡിയായി സര്ക്കാര് നൽകും.
Also Read: ഉദ്യോഗിനിയ്ക്ക് കീഴിൽ ഒരു ലക്ഷം രൂപ; അന്നപൂര്ണ നൽകും 50,000 രൂപ വരെ സഹായം
ചുരുക്കത്തിൽ 7 ശതമാനം പലിശ നിരക്ക് സംരംഭകര് നൽകിയാൽ മതിയാകും. തെരഞ്ഞെടുക്കുന്ന സംരംഭകര്ക്ക് പ്രത്യേക പരിശീലനവും ലഭിയ്ക്കും. സര്ക്കാരിൻെറ 5 ദിവസത്തെ സംരംഭകത്വ പരിശീലന പരിപാടിയിലാണ് അംഗമാകാൻ ആകുക. 13.5 കോടി രൂപ വീതമാണ് പ്രതിവര്ഷം സര്ക്കാര് വിഹിതം. അധിക തുക കെഫ്സി കണ്ടെത്തണം.
എങ്ങനെ അപേക്ഷ നൽകും?
കെഫ്സിയുടെ വെബ്സൈറ്റ് വഴി ഓൺലൈനായി അപേക്ഷകൾ സംരംഭകര്ക്ക് സമര്പ്പിയ്ക്കാം. വിശദമായ പ്രോജക്ട് റിപ്പോര്ട്ടും മറ്റു തിരിച്ചറിയൽ രേഖകളുടെ പകര്പ്പും ഒക്കെ ഇതോടൊപ്പം സമര്പ്പിയ്ക്കണം. അപേക്ഷകരിൽ നിന്ന് തെരഞ്ഞടുക്കുന്നവര്ക്കായിരിക്കും ലോൺ നൽകു. ഇതിന് പ്രത്യക സെലക്ഷൻ കമ്മിറ്റി ഉണ്ടായിരിയ്ക്കും. 18 വയസു മുതൽ 50 വയസു വരെയുള്ളവര്ക്ക് ലോണിനായി അപേക്ഷിയ്ക്കാം. മികച്ച ക്രെഡിറ്റ് സ്കോര് ഉണ്ടായിരിക്കുന്നത് ലോൺ ലഭിയ്ക്കാൻ സഹായകരമാകും.