പണത്തിന് അത്യാവശ്യം വന്നോ? നിലവിലെ ലോൺ ടോപ് അപ് ചെയ്യാം

കൊച്ചി: പണത്തിന് അത്യാവശ്യം വന്നോ? നിലവിലെ ലോണുകൾ ടോപ് അപ് ചെയ്യാം. പണത്തിന് അത്യാവശ്യം വരുമ്പോൾ നിലവിലെ ലോണുകളിൽ നിന്ന് കൂടുതൽ തുക പിൻവലിയ്ക്കാനാകും. ഇത്തരം ലോണുകളാണ് ടോപ് അപ് ലോണുകൾ. നിലവിലെ ഭവന വായ്പ, വസ്തു ഈടിൻമേലുള്ള വായ്പ, വ്യക്തിഗത ലോൺ എന്നിവയെല്ലാം ടോപ് അപ് ചെയ്യാനാകും.

നിലവിലെ വ്യക്തിഗത വായ്പകൾ പോലും ഇങ്ങനെ ടോപ് അപ് ചെയ്യാം. നിലവിലെ ലോണുകളിൽ കൃത്യമായ തിരിച്ചടവുകൾ നടത്തുന്നവ‍ര്‍ക്ക് ആണ് സാധാരണയായി ടോപ് അപ് ലോണുകൾ അനുവദിയ്ക്കുക. ഹോം ലോൺ ഉള്ളവർക്ക് 20 വർഷം വരെയുള്ള അധിക കാലാവധിയിൽ ടോപ് അപ് ലോൺ ലഭിയ്ക്കും.

ഇത്തരം ലോണുകളുടെ തിരിച്ചടവ് മറ്റ് വായ്പകളുമായി താരതമ്യം ചെയ്യുമ്പോൾ താരതമ്യേന കുറവ് ആയിരിക്കും. നിലവിലുള്ള ലോണിന് തുല്യമായ തുകയോ, .25 ശതമാനം മുതൽ ഒരു ശതമാനം മുതൽ അധിക തുകയോ ആയിരിക്കും പലിശയായി ഈടാക്കുക.

Also Read: പ്രതിസന്ധി കാലത്ത് അധികമായി പണം കണ്ടെത്തണോ? വഴിയുണ്ട്

സാധാരണയായി ഹോം ലോൺ ടോപ് അപ് ചെയ്താൽ 7.6 ശതമാനത്തിനും 11.2 ശതമാനത്തിനും ഇടയിലായിരിക്കും പലിശ നിരക്ക്. അതേസമയം വ്യക്തിഗത വായ്പകൾക്ക് ഇത് 11 ശതമാനം മുതൽ 23 ശതമാനം വരെയായിരിക്കും. എസ്ബിഐ, എച്ച്ഡിഎഫ്സി, ആക്സിസ് ബാങ്ക് എന്നിവയെല്ലാം ഭവന വായ്പകൾക്കുമേൽ ടോപ് അപ് അനുവദിയ്ക്കാറുണ്ട്.

ടോപ് അപ് ലോണുകൾ എടുക്കേണ്ടത് എപ്പോൾ? നേട്ടങ്ങൾ എന്തൊക്കെ?

*പണത്തിന് അത്യാവശ്യം വരുന്ന ഘട്ടങ്ങളിൽ

*ലോൺ തുക ഉപയോഗിച്ച് ഫണ്ട് കണ്ടെത്തേണ്ടി വരുമ്പോൾ

*കുറഞ്ഞ പലിശ നിരക്കിൽ കൂടുതൽ കാലത്തേയ്ക്ക് ലോണുകൾ ടോപ് അപ് ചെയ്യാം

*നിലവിൽ ഒരു ലോൺ ഉള്ളതിനാൽ ഡോക്യുമെൻേറഷനും മറ്റുമായി കൂടുതൽ സമയം വേണ്ടി വരില്ലെന്നതും എളുപ്പത്തിൽ ലോൺ കിട്ടും എന്നതുമാണ് പ്രധാന ആകർഷണം.