ഉറവിടം വെളിപ്പെടുത്താത്ത പണം ബാങ്ക് അക്കൗണ്ടിൽ ഉണ്ടോ? 83 ശതമാനം വരെ നികുതി നൽകേണ്ടി വരും

ന്യൂഡൽഹി: ഉറവിടം വെളിപ്പെടുത്താത്ത പണം ബാങ്ക് അക്കൗണ്ടിൽ ഉണ്ടോ 80 ശതമാനത്തോളം നികുതി നൽകേണ്ടി വരും. പണം മാത്രമല്ല നിങ്ങളുടെ കൈവശമുള്ള വില പിടിപ്പുള്ള വസ്തുക്കൾ സ്വര്‍ണം തുടങ്ങിയവയുടെ ഉറവിടം വ്യക്തമാക്കിയില്ലെങ്കിലും നികുതി നൽകേണ്ടതായി വരും.

ആദായ നികുതി നിയമത്തിൻെറ 69 എ വകുപ്പ് പ്രകാരമാണിത്. നിങ്ങൾ നികുതി റിട്ടേണിൽ വെളിപ്പെടത്തിയിട്ടില്ലാത്ത എന്തെങ്കിലും വില പിടിപ്പുള്ള വസ്തുക്കൾ കണ്ടെത്തിയാൽ വലിയ പിഴയാണ് ഈടാക്കുക. എന്നാൽ വരുമാനം അല്ലെങ്കിൽ നിക്ഷേപം കണക്കിൽ പെടുത്തിയിട്ടുണ്ട് അതേസമയം ഉറവിടം വെളിപ്പെടുത്തിട്ടില്ലെങ്കിൽ പിഴത്തുക കുറയും.

Also Read: ഇനി ഹോട്ടൽ ബില്ലുകളും സ്കൂൾ ഫീസുകളും എല്ലാം നികുതി വലയിൽ

.നോട്ടു നിരോധനത്തിന് മുമ്പ് കോടി ഉറവിടം വെളിപ്പെടുത്താത്ത പണം വ്യാപകമായി ബാങ്കുകളിലും വീടുകളിലും ആളുകൾ സൂക്ഷിച്ചിരുന്നു. നോട്ടു നിരോധനം നടപ്പാക്കിയതിന് ശേഷമാണ് ഉറവിടം വെളിപ്പെടുത്താത്ത സ്വത്തുക്കൾക്ക് ആദായ നികുതി വകുപ്പ് കര്‍ശമായി നികുതി ഈടാക്കാൻ തുടങ്ങിയത്.

നികുതിദായകർ സമർപ്പിക്കുന്ന ആദായ നികുതി റിട്ടേണുകളിൽ സംശയം ഉണ്ടെങ്കിലും വിശദപരിശോധനയ്ക്ക് വിധേയമാക്കും. നിക്ഷേപങ്ങൾ, വരുമാന ശ്രോതസ് തുടങ്ങിയവയുടെ ഉറവിടം വ്യക്തമാക്കേണ്ടതായും വരും. കൃത്യമായ ഉറവിടം വെളിപ്പെടുത്താൻ ആയില്ലെങ്കിൽ ആദായ നികുതി വകുപ്പിലെ 69 പ്രകാരം അധിക നികുതി നൽകണം.