ഐഐഎം, ഐഐടി പ്രവേശനത്തിന് ഈടില്ലാതെ വിദ്യാഭ്യാസ വായ്പ

കൊച്ചി: പ്ലസ് ടു വിന് 90 ശതമാനത്തിൽ അധികം മാര്‍ക്കുണ്ടോ? ഐഐടികൾ, ഐഐഎമ്മുകൾ തുടങ്ങിയ ഉന്നത സ്ഥാപനങ്ങളിൽ വിദ്യാഭ്യാസത്തിന് ഒരുങ്ങുകയാണോ? യാതൊരു ഈടുമില്ലാതെ വായ്പ നൽകാൻ ബാങ്കുകൾക്കാകും.

ഏറ്റവും വലിയ പൊതുമേഖലാ ബാങ്കായ എസ്ബിഐ ഉൾപ്പെടെ വിദ്യാര്‍ത്ഥികൾക്കായി ഇത്തരം വായ്പാ പദ്ധതികൾ അവതരിപ്പിച്ചിട്ടുണ്ട്. വിദ്യാഭ്യാസ സ്ഥാപനത്തിൻെറ കാറ്റഗറൈസേഷൻ ആല്ലെങ്കിൽ റാങ്കിങ്ങിന് അനുസൃതമായാണ് ബാങ്കുകൾ വായ്പാ തുക നിശ്ചയിക്കുന്നത്.

Also Read: കൊറോണക്കാലത്ത് അഞ്ചു ലക്ഷം രൂപ വരെ പേഴ്സണൽ ലോൺ വാഗ്‍ദാനം ചെയ്ത് നവി ലെൻഡിങ് ആപ്പ്

പരമാവധി40 ലക്ഷം രൂപ വരെയാണ് പ്രോസസിങ് ഫീസ് ഒന്നും ഇല്ലാതെ തന്നെ ബാങ്കുകൾ ഇത്തരത്തിൽ വായ്പ ലഭ്യമാക്കുന്നത്. പഠനം പൂര്‍ത്തിയാക്കുന്നതിന് ആവശ്യമായ മുഴുവൻ തുകയും വായ്പയായി ലഭ്യമാണ്.

എസ്ബിഐ സ്കോളര്‍ എന്ന വായ്പാ പദ്ധതിയ്ക്ക് കീഴിൽ 8.45 ശതമാനം പലിശ നിരക്കിലാണ് എസ്ബിഐ വായ്പ നൽകുന്നത്. പെൺകുട്ടികൾക്ക് പലിശ നിരക്കിൽ പ്രത്യേക ഇളവുകൾ ഉണ്ടാകും. ഡോക്യുമെൻേറഷൻ പെട്ടെന്നു പൂര്‍ത്തിയാക്കി അധികം കാലതാമസം ഇല്ലാതെ തന്നെ ലോൺ ലഭിയ്ക്കും എന്നതാണ് ഈ വിദ്യാഭ്യാസ വായ്പയെ ആകര്‍ഷകമാക്കുന്നത്.